Luka 9:26 - KITAWO MALEŊ

²⁶ Ŋata wiye kwot kodan gi wac paran, Wod Dhano bende wiye bino kwot kodi go k'odwoko i dwoŋ pere kodi i dwoŋ pa Bamere kodi apa jomalaika maleŋ.

KITAWO MALEŊ Catholic

²⁶ Ŋata wiye kwot kodan gi wac paran, Wod Dhano bende wiye bino kwot kodi go k'odwoko i dwoŋ pere kodi i dwoŋ pa Bamere kodi apa jomalaika maleŋ.

Luka 9:26 ပူးပေါင်းရင်းမြစ်များ

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Daniel 7:10

Malawa ma mac otula to mol ruwaŋ go. Ganin gi ganin jotiyo rigo, aka ganin apar jocungo ruwaŋe, oyaw kapido, t'iyawo kitawin.

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 25:31

“Ka Wod Dhano dwoko gi dwoŋ pere, kodi jomalaika pere je, go bino bedo wi kom pere ma dhum.

Matayo 26:64

Yesu odwoko go ni, “Ato eno iwaco. To awaco riwin ni rumacen wibino neno Wod Dhano munyo obedo yu cingi Jameni je maracuc, odoko wibino neno ka bino i pondeponde ma polo.”

Mariko 8:38

Am'omiyo ka dhano wiye okwot kodan gi fonji paran, i ndir ma ji kuy'iye Were, ndir ma ji odakan iye, Wod Dhano bende wiye bino kwot gi ŋato ka go dwoko i dwoŋ pa Bamere kanyacel gi jomalaika maleŋ.”

Yohana 12:43

Ato oyido jomaro foy pa ji loyo foy pa Were.

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Tim pa Jomoor 10:22

Jowaco ni, “Jasirikale madwoŋ m'ilwoŋo ni Kornelio ama ooro wan. Go obedo ŋataber ma lamo Were aka Joyuda joworo go swa. Acel kwoŋ jomalaika pa Were owaco rigo nike wolwoŋin i ot pere, wonyali winjo gim'inowaci.”

Joroma 1:16

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

2 Jokorintho 12:10

Aŋiyo ran gi nyapo, yet, candirok, lweny pa ji kodi teko ro tic ri Kristo. Kole ka angoye gi meni meno aka nyaka atek.

Jogalasia 6:14

To an, abino yumirok gi musalaba pa Rwodhiwan Yesu Kristo kende; kole gi musalaba pere aneno pa piny otho ran aka abende atho ri awanya ma piny.

1 Timothe 5:21

Ruwaŋ Were kodi Yesu Kristo, kodi jomalaika maleŋ, aorin ni winji fonji me m'ongoye yero, aka ikir'itim ri ji gimoro je kareno idok yuthenge acel.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

2 Timothe 2:12

Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

Joebulaniya 11:26

Go oparo ni candirok yet ri Kristo onwaŋo ber loyo ŋaŋo ma Misir; rupiri go oyido oketho waŋe kwoŋ kemba ma bino.

Joebulaniya 13:13

Am'omiyo, weyi wakidhi bonge woko ma kambi pa ji wabedi kanyacel gine i wickwot pere.

Yuda 1:14

Enoka, nyakwar Adam ma nyatirtir i luse mar'abirio, cango oluwo kwoŋ jo con ni, “Neni! Rwoth bino gi jopere maleŋ gana gi gana,

Menyirok ri Yohana 1:7

Panen, go eno bino gi pondeponde! Aka kisi waŋ dhano bino neno go, kiri joma jocwowo go je. Ji je ma piny jobino ywak kwoŋbedo go. Apaka bino bedo! Ameno.

Menyirok ri Yohana 20:11

Odoko aneno kom moro madwoŋ matar ma dhum kodi ŋat'obed'iye; polo gi piny joringo joeye woko ruwaŋe m'odoko jok'onenere kicutho.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

Menyirok ri Yohana 3:5

Ŋata loyo karatem bino rukere i ruk matar ameno, aka ak'orey woko nyinge i kitawo ma kwo aka abino tuco nyinge ruwaŋ Baba kodi jomalaika pere.