Luka 8:13 - KITAWO MALEŊ

¹³ Kodhi m'opodho wi tele kama lowo rep'iye, meno a joma jowinjo wac gi kisangala, to wac kirwaki tiende i cuny jo; joyeyo nyaka ma hongo manok, to jopodho ka karatem obino.

KITAWO MALEŊ Catholic

¹³ Kodhi m'opodho wi tele kama lowo rep'iye, meno a joma jowinjo wac gi kisangala, to wac kirwaki tiende i cuny jo; joyeyo nyaka ma hongo manok, to jopodho ka karatem obino.

Luka 8:13 ပူးပေါင်းရင်းမြစ်များ

Yobu 19:28

kwoŋbedo wiwaco ni, wanocandi go nedi, wirango tiendi wac kwoŋan.

Agecin 12:12

Jokidakana jogomba gima wok i tim ma kidakana, to tim pa jom'otire nyak olemo.

Agecin 12:3

Ongoye ŋata cungo matek gi kidakana, to cakirok ma tiro kilarere.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Ezekiel 33:32

Ri jo icale kodi ŋati ma wero wer ma mitirok gi dwondi mamit, aka gido thum maber, rupiri jowinjo gim'iwaco, to jokitim.

Hoseya 6:4

Anotim kodin aŋo, Awi Efrayim? Anotim kodin aŋo, Awi Yuda? Mar mewin cal pondeponde m'odikin, paka thoyo ma ware con.

Mariko 6:20

Herode onwaŋo lworo Yohana, rupiri oŋeyo ni Yohana obedo dhano maber kendo maleŋ. Am'omiyo oyido kuro go ma raco moro di k'onyalo podho kwoŋe. Herode onwaŋo omaro winjo luwo pa Yohana kada nende hongo je cunye onwaŋo waŋo go swa k'owinjo gima go waco.

Luka 8:12

Kodhi m'opodho i dier royo, meno a joma jowinjo, to jwogi bino to kwanyo woko wac i cuny jo, ŋey jokiri jowoyey to joboth.

Luka 8:14

Aka kodhi m'opodho i kudhin, meno a joma jowinjo, to rumacen rembo kodi ŋaŋo ma piny kodi kisangala ma kwo diyo jo piny, aka gima jonyak kitegino.

Yohana 15:2

Go turo woko jangi yath moro je i an ma kinyak, aka sewila to yiko jangi yath je ma nyak ŋey womedi nyak madit.

Yohana 15:6

Nyatoro je ma kidoŋ i an cale jangi yath m'ibolo woko to thwo woko; jangi yen ma cale ameno, icoko kanyacel to ibolo jo i mac, to jowaŋ woko.

Yohana 5:35

Yohana oyido obedo paka tala maliel ka miyo lero, aka wiyeyo kiri kisangala i lero pere nyaka hongo macek.

1 Jokorintho 13:2

Kad'abedi gi mic ma tuco mikwenda pa Were kodi ma niaŋ kwoŋ nyaliŋliŋ je; odoko kad'abedi gi yeyo manyalo ŋilo woko gote, t'angoye gi mar, meno je fodi angoye kony.

1 Jokorintho 15:2

Wac Manyen Maber ma afonjo win no ama bino botho win ka wicwir'iye matek, kak'ameno, meno wiyeyo gim'ongoye.

Jogalasia 3:1

Win Jogalasia mamiŋ! Ŋat'omieno win? Kole otiti i waŋ win won paka Yesu Kristo ogur wi musalaba!

Jogalasia 3:4

Candirok ma witieko nwaŋo je onyo otho nono? Adieri oyido ongoye gima di winwaŋo ye?

Joefeso 3:17

Odoko ni Kristo wolimi kabedo i cuny win ro yeyo mewin, aka kwo mewin wocungi m'oridhere i mar,

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 2:7

Pidhi win tiendi win i go, aka go wobedi misingi ma kwo mewin. Ridhi win yeyo mewin paka ofonji win, munyo hongo je wifoyo Were.

1 Jothesalonika 3:5

Meno am'omiyo, munyo akinyalo ciro kendo, adhiro Timothe bino ŋeyo gima tho kwoŋ yeyo mewin. Oyido alworo ni ipoyo jakeli karatem otieko temo win, aka tic mawan onyo otho nono!

1 Timothe 1:19

aka icwire kwoŋ yeyo perin kareno paro ma cunyin otire. Jomegi jok'owinjo paro ma cuny jo, to jonyeko woko yeyo pajo.

Joebulaniya 10:39

To wakibedo ji ma jogik cen to jorwenyo. Kucel wabedo joma bedo gi yeyo to jolimo both.

Yakobo 2:26

Ato paka del m'ongoye cuny meno gim'otho, apaka bende yeyo m'ongoye tim meno gim'otho.

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

2 Petero 2:22

Gim'otimere gi jo nyutho ni ageca me otire ni, “Gwok odoko gik naŋo ŋok pere kendo aka mbiji m'otiek lwoko odoko gik ŋindirok i cwodho kendo.”

1 Yohana 2:19

Adieri ji me oyido jokiripi i kweth mawan, am'omiyo joweyo wan; bedi joripo i kweth mawan, di jobedo gi wan, to joeye ŋey wonenere kamaler ni ongoye moro kwoŋ jo ma iy'adieri oyido joripo i kweth mawan.

Yuda 1:12

Jocale cilo ma duwo kalima mewin, jokapakapa gi medho aka jocemo kodi win m'ongoye wickwot. Jobedo jokwath ma joparo kwoŋ iy gin wegi. Jocale pondeponde ma koyo lera gine to kikel koth. Jocale yen ma kinyak olemo kada i cwir, yen m'otiek fudho woko gi tiendi gin aka jotho woko kicutho.