Malaki 2:7 - KITAWO MALEŊ

⁷ Rupiri dhok jacway ri Were i wi migam ripo gwoko rieko, aka ji joripo rango rieko wok bonge, rupiri go obedo jamikwenda pa Rwoth pa lwak jolweny.”

KITAWO MALEŊ Catholic

⁷ Rupiri dhok jacway ri Were i wi migam ripo gwoko rieko, aka ji joripo rango rieko wok bonge, rupiri go obedo jamikwenda pa Rwoth pa lwak jolweny.”

Malaki 2:7 ပူးပေါင်းရင်းမြစ်များ

2 Kerin 16:11

Ameno Uriya ogeto migam ma cale gine aka ocowo mafodi Ahaz k'odwoko.

2 Kerin 16:16

Uriya otimo paka kere owodho or.

2 Kigana kwoŋ Kerin 30:22

To Hezekia luwo gi miseni ri Jolevi je ma jonyutho ndijo maber i tic pa Rwoth. Ameno to ji jocamo cemo ma kalima ma ndelo abirio, ka jomiyo cowirok ma siem gi foyo Rwoth Were pa kwarere pajo.

2 Kigana kwoŋ Kerin 31:4

To kere Hezekia waco ri ji m'oyido jobedo i Yerusalem ni jowomiy adec m'obedo apa jocway ri Were i wi migam kodi Jolevi, ŋey jowomiy kwo pajo ri cik pa Rwoth.

Ezira 7:10

Ezira oyido omiyere kisoma Cik pa Rwoth, gi timo gima cik waco, gi fonjo Joisiraili thenethene mere je.

Ezira 7:25

In, Ezira, cungo kwoŋ rieko ma Were ocweyin gine, yer jodhum gi jothum banja ma joluwo Cik pa Were perin dhumo ji ma yuwok ceŋ ma Yufrete. Aka iripo fonjo Cik ŋat'okuya kwoŋe je.

Agecin 5:2

Kenyo nyaka ibino ŋeyo nger ma bedo gi kula maber, aka wac perin lanyutho ni inigi ŋeyo.

Jafonji 5:5

Bedo m'ikitimo cikirok ber loyo k'iciko t'iweyo m'ikitimo.

Isaya 42:19

Ŋa ma waŋ'otho kwanyo woko ŋeca paran, kosa ma ithe otho paka jamikwenda paran m'adhiro? Ŋa ma waŋ'otho paka ŋat'atimo gine cikirok, kosa ma waŋ'otho paka ŋeca pa Rwoth?

Isaya 44:26

Go ma ridho wac pa ŋeca pere, to ketho i kare gima ŋecin pere jowaco. Go ma waco kwoŋ Yerusalem ni, “Ilabed'iye.” Go waco kwoŋ tindin ma Yuda ni, “Ilageto jo kendo, aka alacewo gundin pajo.”

Yeremia 15:19

Riameno Rwoth waco ama: “K'inogiki, aladwokin cen, aka ilacungo ruwaŋan. K'inotuci gima dicwe, makiweno gima sisiri, ilatimo tic paka dhokan. Jo ama jolagik bongin, to ikilagik bongi jo.

Yeremia 18:18

Kenyo to ji jowaco ni, “Biye win watim gimoro ri Yeremia! Kole wak'ocandi jacway ri Were i wi migam ma fonjo wan, jomariek ma miyo wan rieko, kodi jotuci wac Were ma tuco mikwenda pa Were. Biye win, weyi wakel kwoŋe banja, aka weyi wakiri wawinji wac pere moro je.”

Yeremia 2:8

Jocway ri Were i wi migam jok'openjo ni, “Nikune Rwoth?” Jono ma jokuro cik jok'oŋeyan; jokwath jogwenyere kwoŋan; jotuci wac Were joluwo kwoŋ Bal ayino, to jodwaro gigipiny ma bu magowa.

Ezekiel 22:26

Jocway ri Were i wi migam mere joturo cik paran aka jokiwor gimaleŋ. Jokikethi pokirok i dier leŋo kodi gima kileŋ. Jokifonji pokirok i dier gim'olony kodi gimakoc, aka jokoco sabato paran, ŋey kiworan i dier jo.

Ezekiel 7:26

Teko i wi teko labino, pokopoko i wi pokopoko, jolarango menyirok wok bongi jatuci wac Were, aka fonji langoye bongi jacway ri Were i wi migam, kodi mic rieko wok bongi jodongo.

Daniel 11:33

Aka jono ma joriek ma jonitie i dier ji jolamiyo niaŋ ri ji mathoth, kada jolatho g'abor kodi mac m'odheth, gi twec kodi kinyaga, ma hongo mogo.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Jolevi 10:11

Iripo fonjo Joisiraili cik je ma Rwoth oluwo gi cingi Musa.

Zefania 3:4

Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Hagay 1:13

Kenyo Hagay jamikwenda pa Rwoth oluwo mikwenda pa Rwoth ri ji, ka waco ama: Anitie gi win, Rwoth waco.

Zekaria 7:3

kodi penjo jocway ri Were i wi migam m'oyido jonitie i Ot pa Rwoth pa lwak jolweny kodi jotuci wac Were ni, “Anyalo ywak kodi lokirok maleŋ i dwe mar'abic paka oyido atimo ma oro kweth pama?”

Malaki 3:1

Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.

Kwan 27:21

Go lagoŋere kwoŋ Eliazar jacway ri Were i wi migam, ma lamiyo go ŋeyo mito paran gi Urim ruwaŋ Rwoth. I nger me Eliazar latelo Yosuwa kodi lwak pa Isiraili i kisi gimoro.”

Yohana 13:20

Adieri awaco riwin, moro je ma jolo nyatoro ma aoro, meno bende jolan aka ŋata jolan, meno bende jolo ŋat'ooran.”

Yohana 20:21

Gikenyo Yesu odoko owaco rijo ni, “Siem wobedi kodi win. Paka Baba ooran abende aoro win.”

Tim pa Jomoor 16:17

Go oluwo Paulo gi wan munyo koko ni, “Jome jotic pa Were Madwoŋ Maloyo! Jotito riwin royo ma both!”

2 Jokorintho 5:20

Am'omiyo, wabedo jomikwenda ma joluwo ri Kristo, paŋini Were won gipi onyo goyo koko ri ji i wan. Kapa Kristo, wakwayo win ni dwoki win witiyere kodi Were!

Jogalasia 4:14

To wikicayan kosa kweran, kada two paran no oyido obedo riwin tem. Kucel wijolan paka di wijolo malaika pa Were, kosa Kristo Yesu!

Kitawo mar'abic mapa Musa m'ilwoŋo ni Cik 21:5

Jocway ri Were i wi migam, nyikway Jolevi, jolabino yumalo winjo banjin mar'akaka. Kole Rwoth Were mewin otieko yero jo tic rigo kodi miyo silwany i nyingi Rwoth.

Kitawo mar'abic mapa Musa m'ilwoŋo ni Cik 24:8

Gwokere win kwoŋ thoyamo ma dhowo, luwo gi kinen fonji ma jocway ri Were i wi migam ma Jolevi jomiyo win, paka atieko miyo jo or.

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.

1 Samwiri 2:17

Reco pa wot Eli oyido oasere ruwaŋ Rwoth, kwoŋbedo oyido jokiwor cowirok pa Rwoth.