Matayo 10:2 - KITAWO MALEŊ

² Me a nyingi jomoor apar g'ario: Marapena Simon (m'ilwoŋo ni Petero) kodi Andereya omin go; Yakobo kodi Yohana omin go, wot Zebedayo;

KITAWO MALEŊ Catholic

² Me a nyingi jomoor apar g'ario: Marapena Simon (m'ilwoŋo ni Petero) kodi Andereya omin go; Yakobo kodi Yohana omin go, wot Zebedayo;

Matayo 10:2 ပူးပေါင်းရင်းမြစ်များ

Matayo 17:1

Rumacen ma ndelo aucel, Yesu okwanyo Petero kodi wutmere Yakobo gi Yohana, to tero jo wi got mabor kakendi gin.

Matayo 20:20

Gikenyo min wot Zebedayo obino bongi Yesu gi wote ario to goyo conge ruwaŋe munyo kwayo go gimoro.

Matayo 26:37

Go okwanyo Petero kodi wot Zebedayo jario. Gikenyo cunye ocako ramo to bedo gi rem.

Matayo 4:18

Munyo Yesu oyido wotho dho Wakawaka Galili, go oneno wutmere ario ma jokitoga, Simon (m'ilwoŋo ni Petero) gi Andereya omin go, munyo oyido jociko rec i wakawaka gi bwo rupiri oyido jobedo jokitoga.

Matayo 4:21

Yesu omedere woth aka oneno wutmere ario man, Yakobo kodi Yohana, yac pa Zebedayo. Onwaŋo jonitie i ye pajo gi ba gin Zebedayo joyiko bwo pajo, to lwoŋo jo.

Mariko 1:29

Tekin jowok i kitipa pa jom'oyeyo pa Joyuda, Yesu kodi Yakobo jokidho kodi Andereya peco pa Simon.

Mariko 13:3

Aka munyo Yesu obedo piny wi got Oliv, m'otitere gi Ot pa Were, Petero, Yohana kodi Andereya jopenjo go nyaliŋliŋ ni,

Mariko 6:30

Jomoor jodwoko bongi Yesu to jowaco rigo gimoro je ma jotimo gi ma jofonjo.

Luka 11:49

Am'omiyo Rieko pa Were waco ni, ‘Abino dhiro rijo jotuci wac Were kodi jomikwenda; aka jobino neko megi, joman to jocando.’

Luka 22:14

Munyo hongo otundo, Yesu obedo dhower gi jomoor pere.

Luka 22:8

Riameno Yesu ooro Petero gi Yohana gi wac me: “Kidhi wiyiki cemo mawan m'othieno ma kalima ma Kadho wacam.”

Luka 5:10

Yakobo kodi Yohana, wot Zebedayo, ma jobedo jowoti Simon, je bende jobwok. Aka Yesu owaco ri Simon ni, “Ikir'ibedi gi lworo! Wok gunyo ni, ibino kitoga ji.”

Luka 9:10

Jomoor jodwoko to jowaco ri Yesu gimoro je ma jotimo. Go okwanyo jo to jokodere gicen i tindi m'ilwoŋo ni Bethsayida.

Yohana 12:22

Filipo okidho to waco ri Andereya, aka jario no jokidho to jowaco ri Yesu.

Yohana 13:23

Acel kwoŋ jofonjirok ma Yesu omaro, onwaŋo bende obedo kabuti Yesu.

Yohana 20:2

Go oringo to kidho bongi Simon Petero kodi jafonjirok man ma Yesu omaro, to waco rijo ni, “Jokwanyo woko Rwoth i kaliel aka wakuya kam'oketh'iye go!”

Yohana 21:2

Simon Petero, Toma (m'ilwoŋo ni Rut), Nathanel (ma wok Kana i Galili) wot Zebedayo kodi jofonjirok pa Yesu man jario je oyido jo ni kanyacel.

Yohana 21:20

Petero owire to neno jafonjirok man luwo jo ma Yesu omaro, ma ndir ca othenere bongi Yesu dhower to penjo ni, “Rwoth, ŋata kidho camo rin sereko?”

Yohana 21:24

Go a jafonjirok ma luwo kwoŋ gigipiny me, aka ama ondiko gigipiny me; aka waŋeyo nike gima go ondiko obedo adieri.

Yohana 6:67

Ameno Yesu openjo japar g'ario ni, “To win, wibende wimito weyan?”

Yohana 6:70

Yesu odwoko ni, “Akiyero win apar g'ario? To ŋat'acel kwoŋ win obedo jwogi!”

Yohana 6:71

Go oyido luwo kwoŋ Yuda, wod pa Simon Iskariot. Rupiri Yuda, kad'onwaŋo obedo acel kwoŋ japar g'ario, go am'oyido kidho camo ri Yesu sereko.

Yohana 6:8

Jafonjirok pere man, Andereya, omin Simon Petero owaco ni,

Tim pa Jomoor 1:13

Jodonjo Yerusalem aka joidho malo i ot m'onwaŋo jobed'iye; Petero, Yohana, Yakobo kodi Andereya, Filipo gi Toma, Batholomayo kodi Matayo, Yakobo wod pa Alfayo, Simon ma jalweny ri piny pere, kodi Yuda wod pa Yakobo.

Tim pa Jomoor 1:26

To jobolo rijo kwir, to Matias loyo; t'iketho go i kitipa pa jomoor apar g'acel.

Tim pa Jomoor 12:2

Go owodho or t'ineko Yakobo, omin Yohana, g'abor.

Tim pa Jomoor 3:1

Ndelo moro Petero kodi Yohana oyido jokidho i Ot pa Were sawa abuŋwen m'othieno, i hongo ma kwayo.

1 Jokorintho 15:7

Gikenyo go omenyere ri Yakobo, gi rumacen ri jomoor pere je.

Joefeso 4:11

Go am'omiyo ji mic; go oloko jomegi jomoor, joman jotuci wac Were, joman jotiti Wac Manyen Maber, joman oketho bedo jokwath kodi jofonji.

Joebulaniya 3:1

Riameno wutmera i Kristo, ma bende Were am'olwoŋo, kethi paro mewin kwoŋ Yesu, m'obedo jamoor kendo jadwoŋ pa jocway ri Were i wi migam, ma konyo yeyo ma watuco ni wanigine.

1 Petero 1:1

Balwa m'owok bongi Petero, jamoor pa Yesu Kristo. Ri ji pa Were m'oyer ma jobedo paka wendo i piny aka jotiakere iy'adec ma Ponto, Galasia, Kapadosia, Asia kodi Bithinia.

2 Petero 1:1

Balwa m'owok bongi Simon Petero, jatic kendo jamoor pa Yesu Kristo. Ri joma i tiro pa Were mawan kendo Jaboth, Yesu Kristo, omiy jo yeyo ma diwelo paka mawan.

2 Yohana 1:1

Balwa m'owok bongi Jadwoŋ. Ri dhakodwoŋ m'oyer kodi nyithindho pere m'amaro i adieri, aka ki an kendan, to ji je ma bende joŋeyo adieri jomaro win,

3 Yohana 1:1

Balwa m'owok bongi Jadwoŋ. Ri Gayo nyawotan ma kacunyan, m'amaro i adieri.

Menyirok ri Yohana 1:1

Me a wac m'omenyere ma Were omiyo Yesu Kristo, ŋey wonyuthi jotic pa Were gima ripo timere mayot. Kristo omiyo gigipiny me oŋeyere ri jatic pere Yohana munyo ooro malaika pere bonge.

Menyirok ri Yohana 1:9

An Yohana, omin win manitie gi win i Yesu i candirok, kodi i Ker pere, kodi iciro teko. An onwaŋo obolan i kigoda ma pi othoko ma Patimos ro fonjo wac pa Were kodi bedo jakony ri adieri pa Yesu.

Menyirok ri Yohana 18:20

Sangala ro podho pere, a polo! Sangala win, ji maleŋ pa Were kodi jomoor kodi jotuci wac Were pere! Kole Were otieko thumo banja rigo ro gima go oyido timo riwin!

Menyirok ri Yohana 22:8

An Yohana, aŋat'awinjo kendo aneno gigipiny me je. Aka munyo atieko winjo gi neno gime, agore piny dho tiendi malaika m'onyuthan gigipiny me ni alam go.