Luka 6:20 - KITAWO MALEŊ

²⁰ Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

KITAWO MALEŊ Catholic

²⁰ Gikenyo Yesu otiŋo waŋe malo, oŋiyo jofonjirok pere, to waco ni, Josilwany a win ma wicandere i cuny win, Kole Ker pa Were obedo mewin.

Luka 6:20 ပူးပေါင်းရင်းမြစ်များ

Zabuli 37:16

Gima nok ma ŋataber nitie gine, dikony loyo madit ma jakidakana nitie gine,

Agecin 16:19

Ber bedo mamwol i dier jocandi, loyo poko gim'onyaga gi jodelok.

Agecin 19:1

Bedo jacandi munyo iwotho iy'adieri ber, loyo bedo jatwodo mamiŋ.

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Zefania 3:12

Kole alaweyo i dier win, ji ma jomwol aka jobwonere. Jolarango kapondo i nyingi Rwoth;

Zekaria 11:11

I ndelo no, maluth otur'iye, mwendi m'oyido jolimo litho, m'oyido joŋiyan, joŋeyo nike oyido obedo wac pa Rwoth.

Matayo 11:5

Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Matayo 5:1

Yesu oneno kitipa ji, to idho wi got, aka munyo otieko bedo piny, jofonjirok pere jobino bonge;

Luka 12:32

“Wikiri wibedi malwor, nyaka rombo paran! Kole Bawin sangala gi miyo win Ker.

Luka 13:28

“Gikenyo ywak gi kayo lak bino bedo, kareno wineno Abraham kodi Isaka kodi Yakobo gi jotuci wac Were i Ker pa Were aka win am'obol win woko.

Luka 14:15

Munyo acel kwoŋ jom'obedo dhower gi Yesu owinjo gime, owaco ri Yesu ni, “Jasilwany a ŋat'ocam mugat i Ker pa Were.”

Luka 16:25

To Abraham odwoko ni, ‘Wodan, poyi ni i kwo perin ma piny ilimo gigipiny perin mabeyo, to Lazaro olimo gigipiny mareco kendekende; am'omiyo pama onyo ikweyo cunye ka, aka in onyo iŋat'initie i litho.

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

2 Jokorintho 6:10

kada miy wan gut, to ndir je wasangala; wacale pa jocandi, to wamiyo jomathoth ŋaŋo; wacale pa joma jongoye gi gimoro, ma to wanitie gi gimoro je.

2 Jokorintho 8:2

I tem pajo ma loŋo gi teko ma jolimo, kisangala pajo omedere cuka omiyo jobedo gi yomo ma cuny i wodho mic pajo, kada wegi oyido jocandi.

2 Jokorintho 8:9

Kole wiŋeyo nema pa Rwodhiwan Yesu Kristo ni kada go oyido oŋaŋ, olokere jacandi ri bero mewin, ŋey go woloki win jom'oŋaŋ kwoŋ candi pere.

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

2 Jothesalonika 1:5

Me a gima nyutho ni thumo banja pa Were otire, aka gima wok'iye, ibino kwano win paka joma ripo gi Ker pa Were, ma wicandere rigo.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

Menyirok ri Yohana 2:9

Aŋeyo candirok kodi candi perin; aŋeyo nike ijacandi, to iy'adieri iŋaŋ! Aŋeyo reco ma joma ŋoyo nike jobedo Joyuda ma to kere jok'obedo, jotimo rin; meno joma nitie iy'acel gi Sitan!

1 Samwiri 2:8

Go tiŋo malo jocandi wok i fukefuke aka tiŋo jocandi wok i kumo pajo. Go ketho jo bedo kanyacel gi wot kere aka ketho jo i kabedo madwoŋ. Kindi piny obedo apa Rwoth; aka go ogeto piny gibe i wiye.