Matayo 12:41 - KITAWO MALEŊ

⁴¹ I ndelo ma thumo banja, ji ma Ninivi jobino cungo gi luse ji ma pama to jothumo banja loyo jo, rupiri joŋuto reco pajo munyo jowinjo Yona fonjo; to kole ŋati maloyo Yona gi dwoŋ ee ni ka!

KITAWO MALEŊ Catholic

⁴¹ I ndelo ma thumo banja, ji ma Ninivi jobino cungo gi luse ji ma pama to jothumo banja loyo jo, rupiri joŋuto reco pajo munyo jowinjo Yona fonjo; to kole ŋati maloyo Yona gi dwoŋ ee ni ka!

Matayo 12:41 ပူးပေါင်းရင်းမြစ်များ

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Yeremia 3:11

Kenyo Rwoth owaco ran ama: Isiraili ma kigenere otieko nyutho ni go jabanja manok loyo Yuda ma jabanirok.

Yona 1:2

“Ay ikidhi i tindi madwoŋ no Ninivi, iwaci rijo kwoŋ reco pajo rupiri aŋeyo kidakana pajo.”

Yona 3:4

Yona ocako kidho i Ninivi, aka munyo otieko woth ndelo gipi okoko ni, “I ndelo piero aŋwen wok pama Ninivi bino rere woko.”

Matayo 12:39

Yesu odwoko ni, “Luse ji mareco ma kigenere ruwaŋ Were ama kwayo ranyuth. Ongoye ranyuth m'ilamiyo win kwanyo woko apa Yona jatuci wac Were.

Matayo 12:42

I ndelo ma thumo banja, kere madhako ma wok Seba i thenge ma yu Tiendan piny, bino cungo to thumo banja woloyi win, rupiri go owotho othoko piny wok kamabor bino winjo rieko pa Solomon; aka kole ŋati maloyo Solomon gi dwoŋ ee ni ka!”

Matayo 12:45

gikenyo go wok to kidho kelo cuny m'ocido wadi man abirio mareco loyo go, to jobino to jodonjo gi bedo kenyo. Kwo pa ŋato bino lokere marac loyo paka onwaŋo nitie con. Meno apaka bino timere ri luse mareco ma pama.”

Matayo 12:6

Awaco riwin, kole gimadwoŋ ma kalo Ot pa Were ni ka.

Matayo 16:4

Kole luse ji mareco ma jokidew kwoŋ Were kada mathin ama rango ranyuth ma gir'aura. Ongoye gir'aura m'ibino miyo win kwanyo woko gir'aura pa Yona kende.” Gikenyo go oweyo jo to kadho.

Matayo 17:17

Yesu odwoko ni, “A ji ma buyeyo ma jok'otire! Anobedi gi win kiri keraŋo? Anodiy cunyan gi win kiri keraŋo? Keli jayac no bongan ka!”

Matayo 23:36

Adieri awaco riwin, gir'acula me je bino bedo ri luse ji ma pama me.”

Luka 11:32

I ndelo ma thumo banja, ji ma Ninivi jobino cungo to jokelo kwoŋ win wac, rupiri joŋuto reco pajo munyo jowinjo wac ma Yona otito; aka awaco riwin, kole ŋatadwoŋ maloyo kiri Yona ee ni ka!”

Yohana 3:31

Ŋata wok malo i polo ama loyo ji je; ŋata wok i piny ka meno dhano ma piny ka, aka luwo kwoŋ gigipiny ma piny ka. To ŋata wok i polo loyo ji je.

Yohana 4:12

Iparo ni idwoŋ loyo kwari wan Yakobo m'omiyo wan waŋ pi me; aka go kodi wote, kodi mwendi pere jomadho pi me?”

Joroma 2:27

Aka Jopath jobino thumo banja woloyi win Joyuda, rupiri kada winitie gi Cik aka withumere je fodi wituro, kucel jo ama jowinjo Cik kada jok'othumere.

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.