Matayo 11:5 - KITAWO MALEŊ

⁵ Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

KITAWO MALEŊ Catholic

⁵ Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

Matayo 11:5 ပူးပေါင်းရင်းမြစ်များ

2 Kerin 5:14

Ameno Naman oloro piny i Yordan to munyere dibirio paka Elisa oyido owaco, aka obothi kicutho. Delkwoŋe olokere m'ocwiny aka m'olony.

2 Kerin 5:7

Munyo kere ma Isiraili osoma balwa, oyeco woko law pere to waco ni, “Kere ma Siria paro nike anyalo botho jame nedi? Go paro nike abedo Were manitie gi meni ma kwo kodi tho? Me nyuthere kamaler nike go temo kwinyan!”

Zabuli 146:8

Rwoth yawo waŋ joma waŋ gin otho. Rwoth tiŋo malo joma jopodho, Rwoth omaro joma timo gim'otire.

Zabuli 22:26

Jocandi jolacemo to joyeŋ, jono ma jorango Rwoth jolapako go! Weyi jowoyindira i kisi gima jotimo.

Kitawo mar'ario mapa Musa m'ilwoŋo ni Wok 4:11

Kenyo Rwoth owaco rigo ni, “Ŋa m'ocweyo dhok nyatoro? Ŋa m'amiyo go bedo obadha, kosa ithe tho? Ŋa ma miyo go neno kosa waŋe tho? K'obedo an Rwoth?

Isaya 29:18

I ndelo no joma ithi jo otho jolawinjo, wac ma kitawo, aka joma waŋ jo otho m'oyido jobedo i mudho, waŋ jo layawere to joneno.

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 43:8

Wodhi woko jono ma waŋ gin otho, kucel jonigi waŋ gin, joma ithi gin otho, kucel jonigi ithi gin!

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Zekaria 11:7

Akwayo mwendi ma ripo athumo, riameno jolimo litho. Akwanyo ludhe ario, acel alwoŋo ni Nema, aka man alwoŋo ni Riwirok; t'akwayo mwendi.

Matayo 10:8

Bothi win jotwo, cerino win jom'otho, lony win jodhowo, riemi win jwogi. Wilimo ma bu cul, am'omiyo bende miy win ji ma bu cul.

Matayo 11:4

Yesu odwoko ni, “Gik wiwaci ri Yohana gima pama wiwinjo kodi ma wineno.

Matayo 12:13

Gikenyo owaco ri jal ma cinge otho no ni, “Riey cingin!” To jalo rieyo cinge no to bende lokere maber paka nyawote ma kucel.

Matayo 21:14

Joma waŋ jo otho kodi jom'oŋol jobino bonge i Ot pa Were to botho jo.

Matayo 5:3

Josilwany a joma candere i cuny gin, kole Ker ma polo obedo apajo.

Matayo 9:30

Waŋ jono ocako neno. To Yesu ciko jo teltel ni, “Wikiri wiwaci ri nyatoro.”

Mariko 7:37

Ji je ma jowinjo wac no jouro swa. Jowaco ni, “Go otimo gimoro je maber; go miyo kiri joma ithi gin otho winjo wac, kodi obadhin luwo.”

Mariko 9:25

Munyo Yesu oneno lwak ji rikere kwoŋe, owodho or ri cuny m'ocido ni, “Jwogi no ma ithe otho, m'obadha, ariemin eye kwoŋ jayac me aka ikir'igik kwoŋe kendo.”

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 10:25

Yesu odwoko ni, “Atieko waco riwin, to wikimiti yeyo. Tic ma atimo i nyingi Baba ama luwo ran;

Yohana 10:38

To k'inen atimo gigipiny ago, kada nende wikiyeyan, yey win kada nyaka tic no aka winoŋey kicutho ni Baba nitie i an aka anitie i go.”

Yohana 2:23

Munyo go fodi ni Yerusalem i kalima ma Kadho, ji madit joyeyo nyingi go munyo joneno ranyuth m'otimo.

Yohana 3:2

Ŋato obino bongi Yesu Wor acel to waco rigo ni, “Jafonji, waŋeyo paka ibedo jafonji ma Were am'ooro. Ongoye ŋata nyalo timo gir'aura m'itimo kwanyo woko ka Were nitie gine.”

Yohana 5:36

To wac ma an awodh'iye kony dwoŋ loyo kiri ma Yohana omiyo: Ato tic ma an atimo obedo ma Baba am'omiyan timo, aka tic no nyutho kamaler ni Baba ama ooran.

Yohana 9:7

aka owaco rigo ni, “Kidhi ilwoki waŋin i jwom Silowam.” Gikenyo ŋato okidho lwoko waŋe, to dwoko ma waŋe neno.

Tim pa Jomoor 2:22

Win Joisiraili, ciki win ithi win wiwinji gime: Yesu Janazareth onwaŋo obedo dhano ma Were oyero ni wotim gir'aura, kodi gidhier kodi ranyuth m'omore i dier win; aka wiwegi wiŋeyo gime, rupiri otimere bongi win won ka.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?