Luka 5:35 - KITAWO MALEŊ

³⁵ Kole ndelo bino tundo m'ilakwany'iye woko jamweha bongi jo, aka nyaka jobino riyo kec.”

KITAWO MALEŊ Catholic

³⁵ Kole ndelo bino tundo m'ilakwany'iye woko jamweha bongi jo, aka nyaka jobino riyo kec.”

Luka 5:35 ပူးပေါင်းရင်းမြစ်များ

Isaya 22:12

I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

Daniel 9:26

Rumacen ma oro dipiero aucel g'ario no, ilakwanyo woko ŋat'owir gi mo aka go langoye gi gimoro, to ji pere jolabino reyo woko tindi madwoŋ kodi Ot pa Were. Gike mere labino paka mikula pi, kelo lweny, rerok ma kiwacere.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Matayo 9:15

Yesu odwoko jo ni, “Cene wendo ma kalima ma nywomirok bende jobedo gi rem mafodi jamweha nitie gi jo? Ki nyalere! To ndir bino tundo m'ibino kwany'iye woko jamweha bongi jo nyaka to joriyo kec.”

Mariko 2:20

To ndir bino tundo ma jamweha bino ey'iye bongi jo, meno aka nyaka jocaki riyo kec.”

Luka 17:22

Aka owaco ri jofonjirok pere ni, “Hongo bino tundo ma wibino yenyo neno kada nyaka ndelo acel kwoŋ ndir pa Wod Dhano, to wikibino neno.

Luka 5:34

To Yesu owaco rijo ni, “Inyalo miyo jom'olwoŋ i kalima ma nywomirok riyo kec nedi ma to jamweha fodi nitie gi jo?

Luka 5:36

Yesu oluwo rijo iy'ageca bende ni, “Ongoye ŋata yeco kiremo nanga manyen to kwoyo wi nanga m'oti; k'otimo ameno, go nyalo yeco woko nanga manyen no, odoko kiremo manyen bende kilaripo gi macon.

Yohana 12:8

Ndiri je wibino bedo gi jocandi, to an akibino bedo gi win ndir je.”

Yohana 13:33

Nyithindho paran, fodi abino bedo ye gi win hongo macek. Wibino rangan, aka bende awaco riwin gim'atieko waco ri Joyuda ni, ‘Wikinyal tundo kama akidh'iye.’

Yohana 16:28

Awok bongi Baba t'abino i piny, aka onyo aeye i piny agik kendo bongi Baba.”

Tim pa Jomoor 1:9

Munyo otieko waco ameno, joneno paka otiŋ go t'itero malo, cuka pondeponde oumo go ma jokinen.

Tim pa Jomoor 14:23

Munyo jotieko ketho jotel i kisi kitipa pa joma yeyo gi kwayo kodi riyo kec, joketho jo i cingi Rwoth m'oyido joketho geno pajo kwoŋe.

Tim pa Jomoor 3:21

Go ripo doŋ i polo cuka ndir otundi ma Were odwok'iye gigipiny je i kare, paka Were owaco gi i dhok jotuci wac pere ma cango con.

1 Jokorintho 7:5

Wikiri wikwere, kwanyo woko ka wiyere wijario timo ameno cowo hongo macek, ŋey wilimi hongo ma kwayo; to gik win mayot i kwo ma nywomirok, ka k'obedo ameno ciro mewin manok nyalo miyo widonjo i karatem pa Sitan.

2 Jokorintho 11:27

Atieko tic gi olo; ndir mathoth akibil nindo; abedo gi kec kodi riyo; ndir mathoth akicem, odoko koyo goyan kinyoro.