Luka 18:14 - KITAWO MALEŊ

¹⁴ Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

KITAWO MALEŊ Catholic

¹⁴ Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

Luka 18:14 ပူးပေါင်းရင်းမြစ်များ

Yobu 22:29

Were mwolo jonoro, aka go tiŋo malo ji mamwol.

Yobu 25:4

Onyo dhano obedi nedi m'otire ruwaŋ Were, aka dhano m'onywol gi dhako obedi nedi macil?

Yobu 9:20

Makada nende abedo ma bubanja, dhokan won ama lakisegeya an, makada nende angoye g'apuse, go oyido nyalo ridho ni akom.

Zabuli 138:6

Kole kada Rwoth oŋawere, go paro kwoŋ ji masisiri, to ŋeyo jodelok gi bor.

Zabuli 143:2

Ikir'idonji i thumo banja gi ŋeca perin, kole ongoye dhano ma kwo m'otire ruwaŋin.

Kitawo mar'ario mapa Musa m'ilwoŋo ni Wok 18:11

Onyo pama aŋeyo nike Rwoth dwoŋ loyo werin je, kwoŋbedo obotho ji pere wok i cingi Jomisir munyo oyido jotero jo gi cay.”

Agecin 15:33

Lworo Rwoth obedo fonji i rieko, aka mwolok kelo dwoŋ.

Agecin 18:12

Rerok bino ro bedo gi noro ma cuny jo, to mwolok ama kelo dwoŋ.

Agecin 25:7

Ber ka okodin bedo i kabedo ma malo, loyo k'owaci rin ay i kabedo ri ŋata loyin gi dwoŋ. Gima waŋin oneno,

Agecin 29:23

Noro pa dhano kelo podho pere, to ŋata mwol lalimo dwoŋ.

Agecin 3:34

Ri jorendirok, go bende rendere, to ri jomamwol, go nyutho wor.

Jafonji 9:7

Kadhi, icami cemo perin gi kisangala, aka imadhi vini perin gi kisangala i cunyin; kole Were otieko yeyo gim'itimo cango con.

Isaya 45:25

I Rwoth, nyikway Isiraili je, jolalimo loyo to josiemere.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Habakuk 2:4

Kole janoro, kitim gim'otire, to joma timo gim'otire, jolakwo gi yeyo pajo.

Matayo 23:12

Ŋata won miyere dwoŋ ibino dwoko go piny, aka ŋata won dwokere piny am'ibino loko go madwoŋ.

Matayo 5:3

Josilwany a joma candere i cuny gin, kole Ker ma polo obedo apajo.

Luka 1:52

Go oŋilo woko kerin madongo wi kombere pajo, aka otiŋo malo joma bwonere.

Luka 10:29

To paka ŋato onwaŋo yenyo nyutho tiro pere, openjo Yesu ni, “Nyawotan a ŋa?”

Luka 14:11

Ato ŋata won miyere dwoŋ ibino dwoko piny, aka ŋata won bwonere am'ibino miyo dwoŋ.”

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Joroma 3:20

Kole ongoye dhano m'ibino kwano rigo tiro ruwaŋ Were ro nyaka timo gima Cik yenyo, rupiri Cik miyo dhano nyaka ŋeyo nike gimanyo obedo reco won kende.

Joroma 4:5

To ka dhano kikethi geno kwoŋ tic pere, to ketho i yeyo Were ma kwanyo woko banja kwoŋ ji ayino, kiti yeyo no miyo ikwano rigo tiro.

Joroma 5:1

Paka onyo okethi wan i tiro gi Were cungo kwoŋ yeyo, onyo wanitie i siem gi Were kwoŋ Rwodhiwan Yesu Kristo.

Joroma 8:33

Ŋa ma bino kelo banja kwoŋ ji pa Were m'oyer? Kole Were won ama kwanyo woko banja kwoŋ jo!

Jogalasia 2:16

To waŋeyo ni dhano iketho i tiro gi Were i yeyo kwoŋ Yesu Kristo, makiweno i timo gima Cik waco. Kole ongoye ŋat'iketho i tiro gi Were i timo gima Cik waco.

Yakobo 4:10

Bwonere win ruwaŋ Were, aka go bino tiŋo win malo.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”

1 Samwiri 1:18

Go odwoko ni, “Noknok ipoyan.” Odok to cako cemo aka nge doko k'omako go.