Matayo 27:1 - KITAWO MALEŊ

¹ Odikin munyo piny oyawere, jotel pa jocway ri Were i wi migam je kodi jotel pa ji joyiko can ma neko Yesu.

KITAWO MALEŊ Catholic

¹ Odikin munyo piny oyawere, jotel pa jocway ri Were i wi migam je kodi jotel pa ji joyiko can ma neko Yesu.

Matayo 27:1 ပူးပေါင်းရင်းမြစ်များ

Zabuli 2:2

Kerin jolwenyo, jodhum jotimo can kanyacel lweny gi Rwoth, gi kere pere m'oyero.

Zabuli 31:13

Awinjo jokwor paran jomwoŋo, teko othokan i kisi thenge, jotimo ran can, ma nekan.

Zabuli 71:10

Kole jokwor paran joluwo kwoŋan, jono ma jorango kwo paran jotimo can kanyacel.

Mika 2:1

Kidamba ri jono ma jocano timo kidakana, aka jocano timo reco gi kanindo pajo. Ka piny ocot, jotimo, rupiri nitie i meni ma cingi gin.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Mariko 15:1

Odikin worwor, jotel pa jocway ri Were i wi migam, kodi jotel pa ji, kodi jondiko, kodi jopido gibe, joyiko paro kanyacel. Jotweyo Yesu gi lijegere to jotero go ruwaŋ Pilato.

Luka 13:1

I hongo no jomoro oyido jonitie kenyo ma jowaco ri Yesu kwoŋ Jogalili ma Pilato oruwo remo pajo kodi mic ma cowirok pajo.

Luka 22:66

Munyo piny oyawere, kitipa pa jotel pa Joyuda kodi jotel pa jocway ri Were i wi migam kodi Jondiko joromo kanyacel, t'itero Yesu i kapido pajo.

Yohana 18:28

Jokwanyo Yesu i ot pa Kaifas to jotero go i cel pa gavana. Piny onwaŋo obedo odikin worwor. Joyuda jok'odonjo i cel rupiri oyido joyenyo jowokure ma jok'obedo makoc i kite ma cik, ŋey jowocami kalima ma Kadho.

Tim pa Jomoor 5:21

Munyo ŋamba oriedo, jomoor jodonjo i Ot pa Were to jocako fonji paka owaci rijo. Munyo jadwoŋ pa jocway ri Were i wi migam kodi wadi jotundo, jolwoŋo jotel pa Joyuda kanyacel bedo i romo m'opoŋ i kapido. Gikenyo odhiro wac i od twec nike wokel jomoor bongi jo.

Jothum Banja 16:2

Owaci ri ji ma Gaza ni, “Samson obino ka.” Ameno jothoko tindi madwoŋ to jokuro go wor gipi i waŋkac ma tindi madwoŋ. Joliŋ wor gipi, ka joparo ni, “Weyi wakur piny woyawere; nyaka to waneko go.”

1 Samwiri 19:11

Gi wor no won Saulo ooro jopendo pere i ot pa Daudi, ŋey jowoneki go yawere odikin. Mikal, cipa Daudi, owaco rigo ni, “K'ikikwale wor me, dikin odikin ibino nekin.”