Luka 24:47 - KITAWO MALEŊ

⁴⁷ aka mikwenda ma ŋuto kodi ma cwako reco wotiti ri nonin je, cako Yerusalem.

KITAWO MALEŊ Catholic

⁴⁷ aka mikwenda ma ŋuto kodi ma cwako reco wotiti ri nonin je, cako Yerusalem.

Luka 24:47 ပူးပေါင်းရင်းမြစ်များ

Cakirok 12:3

Abino miyo silwany jono ma jomiyin silwany; t'abino kwoŋo jono ma jokwoŋin. Aka wok kwoŋin piny je bino limo silwany.”

Zabuli 22:27

Nonin je jobino poyo Rwoth. Woki i kisi thenge ma piny jobino wire bonge, to jolamo go.

Zabuli 67:7

Were otieko miyo wan silwany; weyi gike piny je jowolwor go.

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Isaya 11:10

I ndelo no kolo pa Yese lacungo paka ranyuth ri Nonin. Nonin joladwaro go, aka kabedo pere labedo ma didwoŋ.

Isaya 49:22

Me apaka Rwoth Were waco ri ji pere. Acegin tiŋo cingan ri nonin, t'atiŋo ranyuth paran ri ji, ŋey jowokeli wotin i kor jo, aka nyiki win ilatiŋo i goki jo.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 5:4

Aŋo man ma mitere atima ri ndelo vini paran, m'akitimo rigo? Munyo oyido akuro wonyak olemo, raŋo onyak olemo makec?

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 52:15

Ameno bende apaka nonin joladhier ro go, aka kerin jolamwono dhok gin ro go; rupiri jolaneno gigipiny mafodi k'owaci rijo, aka jolaniaŋ gigipiny m'oyido fodi jok'owinjo.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Daniel 9:24

“Oro piero ario dibirio, Were otieko luwo kwoŋ ji perin kodi tindi perin maleŋ, cowo raco kodi reco, kodi cwako reco, kelo tiro ma cil gi cil, kodi kelo i kare menyirok kodi jatuci wac Were, kodi wiro gi mo Kamaleŋ Loyo.

Hoseya 11:8

Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

Hoseya 2:23

Alamiyo go wocungi matek ri an won i piny. Alamako wor gi Loruhama, alawaco ri Loami ni, “Wibedo ji paran.” Aka jolawaco ni, “Ibedo Were mawan.”

Mika 4:2

Aka nonin kweth jolabino to jowaco ni, “Biye win, weyi wakadhi wi got pa Rwoth, i Ot pa Were pa Yakobo ŋey go wofonji wan yo pere, aka wawothi i yo pere.” Kole cik wok i Zayon, aka wac pa Rwoth wok i Yerusalem.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Matayo 3:2

“Ŋuti win, rupiri Ker ma polo nicegin!”

Matayo 9:13

Kidhi win winiaŋ atoŋa m'omiyo ondiki ni, ‘Ayenyo wor ayino, makiweno cowirok ma le.’ Kole akibino lwoŋo ji m'otire, to joreco ayino.”

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Tim pa Jomoor 10:43

Jotuci wac Were je joluwo kwoŋe, munyo jowaco ni nyatoro je m'oyey go ibino cwako reco pere gi meni ma nyingi go.”

Tim pa Jomoor 11:18

Munyo jowinjo gime, joliŋ piem, to jopako Were munyo jowaco ni, “Kere Were otieko miyo Jopath bende hongo ma ŋuto gi bedo gi kwo.”

Tim pa Jomoor 13:46

To Paulo kodi Barinaba jomedo luwo pajo gi miseni ni, “Oyido yenyere ni wac pa Were wopen tito riwin ayino. To paka wikijol, aka wikiter i kwo mewin paka joma ripo limo kwo makirum, walaweyo win to wakidho bongi Jopath.

Tim pa Jomoor 2:38

Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ.

Tim pa Jomoor 20:21

Afonjo Joyuda kodi Jopath parom nike jowoŋuti reco pajo jowogiki bongi Were, to joyeyo Rwoth Yesu Kristo.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Tim pa Jomoor 26:20

Atero wac me marapena i Damasiko, nyaka t'atero Yerusalem, kodi rumacen i Yuda gipi, kodi i piny pa Jopath, ni joripo ŋuto reco pajo jowowire bongi Were, gi timo gigipiny ma nyutho nike jotieko ŋuto.

Tim pa Jomoor 28:28

Aka Paulo omedo ni, “Wiripo ŋeyo nike mikwenda pa Were kwoŋ both odhir ri Jopath; aka jobino winjo!”

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

Tim pa Jomoor 4:12

“Aka both kinwaŋere bongi ŋatiman, rupiri ongoye nyingi nyatoro man je i piny gipi, ma Were omiyo ji, ma waripo nwaŋ'iye both.”

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Joroma 5:20

Munyo Cik obino, kibenga manyaturo Cik omedere; to kama reco meder'iye, nema pa Were bende medere loyo.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

1 Yohana 2:12

Nyithindho paran, andiko riwin, rupiri otiek cwako reco mewin ro nyingi Kristo.