Matayo 10:20 - KITAWO MALEŊ

²⁰ Kole wac ma winowaci k'obedi mewin; to bino wok bongi Cuny pa Bawin ma bino luwo, luwo i win.”

KITAWO MALEŊ Catholic

²⁰ Kole wac ma winowaci k'obedi mewin; to bino wok bongi Cuny pa Bawin ma bino luwo, luwo i win.”

Matayo 10:20 ပူးပေါင်းရင်းမြစ်များ

2 Samwiri 23:2

Cuny pa Rwoth luwo i an, aka wac pere ni lewan.

Kitawo mar'ario mapa Musa m'ilwoŋo ni Wok 4:12

Onyo riameno kadhi, abino konyin luwo aka abino waco rin gim'inowaci.”

Matayo 6:32

Kole me a gigipiny ma jokafir joyenyo hongo je; aka Bawin manitie i polo oŋeyo nike wiyenyo gi go je.

Mariko 12:36

Kole munyo Cuny Maleŋ oloro ri Daudi won owaco ni, “Rwoth owaco ri Rwoth paran ni, Bedi yu cingan maracuc, cuka anoloki jokwor perin paka kor kasik, m'inyono gi tiendin.”

Luka 11:13

K'inen win ma wireco, wiŋeyo miyo nyithindho mewin gimaber, onyo Bawin ma i polo oloy win marom nedi i miyo joma kwayo go Cuny Maleŋ!”

Luka 12:12

Kole Cuny Maleŋ bino fonjo win i hongo no won gima wiripo waco.”

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Tim pa Jomoor 13:9

Gikenyo Cuny Maleŋ opoŋ kwoŋ Saulo, ma bende oŋeyere ni Paulo, to ŋiyo waŋ jathieth no tirtir

Tim pa Jomoor 2:4

Cuny Maleŋ opoŋ kwoŋ jo to jocako luwo dhodhok m'opokere, paka Cuny Maleŋ omiyo jo luwo.

Tim pa Jomoor 28:25

Gikenyo joeye gi piem i dier jo wegi kendi gin munyo Paulo otieko waco gimoro acel me: Cuny Maleŋ cango otire munyo luwo gi i dhok Isaya jatuci wac Were ri kwarere mewin ni,

Tim pa Jomoor 4:8

Gikenyo munyo Cuny Maleŋ opoŋ kwoŋ Petero, odwoko ni, “Jodhum kodi jotel pa ji,

Tim pa Jomoor 6:10

To Cuny Maleŋ omiyo Stefano rieko ma munyo luwo jok'onyalo ciro go.

2 Jokorintho 13:3

Ato wimito ŋeyo adieri ka Kristo luwo i an. Go kinyap ka tiyere gi win; kucel go nyutho meni pere i dier win.

1 Jothesalonika 2:13

Aka ro wac me bende, ndelo je waketho Were walwa. Munyo wakelo riwin mikwenda pa Were, wiwinjo aka wijolo, ki paka mikwenda pa dhano to mikwenda pa Were, m'obedo ameno adieri. Aka kole Were tiyo maber i dier win jom'oyeyo.

1 Petero 1:12

Were onyutho jotuci wac me ni oyido jokitiy rijo wegi, to riwin, munyo joluwo kwoŋ adieri ma pama wiwinjo. Jomikwenda ma Wac Manyen Maber, ma joluwo i meni pa Cuny Maleŋ mor wok i polo, ama jotito riwin adieri me. Me adieri ma kiri jomalaika je jomito ŋeyo dwoŋ mere.

2 Petero 1:21

Ato ongoye mikwenda pa Were m'otuci m'owok i mito pa dhano, to ji jobedo i meni pa Cuny Maleŋ munyo jotuco mikwenda m'owok bongi Were.