Matayo 7:11 - KITAWO MALEŊ

¹¹ Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

KITAWO MALEŊ Catholic

¹¹ Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Matayo 7:11 ပူးပေါင်းရင်းမြစ်များ

Cakirok 6:5

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

Cakirok 8:21

Kur ma cowirok osangala Rwoth to waco i cunye ni, “Doko akibino kwoŋo piny kwoŋbedo ji, rupiri wok i thino pajo paro pajo reco. Doko akibino reyo kisi cwec makwo paka atimo.

2 Samwiri 7:19

Aka kiri me oyido obedo gimathin i waŋin Rwoth Were; iluwo kwoŋ nyikwayan i hongo ma bino yuwiye, aka inyuthan luse ma yuwiye Rwoth Were.

Yobu 15:16

To kosa ji ma jomadho reco paŋini jomadho pi, ey, jokitim adieri, aka jobu kony.

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 85:12

Rwoth bino miyo wan gimaber, aka lowo mawan bino nyak ranyak m'owega.

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Isaya 49:15

Dhako wiye nyalo wil gi nyathi pere ma dhoth, kosa nyalo weyo ma k'omako wor gi nyathi ma iye? To makada nende dhako wiye nyalo wil gi nyathi pere, kucel wiyan k'owil kodin.

Isaya 63:7

Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.

Yeremia 17:9

Ŋa manyalo niaŋ cuny dhano? Ongoye giman ma jatwodo, go two swa ma kinyal botho.

Yeremia 33:14

Ndelo bino adieri, Rwoth waco, m'abino ketho i kare cikirok m'atimo ri ot pa Isiraili kodi ot pa Yuda.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Matayo 23:9

Aka wikiri wilwoŋ moro i piny ka ni baba, rupiri winitie gi Bawin acel kende ma i polo.

Matayo 7:10

Kosa di miy go thwol, k'okwayo rec?

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Joroma 3:19

Onyo pama watieko ŋeyo ni gimoro je ma Cik waco, mako kwoŋ joma fodi joluwo Cik, ŋey wogeŋ woko rendirok pa dhano, aka Were wonyali thumo banja ri piny gipi.

Joroma 3:9

Onyo wa Joyuda wanitie maber i yo mene loyo Joman? Ongoye be! Atieko nyutho ni Joyuda kodi Jopath parom joje jonitie i meni pa gimarac,

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Jogalasia 3:22

To ndiko maleŋ waco ni kisi gimoro nitie i meni pa gimarac, to joma joyeyo jolanyalo limo mic m'ocik cungo kwoŋ yeyo Yesu Kristo.

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

1 Yohana 3:1

Neni win paka Bawan omaro wan m'oasere m'omiyo ilwoŋo wan ni nyithindho pa Were, aka iy'adieri, wabedo ameno. Gim'omiyo piny kuya wan obedo rupiri k'oŋeyo Were.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.