Matayo 5:3 - KITAWO MALEŊ

³ Josilwany a joma candere i cuny gin, kole Ker ma polo obedo apajo.

KITAWO MALEŊ Catholic

³ Josilwany a joma candere i cuny gin, kole Ker ma polo obedo apajo.

Matayo 5:3 ပူးပေါင်းရင်းမြစ်များ

2 Kigana kwoŋ Kerin 33:12

Aka munyo nitie i litho madwoŋ, to kwayo kony pa Rwoth Were pere to mwole tektek ruwaŋ Were pa kwarere pere.

2 Kigana kwoŋ Kerin 33:19

Kwac pere gi radwok pa Were, gi gima mako reco ma go otimo ma fodi k'oŋuto reco pere je gi ngoye gi genirok pere, kabedo manyakafir gi cal pa Asera were madhako m'otimo gi cal m'olamo, ondiki je i Kigana pa jotuci wac Were.

2 Kigana kwoŋ Kerin 33:23

To kwanyowoko paka bamere Manase, go k'omwole ruwaŋ Rwoth; aka gi tim me, otimo reco loyo bamere.

2 Kigana kwoŋ Kerin 34:27

rupiri iŋuto t'imwole ruwaŋ Were munyo iwinjo wac pere kwoŋ kabedo me gi ji mere, aka itieko mwole ruwaŋan, aka itieko yeco nangin perin t'iywakere ruwaŋan, abende atieko winjin, Rwoth waco.

2 Kigana kwoŋ Kerin 7:14

ka ji paran ma jolwoŋere gi nyingan jomwole, jokway, jorangan, to joweyo yo pajo ma kidakana, kenyo alawinjo gi polo, alacwako reco pajo t'abotho piny pajo.

Yobu 42:6

Riameno acayere, aka aŋuto reco paran i fukefuke kodi i buru.

Zabuli 1:1

Jasilwany a ŋata, kwero rieko pa jokidakana, kosa kiluw tim pa joreco, kosa kiriwere gi ji ma bukony ri Were.

Zabuli 112:1

Pak Rwoth! Jasilwany a ŋata lworo Rwoth, ŋata winjo maber luwo Or pere.

Zabuli 128:1

Jasilwany a ŋata lworo Rwoth, ma wotho i yo pere.

Zabuli 146:5

Jakisangala a ŋata kony pere obedo Were pa Yakobo, ŋata geno pere nitie i Rwoth Were pere,

Zabuli 2:12

aka kule win piny gi bwonirok rigo. Kakameno winyalo kwinyo nge pere piyo, to witho abwap. 2 Kole nge pere gaga piyo. Josilwany a jono ma jopondo i go.

Zabuli 34:18

Rwoth bedo cegin gi jono ma cuny gin otur, go botho jono ma jongoye gi geno.

Zabuli 41:1

Jasilwany a ŋata dewo kwoŋ jocandi, Rwoth bino botho go i hongo ma teko.

Zabuli 51:17

Cowirok ma sangala Rwoth, obedo cuny ma tur, cuny m'otur aka mamwol, Awi Were, ikicay.

Zabuli 84:12

Awi Rwoth pa lwak jolweny, josilwany a jono ma jogeno i in!

Agecin 16:19

Ber bedo mamwol i dier jocandi, loyo poko gim'onyaga gi jodelok.

Agecin 29:23

Noro pa dhano kelo podho pere, to ŋata mwol lalimo dwoŋ.

Agecin 8:32

Riameno nyithindho, winjan win. Josilwany a jono ma jotimo gim'awaco.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Matayo 11:25

I hongo no Yesu owaco kamaler ni, “Afoyin Baba, Rwoth ma polo gi piny, rupiri ipano gigipiny me ri jomariek kodi jom'ofonjere t'iwodho kamaler ri nyithindho ayino.

Matayo 11:6

Jasilwany a ŋata kibedi gi kiganagana kwoŋan!”

Matayo 13:16

To win wijosilwany swa! Waŋ win neno aka ithi win winjo.

Matayo 19:14

Yesu owaco ni, “Weyi win nyithindho jowobin bongan, aka wikiri wijuki jo, rupiri Ker ma polo obedo ri joma pameno.”

Matayo 24:46

Jatic no jasilwany ma rwoth pere ka dwoko, bino nwaŋo go timo ameno.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Matayo 3:2

“Ŋuti win, rupiri Ker ma polo nicegin!”

Matayo 8:11

Poyi win gime! Jomathoth jobino wok yuwok ceŋ kodi yupodho ceŋ to jobedo dhower i Ker ma polo kodi Abraham, Isaka, kodi Yakobo.

Mariko 10:14

Munyo Yesu oneno ameno, nge omako go gi jofonjirok pere, to waco rijo ni, “Weyi nyithindho jowobin bongan; wikiri wicer jo, kole Ker pa Were obedo apa joma pameno.

Luka 11:28

Yesu odwoko ni, “Kucel josilwany meno a joma jowinjo wac pa Were to joketho i tim!”

Luka 18:14

Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

Luka 22:29

to paka Baba omiyan Ker, abende abino timo riwin ameno.

Luka 22:30

Wibino cemo gi oro gir'amadha dhower paran i Ker paran, to wibedo wi kombere ma Ker munyo withumo banjin ri nonin apar g'ario ma Isiraili.”

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 20:29

Yesu owaco rigo ni, “Onyo iyeyo rupiri itieko nenan? Josilwany a joma yeyo kada mafodi jok'onenan!”

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

Yakobo 1:10

aka omin ma jaŋaŋo bende wosangala gi kabedo pere ma piny. Kole jom'oŋaŋ jobino leny woko paka ŋono pa thiw dudi.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

Menyirok ri Yohana 19:9

Gikenyo malaika owaco ran ni, “Ndiki gime: Josilwany a jom'olwoŋ i kalima ma nywomirok pa Nyathi rombo.” Malaika no omedo waco ni, “Me obedo wac mar'adieri mapa Were.”

Menyirok ri Yohana 22:14

Josilwany a joma lwoko ruk pajo m'olony, aka ŋey jowobedi gi siem ma camo gima nyak kwoŋ yath ma kwo, gi donjo i tindi gi i waŋkac.

Menyirok ri Yohana 3:17

Ato iwaco ni, “Aŋaŋ kendo anitie maber.” Iwaco kendo ni, “Anitie gi gimoro je m'ayenyo.” T'ikuya paka icandere. Kole yenyere womaki kodin wor ayino, ijacandi, initie kinyoro, aka waŋin je otho.