Matayo 16:16 - KITAWO MALEŊ

¹⁶ Simon Petero odwoko ni, “In ibedo Kristo Wod Were makwo.”

KITAWO MALEŊ Catholic

¹⁶ Simon Petero odwoko ni, “In ibedo Kristo Wod Were makwo.”

Matayo 16:16 ပူးပေါင်းရင်းမြစ်များ

Zabuli 2:7

Kere waco ni, abino tuco cik pa Rwoth. Rwoth owaco ran ni, “Ibedo wodan, konon me atieko bedo benin.

Zabuli 42:2

Adundo paran nitie gi riyo ri Were, ri Were makwo. Anobin keraŋo lamo ruwaŋin Rwoth?

Daniel 6:26

Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.

Matayo 1:16

Yakobo onywolo Yozefu, m'obedo cwor Maria, m'onywolo Yesu m'ilwoŋo ni Kristo.

Matayo 14:33

Jom'onwaŋo niye jolamo go ka jowaco ni, “Adieri, ibedo Wod Were.”

Matayo 16:15

Aka go openjo jo ni, “To win wiwaco ni an ŋa?”

Matayo 26:63

To Yesu oliŋaliŋa. Jadwoŋ pa jocway ri Were i wi migam odoko oluwo gine ni, “I nyingi Were makwo, pama onyo akethin i kwoŋirok; waci riwan k'inen ibedo Kristo, Wod Were.”

Matayo 27:54

Munyo jasirikale madwoŋ kodi jom'onwaŋo ni bonge munyo jokuro Yesu joneno yengirok pa piny kodi giman je m'otimere, lworo omako jo to jowaco ni, “Adieri me oyido Wod Were.”

Matayo 4:3

Jwogi obino bonge to waco ni, “K'inen ibedo Wod Were adieri, ere apawiri telin me wolokere cemo.”

Mariko 14:61

To Yesu oliŋaliŋa ma k'odwoko gimoro. Jadwoŋ no odoko openjo go ni, “Iŋat'ibedo Kristo, Wod Were ma Jasilwany?”

Luka 2:11

Konon i tindi pa Daudi onywol riwin Jaboth, m'obedo Kristo Rwoth.

Yohana 1:49

Nathanel odwoko ni, “Jafonji, ibedo Wod Were! In a Kere pa Joisiraili!”

Yohana 11:27

Go odwoko ni, “Ey, Rwoth! Ayeyo nike in i Kristo, Wod Were, m'oyido genere ni labino i piny ka.”

Yohana 20:31

To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go!

Yohana 6:57

Baba makwo ooran, aka akwo kwoŋbedo go. Meno bende apaka ŋata caman bino limo kwo wok kwoŋan.

Yohana 6:68

Simon Petero odwoko go ni, “Rwoth, onyo wanokidhi riwan bongi ŋa man? Kole iŋat'initie ye gi wac ma kwo makirum.

Yohana 6:69

Aka onyo wayeyo odoko waŋeyo nike in ibedo Maleŋ m'owok bongi Were.”

Tim pa Jomoor 14:15

“Jume, raŋo ma witimo gime? Wabende wabedo ji paka win! Wanitie ka i atoŋa ma tito riwin Wac Manyen Maber, kwanyo win woko kwoŋ gigipiny me m'ongoye kony bongi Were Ma kwo, m'ocweyo polo gi piny, nam kodi gigipiny je manitie i iye.

Tim pa Jomoor 8:36

Munyo fodi jowotho i royo, jotundo kama dipi, to jasirikale waco ni, “Kole pi moro ee. Aŋo ma geŋan limo batisimo?”

Tim pa Jomoor 8:37

[Filipo owaco rigo ni, “Inyalo kibatisa in k'iyeyo gi cunyin je.” Ana go ni, “Ayeyo ni Yesu Kristo obedo Wod Were”].

Tim pa Jomoor 9:20

Go okidho nyatirtir i kalamo pa Joyuda m'omore aka ocako fonjo kwoŋ Yesu ka waco ni, “Yesu obedo Wod Were.”

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

2 Jokorintho 1:19

Kole Yesu Kristo, Wod Were, ma wan kodi Sila gi Timothe wafonjo win kwoŋe k'obedo Ey kodi Be. Kucel i Kristo, fonji no ndir je bedo Ey.

2 Jokorintho 3:3

Nenere kamaler ni wibedo balwa ma Kristo won ondiko ma mako kwoŋ tic mawan. Aka k'ondiki gi bwino kwoŋ telin m'orudi, to ondiki gi Cuny Maleŋ pa Were makwo kwoŋ telin ma cuny ji.

2 Jokorintho 6:16

Tiyirok aŋo manitie i dier Ot pa Were kodi cal makicar? Kole wabedo Ot pa Were makwo! Paka Were won owaco ni, “Abino bedo i jo to awotho gi jo. Abino bedo Were pajo, aka jobino bedo ji paran.”

Kitawo mar'abic mapa Musa m'ilwoŋo ni Cik 5:26

Kole ŋa manitie i del m'otieko winjo dwondi Were makwo luwo wok i mac, paka watieko winjo, aka omedo kwo?

1 Jothesalonika 1:9

Kole joma koro je jowaco paka wijolo wan munyo waliewo win, gi paka wiweyo lamo cal makicar to wigik bongi Were, tiyo ri Were mar'adieri odoko makwo,

1 Timothe 3:15

To k'agalo, balwa me bino miyin iŋey kite ma waripo bedo gine i peco pa Were, m'obedo kitipa pa jom'oyeyo pa Were makwo, siro kendo cakirok p'adier.

1 Timothe 4:10

Meno am'omiyo watekere aka watiyo gi tekirok, rupiri waketho geno mawan i Were makwo m'obedo Jaboth pa ji je, to tektek mere apa jom'oyeyo.

Joebulaniya 10:31

Obedo gilworo madwoŋ swa ka nyatoro opodho i cingi Were makwo!

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Yohana 4:15

Ŋata tuco ni Yesu obedo Wod Were, Were bedo i go aka go bende bedo i Were.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

1 Yohana 5:5

Ongoye ŋata nyalo loyo meni pa piny, kwanyo woko ŋata yeyo ni Yesu obedo Wod Were.

Menyirok ri Yohana 7:2

Aka aneno malaika man bino wok yuwok ceŋ kodi gimwono ranyuth pa Were makwo. Go olwoŋo gi dwonde ma malo jomalaika aŋwen ma Were oyido omiyo jo meni ma nyeko piny kodi nam.