Luka 21:34 - KITAWO MALEŊ

³⁴ “To gwokere win, cuny win wokiri wopoŋ awanya ma piny gi mero gi rembo ma kwo me, rupiri ndelo no nyalo coro win pa bwo m'ociki gine win.

KITAWO MALEŊ Catholic

³⁴ “To gwokere win, cuny win wokiri wopoŋ awanya ma piny gi mero gi rembo ma kwo me, rupiri ndelo no nyalo coro win pa bwo m'ociki gine win.

Luka 21:34 ပူးပေါင်းရင်းမြစ်များ

Cakirok 19:32

Biye wamiy bawan vini womadhi ŋey wanindi gine to wanywolo nyithindho gi go.”

Cakirok 19:35

Ameno wor no jomiyo ba gin madho vini kendo, aka mathin mere okidho to nindo gi bamere. Aka Loti doko k'oŋeyo rupiri oyido omer swa.

Cakirok 27:14

Ameno Yakobo okidho to kelo ri min diegi; aka min otedo nger cemo ma bamere omaro.

Zabuli 35:8

To jobino rere woko mafodi jok'oŋeyo, wegi jobino moko i bwo pajo, jolapodh'iye to josika woko.

Agecin 21:4

Waŋtek gi cuny ma nor, obedo yo pa jokidakana, aka me reco.

Agecin 23:20

Ikir'ibedi i dier jomedho, kosa i dier joworo ma jocamo riŋo.

Jafonji 9:12

Kole dhano okuya hongo ma teko. Paka rec m'imako i bwo, kosa paka winyo ma moko i kilara, apaka bende iciko dhano i bwo i hongo ma teko, ka podho kwoŋ jo abwap.

Isaya 28:7

Jome bende jobenga gi vini, jotangatanga gi math matek, jocway ri Were i wi migam gi jotuci wac Were. Jonywowere gi vini, jotangatanga gi math matek, aka jobenga i mikwenda pajo, aka jokom i miyo rieko.

Hoseya 4:11

Vini kodi vini manyen kwanyo woko niaŋ.

Jolevi 10:9

Ikiripi madho medho makec, in kosa wotin, ka widonjo i Wema ma romo, kosa wilatho. Me labedo cik riwin cil gi cil i luse mewin je;

Matayo 13:22

Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak.

Mariko 13:9

“Kure win, rupiri jobino tero win i kapido; ibino goyo win i kitipa pa jom'oyeyo pa Joyuda aka wibino cungo ruwaŋ rwodhe kodi kerin ro an, aka wititi rijo Wac Manyen Maber,

Mariko 4:19

to rembo ri kwo ma piny me, kodi awanya ma ŋaŋo ma piny kodi giman mathoth jomwonyo wac to kinyak gimoro.

Luka 10:41

To Rwoth odwoko ni, “Marita, Marita, cunyin ramin kendo rembo kwoŋ mathoth,

Luka 12:40

Wibende wiripo cungo ma wiyikere, kole Wod Dhano ladwoko i hongo ma wikipar ni dwok'iye.”

Luka 17:3

Kure win! Ka omerin timo gimarac, kwer rigo, aka ka oŋuti, cwaki go.

Luka 21:35

Kole Ndelo no bino tundo ri ji je man piny gipi p'apormalo.

Luka 21:8

Yesu owaco ni, “Kure win moro wokiri wowondi win; kwoŋbedo ji mathoth jolabino i nyingan ka jowaco ni, ‘An ago!’ Kendo ni, ‘Ndiri ago otundo!’ Wikiri wiluw jo.

Luka 8:14

Aka kodhi m'opodho i kudhin, meno a joma jowinjo, to rumacen rembo kodi ŋaŋo ma piny kodi kisangala ma kwo diyo jo piny, aka gima jonyak kitegino.

1 Jokorintho 5:11

Gim'akidho rigo obedo nike wikiri wimakere gi dhano ma lwoŋere ni oyeyo to odakana, wor, kosa lamo cal makicar, kosa janyeki nyingi wadi, kosa jamero kosa jakwo. Wikiri wibedi kada piny cemo gi dhano ma pameno.

1 Jokorintho 6:10

kosa jokwo, kosa jomero, kosa jonyeki nyingi wadi gin, kosa jomitan ma jokwalo, ma bino donjo i Ker pa Were. Aka megi kwoŋ win oyido wibedo ameno.

Jogalasia 5:20

i lamo cal makicar kodi yido, bedo i kwor gi dhano, laro dwoŋ, timo nyeko, mako ŋonge, gwondo, dhawirok, tiakirok,

Kitawo mar'abic mapa Musa m'ilwoŋo ni Cik 29:19

Ŋata winjo wac ma lam me to miyere silwany, gi paro i cunye ni, ‘Siem ran alaluwo cay ma cunyan.’ (Meno nyalo kelo teko kwoŋ ji marac kodi maber je).

Jofilipi 4:6

Wikiri wirembi ri gimoro je, to i kisi gimoro waci win ri Were gima wiyenyo, munyo wikwayo aka wiywakere rigo gi foyo i cuny win.

Joebulaniya 12:15

Gwokere win ŋey moro wokiri wokeŋ limo nema pa Were, kendo moro wokiri wolokere pa yath makec ma medere dongo to nyeko wadi gi keco pere.

2 Petero 3:10

To Ndelo pa Rwoth bino tundo paka jakwo. I Ndelo no polo bino leny woko gi derino madwoŋ; gigipiny ma polo bino waŋ, to regere woko, aka piny gi gima nitie iye je bino lokere m'oywere pa mbolera.

2 Petero 3:14

Am'omiyo, jowotan, k'onyo wikuro Ndelo no, tem win paka winyalo bedo ma wilony kendo ma bu raco ruwaŋ Were to wibedo i siem gine.

Menyirok ri Yohana 3:3

Am'omiyo poyi gim'ofonjin aka odoko iwinjo; maki gino aka ŋuti kwoŋ reco perin. To ka ikicewi, alabino bongin pa jakwo, aka ik'oŋey kada hongo m'abino bino rin'iye.

1 Samwiri 25:36

Abigayili odok peco to nwaŋo munyo Nabal otimo kalima madwoŋ paŋini apa kere. Nabal oyido omer aka yodere; riameno Abigayili k'owaco rigo gimoro je tundo odikin.