Luka 6:49 - KITAWO MALEŊ

⁴⁹ To ŋata winjo wac me aka kitiy gine, cale dhano ma munyo geto ot pere, k'okunyo tiende maluth m'oromo; mikula omol kwoŋ ot no, to podho piyo piyo, to nyekere kicutho.

KITAWO MALEŊ Catholic

⁴⁹ To ŋata winjo wac me aka kitiy gine, cale dhano ma munyo geto ot pere, k'okunyo tiende maluth m'oromo; mikula omol kwoŋ ot no, to podho piyo piyo, to nyekere kicutho.

Luka 6:49 ပူးပေါင်းရင်းမြစ်များ

Agecin 28:18

Ŋata timo adieri labedo maber, to ŋata luwo yo m'okom lapodho abwap.

Ezekiel 33:31

Jobino bongin paka ji jobino, jobedo ro nyim win paka ji paran, aka jowinjo wac mewin, to jok'owor jo. Kole jonyutho mar mathoth gi dhok jo, to cuny gin nitie i magowa pajo.

Hoseya 4:14

Ak'omiy nyiki win gir'acula ka jotimo gikidakana, kosa mondiwot win bende ka jotimo cot; kole cwo bende jokocere gi jokidakana aka jonindere gi malayin ma jolamo werin; meno apaka ji ma bu niaŋ josika.

Matayo 23:3

am'omiyo wiripo timo gi mako gimoro je ma jowaco riwin, to wikiri witim paka jotimo, rupiri jokikethi i tim gima jofonjo.

Matayo 24:10

Gikenyo jomathoth jobino podho i yeyo pajo to josegeya jowoti gin, to jodakere.

Mariko 4:17

To wac no kimoki i cuny jo, aka bedo ye i cuny jo nyaka hongo macek. To ka teko kosa acanda moro obino, ro wac no, jono jopodho mayot.

Luka 12:47

“Jatic m'oŋeyo gima rwoth pere yenyo, to fodi k'ocako kada timo gino, ibino cwado go matek,

Luka 19:14

To paka anywola ma piny no oyido jodak ŋato, jodhiro jomikwenda pajo kidho waco ni, ‘Wakimiti jalo wobedi kere mawan.’ ”

Luka 19:27

Aka jokwor paran ma jokweran bedo kere pajo no keli win ka wineki jo ruwaŋan!’ ”

Luka 6:46

Raŋo ma wilwoŋan nike Rwoth, Rwoth, aka wikitim gim'awaco riwin?

Luka 6:48

Go cale dhano ma munyo geto ot pere, okunyo tiendi ot maluth tundo i ge; aka munyo mikula opoŋ to mol kwoŋ ot no, k'onyalo yengo, rupiri ot onwaŋo ogeti matek.

Luka 7:1

Munyo Yesu ocowo waco gima go oyido yenyo ji jowowinji, okidho Kapernaum.

Yohana 15:2

Go turo woko jangi yath moro je i an ma kinyak, aka sewila to yiko jangi yath je ma nyak ŋey womedi nyak madit.

Tim pa Jomoor 20:29

Kole aŋeyo ni k'atieko eye, arara mager bino donjo bongi win, aka jok'owor sidwol rombo.

Tim pa Jomoor 26:11

I ndir m'omore amiyo jo limo gir'acula i kalamo pa Joyuda je, aka atemo miyo jo kwedirok kwoŋ yeyo pajo. Keme omakan swa gi jo m'omiyo akidho kiri i tindi ma wiloka lwenyo gi jo.”

1 Jothesalonika 3:5

Meno am'omiyo, munyo akinyalo ciro kendo, adhiro Timothe bino ŋeyo gima tho kwoŋ yeyo mewin. Oyido alworo ni ipoyo jakeli karatem otieko temo win, aka tic mawan onyo otho nono!

2 Petero 2:20

Kole k'inen oyido jotieko budhirok kwoŋ meni ma piny ma kelo tho, to joŋeyo Rwodhiwan kendo Jaboth mawan Yesu Kristo, aka odoko jomoko kendo i meni no to nyalo jo, meno kere nyutho ni jonitie marac rumacen loyo kacako.

1 Yohana 2:19

Adieri ji me oyido jokiripi i kweth mawan, am'omiyo joweyo wan; bedi joripo i kweth mawan, di jobedo gi wan, to joeye ŋey wonenere kamaler ni ongoye moro kwoŋ jo ma iy'adieri oyido joripo i kweth mawan.