Malaki 3:17 - KITAWO MALEŊ

¹⁷ Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

KITAWO MALEŊ Catholic

¹⁷ Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo.

Malaki 3:17 ပူးပေါင်းရင်းမြစ်များ

Nehemia 13:22

Amiyo Jolevi cik lokirok maleŋ aka jokadhi jowokuri waŋkace neno ni okur Sabato maleŋ. Poyan, Awi Were paran, ri gime bende, aka ikuran ro dwoŋ ma mar perin makiwire.

Zabuli 115:13

Go bino miyo silwany jono je ma jolworo Rwoth, mathindho gi madongo.

Zabuli 135:4

Kole Rwoth otieko yero Yakobo rigo won, Isiraili paka lim pere won.

Kitawo mar'ario mapa Musa m'ilwoŋo ni Wok 19:5

Onyo riameno, ka winowinji dwondan to wikuro cikirok paran, wilabedo ji paran won. Piny gibe aparan, to wibino bedo ji paran m'ayero,

Kitawo mar'ario mapa Musa m'ilwoŋo ni Wok 32:32

Mondo cwaki reco pajo; to k'ik'ocwaki, onyo reyi woko nyingan i kitawo m'indik'iye.”

Wer pa Solomon 2:16

Jamitirok paran obedo aparan, aka abedo apere, go kwayo mwendi pere i dier mawuwa m'ilwoŋo ni lili.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:21

Ji m'atimo ri an won, ŋey jowotuci pak paran.

Yeremia 31:20

Efrayim obedo wodan ma kacunyan? Go obedo nyathi ma fore gine? Paka aluwo kwoŋ go noknok, fodi apoyo go. Riameno cunyan rembo rigo, alanyutho go ŋono adieri. Rwoth waco.

Yeremia 31:33

To me a cikirok m'abino timo gi ot pa Isiraili rumacen ma ndelo no, Rwoth waco. Alandiko cik paran i jo, aka alandiko i cuny jo. Were pajo aka jolabedo ji paran.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Zefania 2:2

mafodi gim'owacere k'otundo, paka cuŋ ma thon, mafodi nge m'ogaga pa Rwoth k'obino kwoŋ win, mafodi ndelo ma keme pa Rwoth k'obino kwoŋ win.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Malaki 4:3

I ndelo no k'anotim gimoro, wibino loyo jokidakana, aka jobino cale fukefuke ma par tiendi win.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

1 Jokorintho 15:23

To kisi dhano cerino gi hongo pere; Kristo marapena ri ji je; nyaka joma jobedo apa Kristo bende jobino luwo i ndir ma bino pere.

1 Jokorintho 6:20

Go onyewo win gi welo ma malo. Am'omiyo or win delkwoŋ win ma miyo Were dwoŋ.

2 Jokorintho 6:18

Abino bedo Bawin, aka wibino bedo wotan gi nyingan. Rwoth Majameni je waco.”

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Kitawo mar'abic mapa Musa m'ilwoŋo ni Cik 14:2

Kole wibedo ji maleŋ ri Rwoth Were mewin, obedo win ama Rwoth otieko yero kwoŋ nonin je i piny bedo ji pere, aka lim pere ma welo.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.