Matayo 5:12 - KITAWO MALEŊ

¹² Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

KITAWO MALEŊ Catholic

¹² Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

Matayo 5:12 ပူးပေါင်းရင်းမြစ်များ

Cakirok 15:1

Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

1 Kerin 18:13

Fodi ikiwinjo ye nike ndir munyo Yezebel oyido neko jotuci wac Were pa Rwoth akano miya acel kwoŋ jo i ŋungu i kitipin ario ma piero abic, t'amiyo jo cemo kodi pi?

1 Kerin 18:4

aka ndir ma Yezebel oyido neko jotuci wac Were, Obadia otero jotuci wac Were miya acel aka okano jo i ŋungu i kitipin ario ma piero abic to miyo jo cemo kodi pi.)

1 Kerin 19:2

Kenyo Yezebel ooro jamikwenda bongi Elia gi mikwenda ni, “Weyi werin jowonekan k'inen tundo sawa me dikin an bende akitimo rin gimoro acel m'itimo ri jotuci wac were pa Bal.”

1 Kerin 21:20

Munyo Ahab oneno Elia, openjo go ni, “Inwaŋan, jakwor paran?” Elia odwoko ni, “Ey anwaŋin! Imiyere kicutho timo reco ruwaŋ Rwoth.

1 Kerin 22:8

Ahab odwoko ni, “Nitie acel man, Mikaya wod pa Imila. T'adak go kwoŋbedo go kiwaci gimaber kwoŋan, to gimarac kende.” Yehosafat odwoko ni, “Weyi kere wokiri wowaci nger gino.”

2 Kerin 1:9

Kenyo kere ooro jatel pa jolweny kodi jolweny piero abic bongi Elia. Jonwaŋo go obedo i wi tendere aka jatel pa jolweny owaco rigo ni, “Jacwo pa Were, kere miyin cik loro piny.”

2 Kigana kwoŋ Kerin 16:10

Gime omiyo Asa omako nge swa gi jatuci wac Were m'omiyo kiri otweyo go i katwec. Obedo i hongo acel me won ma Asa ocako ter'iye ji mogo gi gero.

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Zabuli 19:11

Miyan, ŋeca perin rieko, aka nitie kemba madwoŋ i kuro.

Zabuli 58:11

Ji jolawaco ni, “Adieri nitie kemba pa joma timo gim'otire; adieri nitie Were ma thumo banja ri piny”.

Agecin 11:18

Ongoye gima jakidakana limo, to jono ma jocwoyo tiro jolimo kemba.

Isaya 3:10

Waci ri ŋata timo gim'otire ni, lakadho maber gi jo, kole jolacamo ranyak ma tim pajo.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 26:8

Munyo Yeremia otieko luwo gimoro je ma Rwoth ooro go ni wowaci ri ji je, kenyo to jocway ri Were i wi migam kodi jotuci wac Were kodi ji je jopodho kwoŋe, ka jowaco ni, “Ilatho!”

Yeremia 37:14

Yeremia odwoko ni, “Meno twodo. An akiringi kwoŋ Jobabilon.” To Iriya k'onyalo winjo go, omako go to kelo go bongi jodhum.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 6:16

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Luka 6:23

Sangala win ro ndelo ma bino tundo, aka uci win gi miel. Kole kemba mewin bino bedo madwoŋ i polo. Me a kite ma bacere pajo jotimo ri jotuci wac Were bende.

Luka 6:35

Kucel, mari win jokwor mewin, aka witim rijo maber. Odoko miy win ji gigipiny, ma wikigeno ni jobino culo win. Wibino limo kemba madwoŋ, aka wibino bedo nyithindho pa Ŋatadwoŋ Maloyo; kole go won cunye ber gi joma jokifoy go kodi joreco.

Tim pa Jomoor 16:25

Dho kapa sawa aucel ma wor, Paulo kodi Sila oyido jokwayo aka jowero wer ma pako Were, aka jotwec oyido jociko ithi gin jowinjo jo.

Tim pa Jomoor 5:41

Jomoor joeye i kapido gi kisangala madwoŋ ni Were oparo kwoŋ jo ni joripo limo acanda ma kite no i nyingi Yesu.

Joroma 5:3

Maloyo meno, wasangala i candirok mawan, rupiri waŋeyo ni candirok kelo ciro,

1 Jokorintho 3:8

Japidho kodi jaywoy pi je jorom aroma; Were bino miyo jo kemba cungo kwoŋ tic ma jotimo.

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

Jofilipi 2:17

To kad'onyo cale p'ikonjan woko pa vini m'imedo wi cowirok man kodi tic ma wok i yeyo mewin, je fodi asangala, aka apoko kisangala paran no gi wijoje.

Jokolosia 1:24

Pama onyo asangala gi candirok paran riwin, aka candirok paran i del konyan gi cowo gima fodi odoŋ i candirok pa Kristo ri delkwoŋe, m'obedo kitipa pa jom'oyeyo.

Jokolosia 3:24

Poyi win nike wibino limo kemba ma Rwoth okano riwin. Kole Kristo a Jadwoŋ ma witiyo rigo.

1 Jothesalonika 2:15

ma joneko Rwoth Yesu kodi jotuci wac pajo wegi, aka jolwenyo gi wan. Jokisangala Were be! Jolwenyo gi ji je!

Joebulaniya 10:34

Wimako wor gi jom'otwey i jiera, aka munyo omay win lim mewin wiciro teko no gi kisangala, rupiri oyido wiŋeyo ni winitie gi gima beyo loyo meno, ma yindira cil gi cil.

Joebulaniya 11:26

Go oparo ni candirok yet ri Kristo onwaŋo ber loyo ŋaŋo ma Misir; rupiri go oyido oketho waŋe kwoŋ kemba ma bino.

Joebulaniya 11:33

Yeyo omiyo jolwenyo gi piny pa jowiloka m'omore to joloyo lweny. Jotimo gim'otire to jolimo gima Were ociko jo; joculo kiri dhok simbwor,

Joebulaniya 11:6

Ongoye ŋata nyalo kisangala Were ma buyeyo. Kole ŋata bino bongi Were ripo bedo gi yeyo nike Were nitie aka miyo joma rango go kemba.

Yakobo 1:2

Jowotan, ter win paka silwany ka wiromo gi teko m'omore omore,

Yakobo 5:10

Wutmera, poyi win jotuci wac Were ma joluwo wac i nyingi Rwoth. Ter win jo paka ranen pa joma jociro gi diyo cuny jo i hongo ma candirok.

1 Petero 4:13

Kucel sangala win nike wiriwere gi Kristo i candirok pere, ŋey rumacen kisangala wopoŋ i cuny win ka onyuthi dwoŋ pere.

Ruth 2:12

Rwoth womiyin kemba ro gim'itimo, aka kemba pere wobedi m'opoŋ; Rwoth Were pa Joisiraili m'ibino nwaŋo kapondo i bwombe”.