Luka 24:39 - KITAWO MALEŊ

³⁹ Neni win cingan kodi tiendan kole me an won. Mulan win, aka wibino neno, kole yamo ongoye gi riŋo gi cokin, paka wineno an gine.”

KITAWO MALEŊ Catholic

³⁹ Neni win cingan kodi tiendan kole me an won. Mulan win, aka wibino neno, kole yamo ongoye gi riŋo gi cokin, paka wineno an gine.”

Luka 24:39 ပူးပေါင်းရင်းမြစ်များ

Jafonji 12:7

Kenyo fukefuke lagik i lowo paka con, to cuny gik bongi Were m'omiyo go.

Kwan 16:22

Jopodho gi nyim jo, to jokwayo ni, “Awi Were, Were pa ji je, ŋat'acel otim reco to nge makin gi kweth gibe?”

Luka 23:46

Yesu okoko gi derino madwoŋ ni, “Baba! Aketho cunyan i cingin!” Munyo otieko waco ameno to nyaka tho.

Luka 24:38

To go owaco rijo ni, “Raŋo ma wibwok aka kiganagana bino i paro mewin?

Luka 24:40

Owaco gime to nyutho jo cinge gi tiende.

Yohana 20:20

Munyo go otieko waco ameno, onyutho jo cinge gi ŋete. Jofonjirok kisangala opoŋ i cuny jo munyo joneno Rwoth.

Yohana 20:25

To jofonjirok wadi jowaci rigo ni, “Watieko neno Rwoth!” Toma owaco rijo ni, “K'akineno waŋpoyo ma musumal oweyo i cinge, t'arwako lwetan kama musumal odonj'iye i ŋete, ak'oyey.”

Yohana 20:27

Gikenyo go owaco ri Toma ni, “Rwaki lwetin ka, aka neni cingan; odoko keli cingin irwaki i ŋetan bende. Ikir'ibedi gi kiganagana, to bedi gi yeyo ayin!”

Tim pa Jomoor 1:3

Go onyutho jo i yo madit paka go onyo kwo, munyo otieko candirok to tho; aka i hongo ma ndelo piero aŋwen gipi obedo munyo menyere rijo aka luwo rijo kwoŋ Ker pa Were;

1 Jothesalonika 5:23

Weyi Were ma japok siem wolonyi win kicutho; kendo wokur cuny win, paro mewin, gi delkwoŋ win, ma bu raco moro je, i ndir ma bino pa Rwodhiwan Yesu Kristo.

Joebulaniya 12:9

Aka kisi dhano kwoŋ wan onwaŋo wan gi bacere mawan ma jomiyo wan gir'acula aka wamiyo jo dwoŋ. Onyo di waripi mwolok marom nedi ri Ba cuny wan to walimo kwo!

1 Yohana 1:1

Wandiko riwin kwoŋ wac ma kwo, m'otieko bedo wok i cakirok, ma watieko winjo odoko watieko neno gi waŋ wan, watieko kikaŋasa, aka cingi wan otieko geyo.