Luka 9:48 - KITAWO MALEŊ

⁴⁸ Aka owaco rijo ni, “Ŋata jolo nyathi me i nyingan meno jolan; aka ŋata jolan, meno jolo ŋat'ooran; kole ŋat'oasa thin i dier win meno a ŋatadwoŋ loyo.”

KITAWO MALEŊ Catholic

⁴⁸ Aka owaco rijo ni, “Ŋata jolo nyathi me i nyingan meno jolan; aka ŋata jolan, meno jolo ŋat'ooran; kole ŋat'oasa thin i dier win meno a ŋatadwoŋ loyo.”

Luka 9:48 ပူးပေါင်းရင်းမြစ်များ

Agecin 18:12

Rerok bino ro bedo gi noro ma cuny jo, to mwolok ama kelo dwoŋ.

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

Matayo 18:14

I royo acel, Bawin manitie i polo bende kiyeny acel kwoŋ jomathindho me rwenyo.”

Matayo 19:28

Yesu owaco rijo ni, “Adieri awaco riwin, i ndir manyen, ma Wod Dhano bino bed'iye wi kom pere ma dhum ma didwoŋ, gikenyo wijapar g'ario ma wiluwan bende wibino bedo wi kombere ma dhum apar g'ario, kareno withumo banjin ri nonin apar g'ario ma Isiraili.

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 25:45

Gikenyo go bino dwoko jo ni, ‘Adieri awaco riwin, munyo wikitimo gino ri kad'acel m'oasa thin kwoŋ jowotan me, meno wikitimo ran.’

Mariko 9:37

“Dhano je ma jolo nyaka nyathi me i nyingan, meno jolan; aka ŋata jolan meno kijolan kendan, to jolo kiri ŋat'ooran bende.”

Luka 10:16

Yesu owaco ri jofonjirok pere ni, “Ŋata winjo win, meno winjan; ŋata kwero win meno kweran; aka ŋata kweran, meno kwero Ŋat'ooran.”

Luka 14:11

Ato ŋata won miyere dwoŋ ibino dwoko piny, aka ŋata won bwonere am'ibino miyo dwoŋ.”

Luka 22:26

To me k'apaka nitie gi win; kucel, ŋata loyo dwoŋ i dier win ripo lokere pa ŋatathin loyo, aka jatel ripo bedo paka jatic ri wadi.

Luka 22:30

Wibino cemo gi oro gir'amadha dhower paran i Ker paran, to wibedo wi kombere ma Ker munyo withumo banjin ri nonin apar g'ario ma Isiraili.”

Luka 7:28

Awaco riwin, kwoŋ joma mon onywolo je ongoye maloyo Yohana gi dwoŋ; to kucel kiri ŋatathin loyo i Ker pa Were, je loyo go gi dwoŋ.”

Yohana 13:20

Adieri awaco riwin, moro je ma jolo nyatoro ma aoro, meno bende jolan aka ŋata jolan, meno bende jolo ŋat'ooran.”

Yohana 14:21

“Moro je ma jolo or paran aka mako, meno a ŋat'omaran. Baba bino maro ŋat'omaran; aka abende abino maro go to anyuthere rigo.”

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.

1 Petero 5:6

Am'omiyo, bwonere win, i cingi Were ma dimeni, ŋey nyaka go bino tiŋo win malo i hongo m'oripo.

Menyirok ri Yohana 21:14

Cel ma tindi no oger wi telin apar g'ario, m'ondik'iye nyingi jomoor pa Nyathi rombo apar g'ario.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.