Luka 4:8 - KITAWO MALEŊ

⁸ To Yesu dwoko go ni, “Ondiki ama.” “Lam Rwoth Were perin, aka itiy rigo won kende.”

KITAWO MALEŊ Catholic

⁸ To Yesu dwoko go ni, “Ondiki ama.” “Lam Rwoth Were perin, aka itiy rigo won kende.”

Luka 4:8 ပူးပေါင်းရင်းမြစ်များ

2 Kerin 19:15

aka okwayo ni, “Awi Rwoth, Were pa Isiraili m'obedo i wi cwec ma jobwombi gin, in kende a Were, ma dhumo keri je ma i piny. Icweyo piny kodi polo.

Zabuli 83:18

Weyi jowoŋey ni in kende Awi Rwoth, ibedo jadhum madwoŋ loyo i piny gipi.

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Matayo 16:23

Yesu owire to waco ri Petero ni, “Eye bongan, Sitan! Iriwere ran i royo, rupiri paro perin me kiwoki bongi Were, to wok bongi dhano ayin.”

Matayo 4:10

Gikenyo Yesu odwoko ni, “Eye bongan Sitan! Ondiki ni, ‘Lami Rwoth Were perin aka itiy rigo won kende.’ ”

Luka 4:4

To Yesu odwoko go ni, “Ondiki ni, ‘Dhano kikwo gi cemo kende.’ ”

Luka 4:7

Am'omiyo k'inolaman, to gimoro je bedo aperin.”

Kitawo mar'abic mapa Musa m'ilwoŋo ni Cik 10:20

Wiripo lworo Rwoth Were mewin, go kende ama wiripo lamo, wiripo ketho go marapena, to wikwoŋere i nyinge.

Kitawo mar'abic mapa Musa m'ilwoŋo ni Cik 6:13

Wiripo lworo Rwoth Were mewin, go ama wiripo tiyo rigo, aka wiripo kwoŋere i nyingi go kende.

Yakobo 4:7

Am'omiyo, bedi win joma winjo Were. Ciri win Jwogi aka go bino eye kwoŋ win gi ŋwec.

1 Petero 5:9

Piem win gine, munyo wicungo matek i yeyo mewin, rupiri wiŋeyo ni jowoti win ma joyeyo i piny gipi bende onyo joluwo i kiti candirok no.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”

Menyirok ri Yohana 22:9

To go owaco ran ni, “Ikir'itim ameno! Abedo jatic nyawotin, i dier wutmere kodi jotuci wac Were kodi ji je ma jomako wac ma kitawo me. Lami Were ayino!”

1 Samwiri 7:3

Ameno Samwiri owaco ri Joisiraili je ni, “Ka wigik bongi Rwoth g'adundo mewin je, wiripo ketho gicen werin pa jopath kodi cal pa Asitate were mewin madhako. Miyere win kicutho ri Rwoth aka wilam go kende, aka go labotho win kwoŋ meni pa Jofilistia.”