Malaki 2:6 - KITAWO MALEŊ

⁶ Fonji mar'adieri oyido ni dhoke, aka ongoye komo m'onwaŋere i dhoke. Owotho kodan i siem kodi tiro, aka owiro ji madit wok i reco.

KITAWO MALEŊ Catholic

⁶ Fonji mar'adieri oyido ni dhoke, aka ongoye komo m'onwaŋere i dhoke. Owotho kodan i siem kodi tiro, aka owiro ji madit wok i reco.

Malaki 2:6 ပူးပေါင်းရင်းမြစ်များ

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 6:9

Me kigana ma mako kwoŋ Nowa. Nowa oyido obedo jacwo m'otire, ongoye gi komo aka owotho iy'acel gi Were.

Zabuli 119:142

Initie gi tiro ma cil gi cil aka cik perin jobedo adieri.

Zabuli 119:151

Kucel initie cegin kodan, Awi Rwoth, aka or perin je obedo adieri.

Zabuli 37:30

Dhok jomaber luwo rieko, aka lew gin luwo tiro.

Zabuli 37:37

Kaŋasa ji ma jongoye g'apuse, aka neni ji ma jotimo gim'otire, kole ji ma jomaro siem jonitie gi nyikway gin,

Agecin 5:2

Kenyo nyaka ibino ŋeyo nger ma bedo gi kula maber, aka wac perin lanyutho ni inigi ŋeyo.

Yeremia 23:22

To bedi jobedi i romo paran, nyaka di jotuco wac paran ri ji paran, aka di jowiro jo wok i yo pajo marac, kodi i tim pajo marac.”

Daniel 12:3

Jomariek jolaliel paka lero ma pondeponde; aka jono ma jotelo ji kweth timo gim'otire jolaminyin paka micalin cil gi cil.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Matayo 22:16

Gikenyo jooro jofonjirok pajo mogo kodi jopa Herode moro bongi Yesu. Jowaco ni, “Jafonji, waŋeyo nike ibedo dhano m'otire: Ifonjo royo pa Were g'adieri, m'ikidew kwoŋ gima ji paro, rupiri ikidew kwoŋ dwoŋ pa dhano.

Mariko 12:14

Jobino bonge to jowaco ni, “Jafonji, waŋeyo ni ibedo ŋat'otire, aka ikilwori nyatoro; ikidew kwoŋ dwoŋ pa nyatoro, to ifonjo gir'adieri kwoŋ gima Were yenyo ri dhano ayino. Ere waci riwan; yere i Cik mawan goyo misolo ri Kayisar, kosa be?”

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Luka 20:21

Jopendo me jopenjo Yesu ni, “Jafonji, waŋeyo nike gim'iwaco kodi gim'ifonjo otire, kendo ikidew kwoŋ dwoŋ pa dhano moro je, to ifonjo adieri kwoŋ gima Were mito ri dhano timo.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Kitawo mar'abic mapa Musa m'ilwoŋo ni Cik 33:10

Jolafonjo Yakobo kodi Isiraili cik perin. Jolaketho buban ruwaŋin, kodi mic awaŋa gikululu i wi migam perin.

Kitawo mar'abic mapa Musa m'ilwoŋo ni Cik 33:8

Ri Jolevi go owaco ni: Thumim perin kodi Urim perin, obedo gi jacwo ma winjin, m'itemo i Masa, m'ipiemo gine i pi ma Meriba.

Kitawo mar'abic mapa Musa m'ilwoŋo ni Cik 33:9

M'owaco kwoŋ min kodi bamere ni, “Fodi akineno go.” Kosa k'oyeyo wutmin kosa ŋeyo nyithindho pere, kole joluwo wac perin, aka jokuro cikirok perin.

Menyirok ri Yohana 14:5

Twodo k'onwaŋere i dhok jo; jongoye gi reco ma di kwan rijo.

1 Samwiri 2:12

Wot Eli oyido jobedo jokidakana, aka oyido jokilwor Rwoth.