Malaki 1:6 - KITAWO MALEŊ

⁶ Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

KITAWO MALEŊ Catholic

⁶ Rwoth pa lwak jolweny waco ama: Nyathi majayac miyo bamere dwoŋ, aka ŋeca miyo jadwoŋ pere dwoŋ. To k'inen abedo bawin, nikune dwoŋ paran? Aka k'abedo jadwoŋ mewin raŋo wikilworan? Win, jocway ri Were i wi migam, wibwono nyingan; aka kucel wipenjo ni, “Wabwono nyingin nedi?”

Malaki 1:6 ပူးပေါင်းရင်းမြစ်များ

Zabuli 123:2

Paka waŋ ŋeca, ŋiyo cingi jadwoŋ pere, paka waŋ japidi, ŋiyo cingi dhakodwoŋ pere, ameno walamedo ŋiyin Awi Rwoth Were mawan, cuka imako gi wan wor.

Kitawo mar'ario mapa Musa m'ilwoŋo ni Wok 20:12

“Wor benin gi yokin, ŋey winyal kiyindira ma hongo malac i lowo ma Rwoth Were mewin miyo win.”

Agecin 17:6

Nyikway jo obedo dwoŋ pa jom'otegino, aka dwoŋ pa nyithindho obedo jonywol pajo.

Agecin 30:11

Nitie luse ji ma jokwoŋo bacere pajo, aka jokimiy yokere pajo silwany.

Agecin 30:17

Waŋ jo ma nyoma bajo, aka cayo winjo min jo, agak ma milelo jolafudho woko, aka acut jolacuto woko.

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 43:23

Fodi wikikelo ran rombo mewin ma mic awaŋa, kosa wimiyan dwoŋ gi cowirok mewin. Fodi akijoko win gi kwayo mic, kosa alaco win gi kwayo buban.

Isaya 45:10

Kidamba ri ŋata waco ri bamere ni, “Inywolo aŋo?” Kosa ri dhako ni, “Ŋedi ramin g'aŋo?”

Isaya 64:7

Ongoye ŋata lwoŋo nyingin, kosa ma temo goŋirok kwoŋin; kole ipano riwan waŋin, aka iolo wan i cingi reco mawan.

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Yeremia 23:11

Jotuci wac Were kodi jocway ri Were i wi migam je jokuya Were; kiri i ot paran je atieko nwaŋo kidakana pajo, Rwoth waco.

Yeremia 3:4

Nyaka ikiwok lwoŋan pama won me, “Awi baba paran, imaran wok i soye paran.

Yeremia 31:9

Joladwoko kareno joywak, aka alatelo jo dwoko k'adiyo cuny jo. Alamiyo jo woth i thengi waŋ pi, i royo m'otire ma jokinyal cer, kwoŋbedo atieko bedo ba Isiraili, Efrayim obedo okayo paran.

Yeremia 35:16

Nyikway Yonadab wod pa Rekab jotieko kuro or ma kwari jo owodho rijo, to nono me fodi k'owinjan.

Ezekiel 22:26

Jocway ri Were i wi migam mere joturo cik paran aka jokiwor gimaleŋ. Jokikethi pokirok i dier leŋo kodi gima kileŋ. Jokifonji pokirok i dier gim'olony kodi gimakoc, aka jokoco sabato paran, ŋey kiworan i dier jo.

Hoseya 12:8

Efrayim otieko waco ni, “Nga aŋaŋ.” Atieko limo lim paran won; i magowa paran je, ongoye banja m'otiek nwaŋo kwoŋan, ma dinyo bedo reco.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Hoseya 5:1

Winji win gime, Awi jocway ri Were i wi migam! Ciki ithin, Awi ot ma Isiraili! Winji, Awi ot pa kere! Kole thumo banja me mako win; kole wilokere bwo i Mizipa, kodi bwo m'oyar kwoŋ Tabor,

Jolevi 19:3

Kisi dhano wolwor min kodi bamere, aka wikuri sabato: An abedo Rwoth Were mewin.

Zefania 3:4

Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Malaki 2:1

Rwoth pa lwak jolweny waco ama: Aka onyo win, jocway ri Were i wi migam, me cik riwin.

Malaki 2:10

Wangoye gi bawan acel, Were acel ama k'ocweyo wan? Raŋo onyo wabedo jobanirok ri wadi wan, aka raŋo wabwono cikirok ma Were otimo gi kwarere mawan?

Malaki 2:8

“To onyo wiweyo yo m'otire; aka witieko miyo ji kweth ceri gi fonji mewin. Wituro cikirok paran gi win, Rwoth pa lwak jolweny waco.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Matayo 15:4

Kole Were owaco ni wor benin gi yokin, aka, ŋata yeto bamere kosa yokimere ibino neko.

Matayo 15:6

Me apaka wilwogo woko Or pa Were, kareno wiluwo fonji mewin wiwegi.

Matayo 19:19

lwor benin gi yokin; odoko mari nyawotin paka iwon imarere.”

Matayo 6:9

Me apaka wiripo kwayo, Bawan ma i polo; Nyingin wolwor.

Matayo 7:21

Ki dhano je ma lwoŋan ni, Rwoth, Rwoth, ma bino donjo i Ker ma polo, kende ŋata timo gima Baba man polo yenyo.

Mariko 10:19

Iŋeyo Or pa Were ma waco ni, ‘ikir'ineki, Ikir'itim cot; Ikir'ikwal; ikir'isegeya dhano nono; ikir'iwondi ji; ikir'icam gimahembi; lwor benin gi yokin.’ ”

Mariko 7:10

Kole Musa cango owodho cik ni, ‘Lwor benin gi yokin.’ Gi man ni,

Luka 10:29

To paka ŋato onwaŋo yenyo nyutho tiro pere, openjo Yesu ni, “Nyawotan a ŋa?”

Luka 18:20

Iŋeyo Or pa Were me: ‘Ikir'itim cot; Ikir'ikwal; ikir'ineki, lwor benin gi yokin.’ ”

Luka 6:36

Bedi win gi wor paka Bawin jawor.

Luka 6:46

Raŋo ma wilwoŋan nike Rwoth, Rwoth, aka wikitim gim'awaco riwin?

Joefeso 6:2

Lwor benin gi yokin, obedo or m'otel medo gi cikirok i iye ni,

Kitawo mar'abic mapa Musa m'ilwoŋo ni Cik 1:31

kodi i thim, kama wineno paka Rwoth Were mewin otiŋo win paka dhano tiŋo nyathi pere, i royo je ma wiluw'iye cuka witundo i kabedo me.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 5:16

Lwor benin gi yokin, paka Rwoth Were mewin omiyo win or, ŋey wikwo ma hongo malac aka winwaŋ bero i lowo ma Rwoth Were mewin miyo win.

1 Petero 1:17

Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.