Matayo 5:10 - KITAWO MALEŊ

¹⁰ Josilwany a joma ilwenyo gi jo ro timo gima Were yenyo, kole Ker ma polo obedo apajo!

KITAWO MALEŊ Catholic

¹⁰ Josilwany a joma ilwenyo gi jo ro timo gima Were yenyo, kole Ker ma polo obedo apajo!

Matayo 5:10 ပူးပေါင်းရင်းမြစ်များ

Zabuli 37:12

Jokidakana jotimo can ri jomaber, aka joneno jo gi dakirok.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Matayo 10:23

Aka ka ilwenyo gi win i tindi acel, ringi win i man. Awaco riwin, wik'ocow tic mewin i tindi je ma Isiraili mafodi Wod Dhano k'obino.”

Matayo 19:14

Yesu owaco ni, “Weyi win nyithindho jowobin bongan, aka wikiri wijuki jo, rupiri Ker ma polo obedo ri joma pameno.”

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Matayo 5:3

Josilwany a joma candere i cuny gin, kole Ker ma polo obedo apajo.

Mariko 10:14

Munyo Yesu oneno ameno, nge omako go gi jofonjirok pere, to waco rijo ni, “Weyi nyithindho jowobin bongan; wikiri wicer jo, kole Ker pa Were obedo apa joma pameno.

Mariko 10:30

ma kilalimo gigipiny dimiya acel, udi, wutmin, nyimin, bacere mere, mege, nyithindho kodi lowo, kodi candirok i ndir ma pama, to limo kwo makirum rumacen.

Luka 21:12

“Mafodi gigipiny me je k'otimere, ibino mako win to icando win; ibino tero win i kalamo pa Joyuda kodi i jiera; ibino tero win i waŋ kerin kodi jodhum ro nyingan.

Luka 22:29

to paka Baba omiyan Ker, abende abino timo riwin ameno.

Luka 6:20

Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

Luka 6:22

Wijosilwany ka ji jodak win, joriemo win woko, joyeto win, aka jonyeko nyingi win ni wi joreco kwoŋbedo Wod Dhano.

Yohana 15:20

Poyi win gim'atieko waco riwin, ‘Ŋeca ongoye maloyo rwoth pere gi dwoŋ.’ Ka jolwenyo kodan, jobino lwenyo gi win bende.

Tim pa Jomoor 5:40

Jolwoŋo jomoor no i ot, to jomiyo or ni wocwadi jo, aka jopiro jo ni kiri jowomedi luwo i nyingi Yesu, nyaka to jogonyo jo.

Tim pa Jomoor 8:1

Aka Saulo oyeyere gi neki me. Gi i ndelo no won, kitipa pa jom'oyeyo ma Yerusalem ocako nwaŋo acanda malith. Jom'oyeyo je, kwanyo woko jomoor, jotiakere iy'adec ma Yuda kodi Samaria parom.

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

Jofilipi 1:28

Wikiri wibedi malwor ri jokwor mewin, to ndelo je bedi win miseni, rupiri meno bino nyutho jo ni jorwenyo, to win wiboth, aka meno je gima Were ama timo.

2 Timothe 2:12

Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

2 Timothe 3:11

lweny pa ji kodan kodi candirok paran. Iŋeyo gigipiny me je m'otimere ran i Antiok, Ikoniam kodi Listira. Je jobedo lweny mager m'aciro to Rwoth bothan kwoŋ je no.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 5:11

Ato wiŋeyo ni watero joma jotieko ciro gimoro paka josilwany. Witieko winjo paka Yobu onyalo ciro candirok, aka wiŋeyo paka Rwoth oparo kwoŋe rumacen. Kole Rwoth oasere gi wor aka winjo malith gi teko pa dhano.

1 Yohana 3:12

Wikiri wibedi paka Kayin: Go oyido obedo apa Jaraco, aka oneko omin won. Raŋo ma Kayin oneko omin? Kwoŋbedo tim pere oyido rac, aka gigipiny m'omin otimo oyido beyo.

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.