Matayo 10:1 - KITAWO MALEŊ

¹ Yesu olwoŋo jofonjirok pere apar g'ario kanyacel to miyo jo meni ma riemo woko cuny m'ocido kodi ma botho kiti ramirok je kodi two je.

KITAWO MALEŊ Catholic

¹ Yesu olwoŋo jofonjirok pere apar g'ario kanyacel to miyo jo meni ma riemo woko cuny m'ocido kodi ma botho kiti ramirok je kodi two je.

Matayo 10:1 ပူးပေါင်းရင်းမြစ်များ

Matayo 19:28

Yesu owaco rijo ni, “Adieri awaco riwin, i ndir manyen, ma Wod Dhano bino bed'iye wi kom pere ma dhum ma didwoŋ, gikenyo wijapar g'ario ma wiluwan bende wibino bedo wi kombere ma dhum apar g'ario, kareno withumo banjin ri nonin apar g'ario ma Isiraili.

Matayo 26:20

Munyo hongo m'othieno otundo, Yesu kodi jofonjirok pere apar g'ario jobedo piny cemo.

Matayo 26:47

Munyo go fodi luwo, Yuda, acel kwoŋ jofonjirok apar g'ario otundo. Go oyido nitie gi dwol ji madwoŋ ma jotiŋo abor kodi abirin, aka jowok bongi jotel pa jocway ri Were i wi migam kodi jotel pa Joyuda.

Matayo 4:23

Yesu owotho i Galili parom, munyo fonjo Wac Manyen Maber kwoŋ Ker pa Were i kalamo pa Joyuda, gi botho two kodi ramirok ma nger je.

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Matayo 9:35

Gikenyo Yesu okidho i tindi je kodi loka je. Go ofonjo i kalamo ma Yuda munyo tito Wac Manyen Maber ma Ker, aka obotho ji kwoŋ kiti two kodi ramirok je.

Matayo 9:38

am'omiyo kway win Rwoth ma won keco wodhiri jotic jowokec rigo.”

Luka 10:19

Onyo atieko miyo win meni ma nyono gi tiendi win thwole kodi thwolgwok, gi nyalo woko meni pa jakwor je; kendo ongoye gima bino timo win marac.

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Luka 24:49

Aka abino dhiro riwin gima Baba ociko; to wiripo kuro i tindi cuka meni ma wok i polo olori riwin.”

Luka 6:13

Munyo piny oyawere, olwoŋo jofonjirok pere, to yero japar g'ario i dier jo m'olwoŋo ni Jomoor;

Yohana 17:2

Kole imiyo go meni kwoŋ ji je, ŋey go womiy joma imiyo go je kwo makirum.

Yohana 3:27

Yohana odwoko ni, “Ongoye dhano manyalo bedo gi gimoro kwanyo woko ka Were am'omiyo go.

Yohana 3:35

Were Baba omaro Wode aka oketho gimoro je i cingi go.

Yohana 6:70

Yesu odwoko ni, “Akiyero win apar g'ario? To ŋat'acel kwoŋ win obedo jwogi!”

Tim pa Jomoor 1:8

to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny.

Tim pa Jomoor 19:15

To cuny m'ocido owaco rijo ni, “Aŋeyo Yesu aka aŋeyo gima tho kwoŋ Paulo; to win, wijokune?”

Menyirok ri Yohana 12:1

Gikenyo ranyuth madwoŋ onenere i polo: Obedo dhako moro m'oruko waŋceŋ, aka dwe onwaŋo nitie i tiende piny, kodi sangaria ma micalin apar g'ario i wiye.