Malaki 3:8 - KITAWO MALEŊ

⁸ Nyatoro okwal Were? Kucel wikwalan. To wipenjo ni, “Wakwalin nedi?” Iy'acel ma wi apar gi mic mewin.

KITAWO MALEŊ Catholic

⁸ Nyatoro okwal Were? Kucel wikwalan. To wipenjo ni, “Wakwalin nedi?” Iy'acel ma wi apar gi mic mewin.

Malaki 3:8 ပူးပေါင်းရင်းမြစ်များ

Zabuli 29:2

Pak win nyingi Rwoth madwoŋ, lam win go ka onenere.

Agecin 11:24

Jomegi jomiyo gi cuny jo maber, kucel jomedo ŋaŋo, joman jodire gi gigipiny pajo, to jolokere jocandi.

Isaya 43:23

Fodi wikikelo ran rombo mewin ma mic awaŋa, kosa wimiyan dwoŋ gi cowirok mewin. Fodi akijoko win gi kwayo mic, kosa alaco win gi kwayo buban.

Jolevi 19:25

To i oro mar'abic, winyalo camo olemo pajo, ŋey ranyak pa womedere ri rin: An abedo Rwoth Were mewin.

Zekaria 5:3

Go owaco ran ni, “Me lam macegin kadho ruwaŋ piny gibe, kole kisi dhano ma kwalo ilakwanyo woko luwo kwoŋe, aka kisi dhano ma kwoŋere nono ilakwanyo woko luwo kwoŋe.

Malaki 1:13

Wiwaco ni, ‘Nga waol gi gime.’ Widienyo ran um win. Paka mic mewin, wikelo ran gim'okwany gi maker, m'oŋol kosa ma two. Wiparo ni anojoli wok i cingi win! Rwoth pa lwak jolweny waco.

Malaki 1:8

Ka wikelo ran ogwaŋe ma waŋ gin otho kosa ma jotwo kosa m'oŋol, wiparo ni ongoye gimarac gi gino? Tem win miyo nger ogwaŋe no ri gavana mewin! Go nyalo kisangala gi win kosa nyutho win ŋono?

Matayo 22:21

Jodwoko ni, “Apa Kayisar.” Gikenyo Yesu owaco rijo ni, “Am'omiyo, miy win Kayisar gipa Kayisar, aka Were bende miy win go gipa Were.”

Mariko 12:17

Gikenyo Yesu owaco ni, “am'omiyo miy win Kayisar gipa Kayisar, aka wimiy Were bende gipa Were.” Aka joje jouro go.

Luka 20:25

Jodwoko ni, “Apa Kayisar.” Aka Yesu odwoko ni, “Ere ka ameno, miy win Kayisar gipa Kayisar, aka wimiy Were bende gipa Were.”

Joroma 13:7

Am'omiyo, cul win gima wiripo culo dhano; cul misolo perin bongi ŋat'iripo culo, kodi lim perin bende ameno; aka wor win ŋata ripo awora, odoko miy dhano je dwoŋ, ma ripo amiya dwoŋ.

Joroma 2:22

In m'iwaco ni, “Ikir'itim cot.” Iwon doko itimo cot nedi? In m'idak lamo cal makicar, doko inyaga gigipiny wok i migam m'ilam'iye werin moro nedi?

Yosuwa 7:11

Isiraili otieko timo reco; jotieko kibenga kwoŋ cikirok paran m'aoro jo; jotieko kwanyo gigipiny moro m'oyido joripo reyo woko, jotieko kwalo gi twodo, to joketho jo i dier gigipiny pajo.