Malaki 2:10 - KITAWO MALEŊ

¹⁰ Wangoye gi bawan acel, Were acel ama k'ocweyo wan? Raŋo onyo wabedo jobanirok ri wadi wan, aka raŋo wabwono cikirok ma Were otimo gi kwarere mawan?

KITAWO MALEŊ Catholic

¹⁰ Wangoye gi bawan acel, Were acel ama k'ocweyo wan? Raŋo onyo wabedo jobanirok ri wadi wan, aka raŋo wabwono cikirok ma Were otimo gi kwarere mawan?

Malaki 2:10 ပူးပေါင်းရင်းမြစ်များ

Nehemia 13:29

Poyi jo, Awi Were paran, kwoŋbedo jokoco tic ma cwayo rin, cikirok ma cango itimo gi jocway ri Were i wi migam kodi Jolevi.

Yobu 31:15

Kole Were acel m'ocweyan i iy mama, ama bende ocweyo ŋecin paran.

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Kitawo mar'ario mapa Musa m'ilwoŋo ni Wok 19:4

Wineno gima An Rwoth atimo ri Jomisir kodi nger m'atiŋo win'iye paka aŋo tiŋo nyithindhe i bwombe to akelo win ka.

Kitawo mar'ario mapa Musa m'ilwoŋo ni Wok 19:5

Onyo riameno, ka winowinji dwondan to wikuro cikirok paran, wilabedo ji paran won. Piny gibe aparan, to wibino bedo ji paran m'ayero,

Kitawo mar'ario mapa Musa m'ilwoŋo ni Wok 24:3

Musa obino to waco ri ji je Or pa Rwoth gi cik je, aka ji je jodwoko akwora ni, “Walatimo gima Rwoth owaco je.”

Kitawo mar'ario mapa Musa m'ilwoŋo ni Wok 24:7

Kenyo okwanyo kitawo ma cikirok m'oyido ondiki iye Or pa Rwoth to soma ri ji, aka jodwoko ni, “Wabino timo kisi gima Rwoth owaco aka wabino winjo.”

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:15

An abedo Rwoth, Ŋataleŋ perin, Jacwec pa Isiraili, Kere perin.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:2

Rwoth m'ocweyin waco ama, go m'otimin i ici aka lakonyin. Ikir'ilwor, awi Yakobo ŋeca paran, Yesurun m'atieko yero.

Isaya 51:2

Ŋiy win Abraham kwari win, gi Sara m'onywolo win. Kole Abraham oyido ongoye gi nyathi munyo alwoŋo go, to, amiyo go silwany gi nyithindho, aloko nyikway go kweth.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 64:7

Ongoye ŋata lwoŋo nyingin, kosa ma temo goŋirok kwoŋin; kole ipano riwan waŋin, aka iolo wan i cingi reco mawan.

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Yeremia 31:9

Joladwoko kareno joywak, aka alatelo jo dwoko k'adiyo cuny jo. Alamiyo jo woth i thengi waŋ pi, i royo m'otire ma jokinyal cer, kwoŋbedo atieko bedo ba Isiraili, Efrayim obedo okayo paran.

Ezekiel 33:24

Wod dhano, ji ma jobedo i kabedo m'onyekere i piny ma Isiraili jomena waco ni, Abraham am'obedo ŋat'acel kende, kucel onwaŋo lowo; to pama onyo wathothi; adieri lowo omiy wan ni wabed'iye.

Malaki 1:6

Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Malaki 2:11

Ji ma Yuda jongoye g'adieri, aka jotimo gikoc i Isiraili gi Yerusalem; rupiri Yuda otieko koco Ot pa Rwoth ma lamo ma go omaro. Cwo jonywomo nyir ma jolamo werin pa jopath.

Malaki 2:8

“To onyo wiweyo yo m'otire; aka witieko miyo ji kweth ceri gi fonji mewin. Wituro cikirok paran gi win, Rwoth pa lwak jolweny waco.

Matayo 10:21

“Omin dhano won ama bino tero omin go woneki, aka bacere bende jobino timo ameno ri nyithindho pajo; nyithindho bende jobino wire ri jonywol pajo to jomiyo ineko jo.

Matayo 22:16

Gikenyo jooro jofonjirok pajo mogo kodi jopa Herode moro bongi Yesu. Jowaco ni, “Jafonji, waŋeyo nike ibedo dhano m'otire: Ifonjo royo pa Were g'adieri, m'ikidew kwoŋ gima ji paro, rupiri ikidew kwoŋ dwoŋ pa dhano.

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

Luka 1:73

kwoŋirok ma cango go otimo ri kwari wan Abraham, nike bino botho wan wok i cingi jokwor mawan,

Luka 3:8

Tim win gigipiny ma nyutho nike wiŋuto reco mewin. To wikiri wicaki waco wiwegi kendi win ni, ‘Abraham meno kwari wan!’ Kendo awaco riwin, kole Were nyalo kwanyo telin me to loko nyikway Abraham.

Yohana 8:39

Gikenyo jodwoko go ni, “Bawan obedo Abraham.” Yesu odwoko ni, “Bedi adieri winyithindho pa Abraham, di witimo gima cango go otimo.

Yohana 8:41

Adieri witimo gima bawin otimo.” Jodwoko ni, “Wakibedo nyithindho madudi. Wanitie gi Bawan acel kende, Were won gipi.”

Yohana 8:53

Onyo iwaco nike idwoŋ loyo Abraham Bawan m'otieko tho. Aka jotuci wac Were bende jotho. Iparo nike in iŋa?”

Yohana 8:56

Bawin Abraham osangala nike oyido laneno ndelo paran; oneno aka osangala.”

Tim pa Jomoor 17:24

Were m'ocweyo piny kodi gima nitie iye gibe, obedo Rwoth ma polo kodi piny, aka kibedi i udi ma ji ama jogero.

Tim pa Jomoor 17:25

Odoko go kiyeny kony moro bongi dhano paŋini go keŋ gimoro ma dhano ama nyalo miyo go, rupiri go won ama miyo ji je kwo, luya kodi gimoro je.

Tim pa Jomoor 17:26

Wok kwoŋ dhano acel go ocweyo nonin je, to miyo jo bedo i piny gipi. Go won ama cango ocano ndir kodi kew ma kabedo ma ji di jobed'iye.

Tim pa Jomoor 7:2

Aka Stefano odwoko ni, wutmera gi bacere nan! Winjan win! Were man gi dwoŋ omenyere ri kwari wan Abraham munyo go fodi nitie yu Mesopotamia, mafodi go k'okidho bedo Haran,

Tim pa Jomoor 7:26

Yawere mere Musa onwaŋo Joisiraili ario jogore, to temo theko jo ka waco ni, “Jume, kole wibedo wutmere. Raŋo ma widhaw matek ama?”

Joroma 4:1

Onyo wanowaci aŋo kwoŋ Abraham, kwari wan i del?

Joroma 9:10

Aka ki meno kende; nger gino bende otimere ri Rebeka munyo ogamo iye to limo nyithindho ma rut, go kodi kwari wan Isaka.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

Joefeso 4:25

Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

Joefeso 4:6

Were nitie acel, m'obedo Ba ji je, kodi Rwoth pa ji je, aka tiyo i ji je, odoko nitie i ji je.

1 Jothesalonika 4:6

Aka i wac me, wongoye nyatoro ma wotim ri nyawote raco, kosa ma woor kwo pere kicar. Kole watieko waco riwin gime con, munyo wanyutho win gima wikure kwoŋe, nike Were bino cando joma timo kite reco no.

Joebulaniya 12:9

Aka kisi dhano kwoŋ wan onwaŋo wan gi bacere mawan ma jomiyo wan gir'acula aka wamiyo jo dwoŋ. Onyo di waripi mwolok marom nedi ri Ba cuny wan to walimo kwo!

Yosuwa 24:3

Kenyo akwanyo bawin Abraham wok kalo malawa aka atelo go i lowo ma Kanan parom, t'aloko nyikwaye mathoth. Amiyo go Isaka;