Matayo 3:2 - KITAWO MALEŊ

² “Ŋuti win, rupiri Ker ma polo nicegin!”

KITAWO MALEŊ Catholic

² “Ŋuti win, rupiri Ker ma polo nicegin!”

Matayo 3:2 ပူးပေါင်းရင်းမြစ်များ

1 Kerin 8:47

kucel ka joŋuti reco pajo i lowo m'oter'iye jo paka jojiera, to jopusere, to joywak rin i lowo no, ka jowaco ni, ‘Watimo reco, watimo gi komo; aka watimo gikidakana,’

Yobu 39:12

Inyalo geno ni ladwoko, to kelo ŋano perin wok i kisia?

Yobu 42:6

Riameno acayere, aka aŋuto reco paran i fukefuke kodi i buru.

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Matayo 10:7

Kidhi wifonji ni, ‘Ker ma polo nicegin.’

Matayo 11:20

Gikenyo Yesu ocako kwoŋo tindin ma go oasa tim'iye gir'aura rupiri ji jok'oŋuto reco pajo.

Matayo 12:41

I ndelo ma thumo banja, ji ma Ninivi jobino cungo gi luse ji ma pama to jothumo banja loyo jo, rupiri joŋuto reco pajo munyo jowinjo Yona fonjo; to kole ŋati maloyo Yona gi dwoŋ ee ni ka!

Matayo 13:11

Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

Matayo 13:24

Yesu oluwo rijo iy'ageca man ama: “Ker ma polo cale dhano m'ocwoyo kodhi maber i ndelo pere.

Matayo 13:31

Yesu oluwo rijo iy'ageca man ama: “Ker ma polo cale kodhi m'odhilo, m'oasa thin kwoŋ kodhi man je;

Matayo 13:33

Yesu odoko oluwo rijo iy'ageca man ama: “Ker ma polo cale thow ma dhako nyalo kwanyo to ruwo gi moko i nywero cuka moko gipi yenyo.”

Matayo 13:47

“Ker ma polo bende cale bwo ma jokitoga jobolo i wakawaka, to jomako rec ma nger je.

Matayo 13:52

Gikenyo go odwoko ni, “Am'omiyo, kisi jandiko ma Cik m'otiek fonjo ri Ker ma polo, cale gi won peco ma wodho gigipiny macon kodi manyen je wok i dero pere.”

Matayo 18:23

Ato Ker ma polo cale kere m'ocano kidho penjo jotic pere jowotiti rigo kwoŋ lim pere ma jotic pere no jonigine.

Matayo 20:1

“Ker ma polo cale won ndelo vini m'oay odikin worwor ketho ji moro tic i ndelo pere ma vini.

Matayo 22:2

“Ker ma polo cale kere m'oyiko kalima ma nywomirok ri wode.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Matayo 25:1

“Ker ma polo cale gi nyir apar ma jotiŋo talin pajo to jokidho romo kodi jamweha.

Matayo 25:14

“Ker ma polo bino cale kodi jadwoŋ moro m'okidho woth bor to lwoŋo jotic pere, to ketho lim pere i cingi jo;

Matayo 4:17

Wok i hongo no kadho yuwaŋe Yesu ocako fonjo ka waco ni, “Ŋuti win reco rupiri Ker ma polo nicegin.”

Matayo 4:23

Yesu owotho i Galili parom, munyo fonjo Wac Manyen Maber kwoŋ Ker pa Were i kalamo pa Joyuda, gi botho two kodi ramirok ma nger je.

Matayo 5:10

Josilwany a joma ilwenyo gi jo ro timo gima Were yenyo, kole Ker ma polo obedo apajo!

Matayo 5:3

Josilwany a joma candere i cuny gin, kole Ker ma polo obedo apajo.

Matayo 6:10

Keri perin wobin; Gim'iyenyo wotimere i piny paka timere i polo.

Matayo 6:33

To kutho rangi win Ker pa Were kodi tiro ma go yenyo, aka go bino miyo win gigipiny me je.

Mariko 1:15

Go owaco ni, “Ndiri otundo, aka Ker pa Were ocore cegin. Ŋuti win reco mewin, aka wiyeyi Wac Manyen Maber.”

Mariko 1:4

Ameno Yohana Jakibatisa onenere i thim, kareno batisa ji, aka fonjo jo ni jowoŋuti reco pajo aka ŋey Were wocwaki jo.

Mariko 6:12

Gikenyo jocako woth pajo munyo jofonjo ji ni jowoŋuti reco pajo.

Luka 1:16

Go bino dwoko cuny Joisiraili bongi Rwoth Were pajo;

Luka 11:20

To k'inen ariemo jwogi gi lwet Were, kole meno Ker pa Were otieko tundo riwin.

Luka 13:3

Awaco riwin, ni k'ameno; to ka wikiŋuto reco mewin wibende wibino rere woko paka jo.

Luka 13:5

Awaco riwin, k'ameno, to ka wikiŋuto wibende wibino rere woko paka jo.”

Luka 15:10

Ameno bende awaco riwin, kisangala nitie ri jomalaika pa Were ka jagimarac acel oŋuto reco pere.”

Luka 15:7

Ameno bende awaco riwin, kisangala bino asirok i polo maloyo ro ŋat'acel ma ŋuto reco pere loyo ji m'otire piero abuŋwen g'abuŋwen ma kiyenyere rijo ŋuto kendo.”

Luka 16:30

Jaŋaŋo owaco ni, ‘Be, baba Abraham, to ka nyatoro m'owok bothi jom'otho okidho bongi jo aka jobino ŋuto reco pajo.’

Luka 21:31

Am'omiyo bende ka wineno gigipiny me timere, ŋey win ni Ker pa Were cegin bino.”

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Luka 6:20

Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

Luka 9:2

Gikenyo go odhiro jo fonjo kwoŋ Ker pa Were gi botho ji.

Tim pa Jomoor 11:18

Munyo jowinjo gime, joliŋ piem, to jopako Were munyo jowaco ni, “Kere Were otieko miyo Jopath bende hongo ma ŋuto gi bedo gi kwo.”

Tim pa Jomoor 17:30

I ndir mafodi ji oyido jokuy'iye Were, go k'okwano reco pajo, to pama go onyo oro ji je i piny je ŋuto reco pajo,

Tim pa Jomoor 2:38

Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ.

Tim pa Jomoor 20:21

Afonjo Joyuda kodi Jopath parom nike jowoŋuti reco pajo jowogiki bongi Were, to joyeyo Rwoth Yesu Kristo.

Tim pa Jomoor 26:20

Atero wac me marapena i Damasiko, nyaka t'atero Yerusalem, kodi rumacen i Yuda gipi, kodi i piny pa Jopath, ni joripo ŋuto reco pajo jowowire bongi Were, gi timo gigipiny ma nyutho nike jotieko ŋuto.

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

2 Jokorintho 7:10

Kole rem ma wok bongi Were kelo ŋuto reco aka tero dhano i both; aka ongoye ramirok kenyo. To rem ma piny ka kelo tho ayin.

Jokolosia 1:13

Kole go otieko botho wan kwoŋ meni ma mudho to kelo wan i Ker pa Wode ma migos m'omaro,

2 Timothe 2:25

aka tiro joma piemo gine gi mwolo. Kole nyalo bedo ni Were bino miyo jo hongo ma ŋuto to joŋeyo adieri.

Joebulaniya 6:1

Am'omiyo, weyi wamedere gi fonji m'otegino wawey woko fonji ma cako ma mako kwoŋ Kristo, aka wakiri wagiki kendo i fonji ma cako: Kole wiŋeyo paka wiripo ŋuto kwoŋ tic m'othotho to wimedere gi yeyo Were.

2 Petero 3:9

Rwoth kigal gi timo gima go otieko ciko paka jomegi joparo. Kucel, go diyo cunye kodi win, rupiri go kimiti nyatoro woreyere woko, to mito dhano je wonyali ŋuto reco pere.

Menyirok ri Yohana 2:21

Atieko miyo go hongo ma weyo woko reco pere, to go kimiti weyo tim pere ma wickwot.

Menyirok ri Yohana 2:5

Poyi paka ipodho wok kamabor! Ŋuti aka idok'itimi gima cango ipen timo. K'ikiŋuto kwoŋ reco perin, alabino bongin t'akwanyo woko raŋaw perin ma talin i kabedo mere.