Luka 5:8 - KITAWO MALEŊ

⁸ Munyo Simon Petero oneno ameno, opodho ka tiendi Yesu munyo waco ni, “Eye bongan, Rwoth, rupiri ajareco.”

KITAWO MALEŊ Catholic

⁸ Munyo Simon Petero oneno ameno, opodho ka tiendi Yesu munyo waco ni, “Eye bongan, Rwoth, rupiri ajareco.”

Luka 5:8 ပူးပေါင်းရင်းမြစ်များ

2 Samwiri 6:9

Daudi olworo Rwoth ndelo no aka openjere ni, “Kakan ma Cikirok pa Rwoth obin nedi bongan!”

1 Kerin 17:18

Citho openjo Elia ni, “Raŋo itimo ran gime? Ibino ka poyo Were reco paran ŋey imiy wodan wotho?”

Yobu 40:4

An asisiri, anodwokin nedi? Aumo dhokan gi cingan.

Kitawo mar'ario mapa Musa m'ilwoŋo ni Wok 20:19

Jowaco ri Musa ni, “Luw gi wan aka wawinji, to k'iweyo Were luwo gi wan wabino tho.”

Isaya 6:5

Kenyo awaco ni, “Kidamba ran! Kole arwenyo, kole abedo jacwo ma dhoke koc, aka abedo i dier ji ma dhok gin koc, kucel waŋan otieko neno Kere, Rwoth pa lwak jolweny!”

Matayo 17:6

Munyo jofonjirok jowinjo dwondi me, jogore piny ma jokulo wiy gin kareno lworo omako jo.

Matayo 2:11

Jodonjo i ot to joneno nyathi bongi Maria yokimere. Joguro congi gin piny jolamo go, to joyawo migowe pajo, to jocwayo mic: Zahabu, buban, kodi mo maŋwe kur.

Matayo 8:8

Jalweny odwoko ni, “Be Jadwoŋ, kiripi ran in donjo i ot paran, waci nyaka wac acel to jatic paran both.

Luka 5:7

Aka jolwoŋo jowoti jo m'oyido jonitie i ye man gi cingi gin ni jobin jowokony jo. To jono jobino to jopoŋo ye ario je mapa jokidho munyirok i pi.

Luka 5:9

Ato go kodi jowote je, oyido jobwok tektek ro kweth rec ma jomako.

Yohana 11:32

Munyo Maria otundo kama Yesu niye to neno go, opodho piny dho tiende, to waco ni, “Rwoth, bedi ceŋino oyido ibedi ka, d'omin an k'otho!”

1 Jokorintho 13:12

Kole pama fodi waneno gigipiny ma riprip pa ndewiro ma nimnim, to rumacen wabino neno gigipiny awaŋ g'awaŋ. Pama aŋeyo gigipiny adec kende; rumacen abino ŋeyo m'ocowere, aka m'ocowere paka Were oŋeyan.

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;

Jothum Banja 13:22

Manowa owaco ri cege ni, “Walatho adieri, kole watieko neno Were.”

1 Samwiri 6:20

Ameno to ji ma Bethsemes jopenjo ni, “Ŋa manyalo cungo ruwaŋ Rwoth, Were maleŋ me? Kune ma wanyalo dhir'iye go ma kwanyo woko go bongi wan?”