Matayo 13:11 - KITAWO MALEŊ

¹¹ Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

KITAWO MALEŊ Catholic

¹¹ Yesu odwoko ni, “Rieko manyaliŋliŋ ma Ker ma polo omiy win, to k'omiy jo.

Matayo 13:11 ပူးပေါင်းရင်းမြစ်များ

Zabuli 25:14

Rwoth mako mere gi jono ma jolworo go, aka nyutho cikirok pere rijo.

Isaya 29:10

Kole Rwoth okonjo kwoŋ win cuny ma nindo, go oumo waŋ win, jotuci wac Were, to umo wiy win, win ma wineno gima latimere yuwiye.

Isaya 29:11

Menyirok mere je ocale riwin wac m'omwon i kitawo. K'omiy ŋat'oŋeyo ndiko t'iwaco ni “Mondo soma gime.” Go ladwoko ni, “Akinyali kisoma, kole omwon.”

Isaya 35:8

Royo labedo kenyo, aka ilalwoŋo ni Royo Maleŋ. Ongoye jareco ma laluw'iye, jomamiŋ jok'orweny'iye dhano.

Matayo 13:10

Gikenyo jofonjirok jobino bongi Yesu to jopenjo go ni, “Raŋo ma ioro agecin ma luwo gi jo?”

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 19:11

Yesu odwoko ni, “Ongoye ŋata nyalo yeyo fonji me, kwanyo woko joma Were omiyo jo kende.

Matayo 20:23

Yesu owaco ni, “Adieri winyalo riwin madho agwata paran, to angoye kodi meni ma yero joma jobedi yuracuc kodi yuracam paran. Kabedo me obedo apa joma Baba oyiko rijo.”

Mariko 10:40

to kabedo ma yu cingan maracuc kosa maracam k'obedo tic paran poko. Me kabedo pa joma otiek yiko rijo.”

Mariko 4:11

Yesu owaco rijo ni, “Otiek miyo win ŋeyo nyaliŋliŋ ma Ker pa Were, to jonica ma joniwoko iwaco rijo gigipiny g'agecin.”

Luka 8:10

Yesu odwoko ni, “Win omiy win niaŋ kwoŋ nyaliŋliŋ ma Ker pa Were; to joman ifonjo jo g'agecin, makada joŋiyi, jokinen, kada jowinji jokiniaŋ dwoŋ gima jowinjo.”

Yohana 6:65

Aka omedo waco ni, “Me am'omiyo awaco riwin nike ongoye ŋata nyalo bino bongan kwanyo woko ka Baba am'omiyo go onyalo timo ameno.”

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Tim pa Jomoor 16:14

Ŋat'acel kwoŋ jo m'owinjo wan oyido ilwoŋo ni Lidia, ma Thiatira, m'onwaŋo jamitan ma nangin ma rangi ariŋo. Go oyido obedo dhako ma lamo Were, aka Rwoth oyawo paro pere ma winjo wac ma Paulo oyido waco.

Joroma 11:25

Amito ni winiaŋ nyaliŋliŋ me, wutmera, ŋey wikiri wipar ni wiriek swa: Wictek pa ji ma Isiraili k'obedo makiwire, to bino bedo cuka welo kwan pa Jopath ma mitere jowobin bongi Were worom.

Joroma 16:25

Weyi wamiy Were dwoŋ manyalo miyo wicungo matek i yeyo, i Wac Manyen Maber m'afonjo win, mikwenda kwoŋ Yesu Kristo, kodi kwoŋ nyutho adieri manyaliŋliŋ m'onwaŋo opan oro kweth m'okadho.

1 Jokorintho 13:2

Kad'abedi gi mic ma tuco mikwenda pa Were kodi ma niaŋ kwoŋ nyaliŋliŋ je; odoko kad'abedi gi yeyo manyalo ŋilo woko gote, t'angoye gi mar, meno je fodi angoye kony.

1 Jokorintho 15:51

Weyi awaci riwin nyaliŋliŋ me: Wajoje wak'otho, to wabino wire i yoto,

1 Jokorintho 2:14

To ŋat'ongoye gi Cuny kinyal limo mic ma wok bongi Cuny Maleŋ pa Were, rupiri obedo rigo gimiŋo: Go kinyal niaŋ kwoŋe, kwoŋbedo dwoŋ mere niaŋere ri ŋata bende nigi Cuny Maleŋ pa Were.

1 Jokorintho 2:7

Rieko ma wafonjo obedo rieko pa Were m'opanere, m'opan ri ji, ma Were oyido otieko yiko miyo wan wok con ma piny fodi k'ocwey.

1 Jokorintho 4:1

Wiripo neno wan paka jotic pa Kristo, m'omiy jo adieri pa Were m'opanere.

1 Jokorintho 4:7

Aka ŋa ma neno gim'opokere i in? Aŋo m'initie gine ma k'omiyin amiya? To inyalo kwot nedi, paŋini gim'inigine k'obedo mic?

Joefeso 1:18

Odoko akwayo nike paro ma cuny win woyawere ma neno lero pa Were, to wiŋeyo geno ma go olwoŋ'iye win, kodi silwany madwoŋ ma go ociko ji pere,

Joefeso 1:9

Were otimo gim'onwaŋo otieko cano, to miyo wan ŋeyo can pere manyaliŋliŋ ma go onwaŋo otieko yiko timo i Kristo.

Joefeso 5:32

Me obedo wac m'opondo madwoŋ swa, aka me onyo ageda k'akidho kwoŋ Kristo kodi kitipa pa jom'oyeyo go.

Joefeso 6:19

Kway win ran bende ni Were womiyan mikwenda ka ayikere luwo, ŋey aluwi gi miseni k'amiyo ji ŋeyo nyaliŋliŋ ma Wac Manyen Maber.

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

1 Timothe 3:9

joripo cwire kwoŋ nyaliŋliŋ ma yeyo kodi paro m'otire.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

1 Yohana 2:20

To Kristo otieko wiro kwoŋ win mo ma Cuny Maleŋ am'omiyo wiŋeyo adieri.

1 Yohana 2:27

To ma mako kwoŋ win, Kristo otieko wiro kwoŋ win mo ma Cuny Maleŋ pere. Ka tekin Cuny Maleŋ pere nitie i win, odoko wikiyeny moro wofonji win. Kole wir ma Cuny no won fonjo win kwoŋ gimoro je, aka gima go fonjo obedo adieri makiweno twodo, onyo doŋ win i Kristo.