Luka 9:60 - KITAWO MALEŊ

⁶⁰ To Yesu dwoko go ni, “Weyi jom'otho jowoyiki jom'otho pajo, tic perin kidho nyayo wac kwoŋ Ker pa Were ayin.”

KITAWO MALEŊ Catholic

⁶⁰ To Yesu dwoko go ni, “Weyi jom'otho jowoyiki jom'otho pajo, tic perin kidho nyayo wac kwoŋ Ker pa Were ayin.”

Luka 9:60 ပူးပေါင်းရင်းမြစ်များ

Matayo 4:23

Yesu owotho i Galili parom, munyo fonjo Wac Manyen Maber kwoŋ Ker pa Were i kalamo pa Joyuda, gi botho two kodi ramirok ma nger je.

Matayo 8:22

Yesu odwoko go ni, “Luwan. Weyi jom'otho wegi jowoyiki jom'otho pajo.”

Luka 15:24

Kole wodan me oyido otieko tho to pama onyo kwo; onwaŋo otieko rwenyo to pama onyo onwaŋere.’ Gikenyo to kalima cakere.”

Luka 15:32

Aka oyido ripo ni watim kalima wasangala ye; kole omin in me onwaŋo otieko tho, to pama onyo kwo; onwaŋo otieko rwenyo, to pama onyo onwaŋere.’ ”

1 Jokorintho 9:16

To akinyali pakirok i tito Wac Manyen Maber, rupiri atimo gim'ooran aora. Aka d'obedo ran marac ka akitito Wac Manyen Maber me ri ji.

Joefeso 2:1

I ndir m'okadho oyido witho i cuny win ro turo cik kodi timo reco.

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

1 Timothe 5:6

To citho ma kethere yenyo gir'awanya meno otieko tho, kada nende go kwo i del.

2 Timothe 4:2

Titi wac pa Were, kada ndir mere otundo kosa be, miy ji niaŋ, pusa jo, medi jo miseni, aka fonji munyo idiyo cunyin.

2 Timothe 4:5

To in, hongo je iripo bedo milengela, ciro candirok, timo tic pa jatiti Wac Manyen Maber ri joma fodi jok'oyeyo, aka tim tic perin je paka jatic pa Were.

Menyirok ri Yohana 3:1

Ri malaika ma kitipa pa jom'oyeyo ma Saridi ndiki ama: Me mikwenda ma wok bongi ŋata nitie gi Cuny m'omakere abirio mapa Were kodi micalin abirio. Aŋeyo tim perin; itere pa ŋata kwo ma to itieko tho!