Matayo 11:11 - KITAWO MALEŊ

¹¹ Adieri awaco riwin, kwoŋ wot mon je, ongoye m'otieko yudhere malo i dwoŋ loyo Yohana Jakibatisa. Kucel, kada ŋat'oasa thin i Ker ma polo je loyo go gi dwoŋ.

KITAWO MALEŊ Catholic

¹¹ Adieri awaco riwin, kwoŋ wot mon je, ongoye m'otieko yudhere malo i dwoŋ loyo Yohana Jakibatisa. Kucel, kada ŋat'oasa thin i Ker ma polo je loyo go gi dwoŋ.

Matayo 11:11 ပူးပေါင်းရင်းမြစ်များ

Yobu 14:1

Dhano ma dhako onywolo kwo ma ndelo manok, aka opoŋ gi teko.

Yobu 14:4

Ŋa manyalo wodho gim'olony wok kwoŋ gimakoc? Ongoye kada ŋat'acel.

Yobu 15:14

Nitie dhano manyalo bedo m'olony? Kosa dhano ma dhako onywolo bende nyalo bedo m'otire?

Yobu 25:4

Onyo dhano obedi nedi m'otire ruwaŋ Were, aka dhano m'onywol gi dhako obedi nedi macil?

Zabuli 51:5

Neni, abedo jareco wok i nywolirok paran, jareco munyo mama ogaman i iye.

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Zekaria 12:8

I ndelo no Rwoth lakikwonga ji ma jobedo i Yerusalem ŋey ŋata nyap kwoŋ jo i ndelo no wocale paka Daudi; aka ot pa Daudi labedo paka Were, paka malaika pa Rwoth ruwaŋ jo.

Matayo 11:10

Me a ŋat'ondiki kwoŋe ni, ‘Eno adhiro jamikwenda paran yuwiyin, ma bino yiko rin royo.’

Matayo 11:12

Wok i ndir pa Yohana Jakibatisa tundo konon, otiek monjo Ker ma polo gi maker, aka ji ma jomaker jodonj'iye gi mbaka.

Matayo 3:1

I hongo no Yohana Jakibatisa obino to cako tito wac Were i thim ma Yuda munyo waco ni:

Matayo 3:11

Abatisa win kodi pi ma nyutho nike witieko ŋuto; to ŋata bino luwan cen bino kibatisa win gi Cuny Maleŋ kodi mac. Go loyan gi dwoŋ tektek m'akiripi kada tiŋo war pere.

Matayo 5:19

Am'omiyo nyatoro je m'okwer winjo kada gimoro nyaka mathin kwoŋ Cik aka ofonji joman bende timo ameno, bino bedo ŋata loyo thino i Ker ma polo. Kucel nyatoro je m'owinji Cik aka ofonji joman bende timo ameno, bino bedo ŋatadwoŋ swa i Ker ma polo.

Luka 1:15

ato go bino bedo ŋatadwoŋ ruwaŋ Rwoth; aka go kilamadho vini kosa medho moro je ma mero jo, aka Cuny Maleŋ bino poŋ i go, kada ma fodi go ni iy min.

Luka 7:28

Awaco riwin, kwoŋ joma mon onywolo je ongoye maloyo Yohana gi dwoŋ; to kucel kiri ŋatathin loyo i Ker pa Were, je loyo go gi dwoŋ.”

Luka 9:48

Aka owaco rijo ni, “Ŋata jolo nyathi me i nyingan meno jolan; aka ŋata jolan, meno jolo ŋat'ooran; kole ŋat'oasa thin i dier win meno a ŋatadwoŋ loyo.”

Yohana 1:15

Yohana obedo paka jamikwenda pere m'okoko ka waco ni, “Me a ŋat'atieko luwo kwoŋe ni, ‘Ŋata luwan cen loyan swa gi dwoŋ, rupiri go otelo bedo ran.’ ”

Yohana 1:27

Go luwo ŋeyan, aka akiripi kada gonyo thol war pere.”

Yohana 10:41

Ji madit jobino bonge aka jowaco ni, “Yohana k'otimo gir'aura moro, to gima go owaco kwoŋ jame je obedo adieri.”

Yohana 3:30

Go ripo medo ŋeyirok kareno ŋeyirok paran mojere woko.”

Yohana 5:35

Yohana oyido obedo paka tala maliel ka miyo lero, aka wiyeyo kiri kisangala i lero pere nyaka hongo macek.

Yohana 7:39

Yesu owaco ama kwoŋ Cuny Maleŋ ma joma joyeyo go oyido jolalimo rumacen. I hongo no Cuny Maleŋ oyido fodi k'omiy ji, rupiri Yesu oyido fodi k'otiŋ malo i dwoŋ.)

1 Jokorintho 15:9

Ato abedo jamoor m'oasa thin kwoŋ jomoor je, ma kiripi kad'alwoŋa ni jamoor, rupiri alwenyo gi kitipa pa jom'oyeyo Were.

1 Jokorintho 6:4

Am'omiyo ka wac ma cale ameno obino, raŋo witero woko both ji ma jokristo jocayo ni ama jowocowi?

Joefeso 2:3

Aka wajoje oyido wacale jo, munyo watimo gima cuny wan mareco oyido tero wan'iye, aka watimo gima delkwoŋ wan gi paro mawan oyenyo. Paka joman je, di wabende walimo gir'acula pa Were.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

2 Timothe 1:10

aka pama onyo onyuthi wan i menyirok pa Jaboth mawan, Kristo Yesu, m'otieko reyo woko meni pa tho, to kelo kwo gi kiyindira makirum i lero munyo oro Wac Manyen Maber.

Joebulaniya 11:40

rupiri Were oyido oridho riwan can maber loyo. Atoŋa pere oyido obedo nike jono bende woloki jo m'olony kicutho kiromo gi wan.

1 Petero 1:10

Both me ama jotuci wac ma joluwo kwoŋ nema pa Were ma d'omiyo win, jotemo rango tiende maber.

1 Samwiri 2:30

An Rwoth Were pa Joisiraili oyido atieko cikin kanyacel gi nono perin ni wibino tiyo ran paka jocway ri Were i wi migam hongo je; t'onyo pama Rwoth waco kamaler ni gime doko kinyalere. Abino woro jono ma joworan aka jono ma joteran paka ŋatasisiri, abino tero jo paka gima bukony.