Malaki 2:8 - KITAWO MALEŊ

⁸ “To onyo wiweyo yo m'otire; aka witieko miyo ji kweth ceri gi fonji mewin. Wituro cikirok paran gi win, Rwoth pa lwak jolweny waco.

KITAWO MALEŊ Catholic

⁸ “To onyo wiweyo yo m'otire; aka witieko miyo ji kweth ceri gi fonji mewin. Wituro cikirok paran gi win, Rwoth pa lwak jolweny waco.

Malaki 2:8 ပူးပေါင်းရင်းမြစ်များ

2 Kerin 16:11

Ameno Uriya ogeto migam ma cale gine aka ocowo mafodi Ahaz k'odwoko.

Nehemia 13:29

Poyi jo, Awi Were paran, kwoŋbedo jokoco tic ma cwayo rin, cikirok ma cango itimo gi jocway ri Were i wi migam kodi Jolevi.

Zabuli 119:102

Akijwango fonji perin, kole in won ibedo jafonji paran.

Zabuli 18:21

Kole atieko kuro yo pa Rwoth, aka akiwire kwoŋ Were paran timo kidakana.

Agecin 12:8

Ifoyo dhano ro rieko pere, to jawictek icayo.

Isaya 30:11

eye win i royo, leŋ win i yo, wakimiti winjo kendo gima mako kwoŋ Were Maleŋ pa Isiraili.”

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Isaya 9:16

Kole jono m'oyido jotelo jome jorwenyo jo, aka jono m'oyido itelo jo owey jo i nywowirok.

Yeremia 17:13

Awi geno pa Isiraili! Awi Rwoth! Jono je ma jojwangin ibino ketho jo i wickwot; jono je ma joweyin ilandiko nyingi jo i pendi piny, rupiri jotieko jwango cakirok ma pi ma kwo, in Rwoth.

Yeremia 17:5

Me apaka Rwoth waco: Kwoŋ ri jono ma jogeno nyaka ji to joloko ji meni pajo, joma cuny jo bor gi Rwoth.

Yeremia 18:15

Kucel ji paran wiy jo owil kodan, jowaŋo mic ri gima k'adieri; Jotieko kitangatanga i royin pajo, i royin pajo macene, jotieko luwo i ger, makiweno i ngudo madwoŋ.

Yeremia 2:8

Jocway ri Were i wi migam jok'openjo ni, “Nikune Rwoth?” Jono ma jokuro cik jok'oŋeyan; jokwath jogwenyere kwoŋan; jotuci wac Were joluwo kwoŋ Bal ayino, to jodwaro gigipiny ma bu magowa.

Ezekiel 22:26

Jocway ri Were i wi migam mere joturo cik paran aka jokiwor gimaleŋ. Jokikethi pokirok i dier leŋo kodi gima kileŋ. Jokifonji pokirok i dier gim'olony kodi gimakoc, aka jokoco sabato paran, ŋey kiworan i dier jo.

Ezekiel 44:10

Jolevi ma jojwangan, to jolamo calin munyo Joisiraili jonyeko, jolalimo gir'acula pajo.

Ezekiel 44:12

Kwoŋbedo jotiyo rijo ruwaŋ calin pajo to jomiyo ot pa Isiraili podho i reco, riameno atieko kwoŋirok kwoŋ jo ni jolalimo gir'acula. Rwoth Were waco.

Ezekiel 44:7

Wiyeyo jopath, ma jok'othumere donjo i ot paran, wikoco ot paran ka wimiyan cemo, bor kodi remo. Witieko turo cikirok paran g'amien mewin.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Jolevi 21:15

ŋey wokiri wokoc nyithindho pere i dier ji pere; rupiri An abedo Rwoth ma loko go maleŋ.”

Zefania 3:4

Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Malaki 2:5

“Cikirok paran gi Levi oyido ma kwo gi siem, aka amiyo go, ŋey wolworan, aka go olworan, ocungo i lworo ma nyingan.

Kwan 25:12

Riameno wac ni, ‘Atimo gi go cikirok ma siem.

Kwan 25:13

Go kodi nyikway go je jolatic paka jocway ri Were i wi migam cil gi cil; kwoŋbedo go onyutho miyirok ri Were pere, to kelo cwak ri reco pa Isiraili.’ ”

Joroma 14:21

Gim'otire a weyo camo riŋo, madho vini, kosa timo gimoro man je ma miyo omerin podho, kosa cunye ŋedhere, kosa lokere manyap i yeyo.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

1 Samwiri 2:17

Reco pa wot Eli oyido oasere ruwaŋ Rwoth, kwoŋbedo oyido jokiwor cowirok pa Rwoth.

1 Samwiri 2:24

Be! Nyithindho paran gim'awinjo kwoŋ win ma ji pa Rwoth jowaco kiber.

1 Samwiri 2:30

An Rwoth Were pa Joisiraili oyido atieko cikin kanyacel gi nono perin ni wibino tiyo ran paka jocway ri Were i wi migam hongo je; t'onyo pama Rwoth waco kamaler ni gime doko kinyalere. Abino woro jono ma joworan aka jono ma joteran paka ŋatasisiri, abino tero jo paka gima bukony.