Luka 18:13 - KITAWO MALEŊ

¹³ To jacoki misolo ocungo gi bor ma k'otemo kada tiŋo wiye malo yupolo; to ogoyo kore ayino ka waco ni, ‘Were, maki kodan wor, a jagimarac.’

KITAWO MALEŊ Catholic

¹³ To jacoki misolo ocungo gi bor ma k'otemo kada tiŋo wiye malo yupolo; to ogoyo kore ayino ka waco ni, ‘Were, maki kodan wor, a jagimarac.’

Luka 18:13 ပူးပေါင်းရင်းမြစ်များ

2 Samwiri 12:13

Daudi owaco ri Nathan ni, “Atimo reco ruwaŋ Rwoth.” Nathan odwoko go ni, “Rwoth otieko cwako rin; ikilatho.

2 Kigana kwoŋ Kerin 33:19

Kwac pere gi radwok pa Were, gi gima mako reco ma go otimo ma fodi k'oŋuto reco pere je gi ngoye gi genirok pere, kabedo manyakafir gi cal pa Asera were madhako m'otimo gi cal m'olamo, ondiki je i Kigana pa jotuci wac Were.

2 Kigana kwoŋ Kerin 33:23

To kwanyowoko paka bamere Manase, go k'omwole ruwaŋ Rwoth; aka gi tim me, otimo reco loyo bamere.

Ezira 9:6

Akwayo ni, “Awi Were, anitie gi wickwot madwoŋ swa tiŋo waŋan ruwaŋin. Kole reco mawan odhure bor kalo kiri wiwan, aka komo mawan otundo malo kiri i polo.

Yobu 42:6

Riameno acayere, aka aŋuto reco paran i fukefuke kodi i buru.

Zabuli 106:6

Wan gi kwarere mawan je watimo reco; wabedo jokidakana aka joreco.

Zabuli 119:41

Nyuthan mar perin makiwire, Rwoth, aka bothan cungo kwoŋ cikirok perin.

Zabuli 130:7

Isiraili, kethi geno i Rwoth, kwoŋbedo mar pere kiwire, aka go nitie gi meni madwoŋ ma botho.

Zabuli 25:11

Ro nyingin, Awi Rwoth, cwaki reco paran, kole jothoth.

Zabuli 25:7

Cwaki reco paran gi komo paran ma soye, cungo kwoŋ mar perin makiwire poyan, ro bero perin Rwoth!

Zabuli 40:12

Teko kweth othokan, thoth ma kikwanere, reco paran olacan, ma onyo akinyali neno, jothoth jokalo ye wiyan, cunyan podho.

Zabuli 41:4

Paka ri an, awaco ni, “Awi Rwoth, tim kodan wor, both two paran, kole atimo reco kwoŋin.”

Kitawo mar'ario mapa Musa m'ilwoŋo ni Wok 33:10

Tekin ji joneno siro pondeponde i dhiot ma Wema, oyido jokule piny.

Isaya 1:18

Onyo biye win, weyi waluw kanyacel, Rwoth waco. Makada nende reco mewin obokere swa, lalony matar paka pe, paka yer rombo.

Isaya 6:5

Kenyo awaco ni, “Kidamba ran! Kole arwenyo, kole abedo jacwo ma dhoke koc, aka abedo i dier ji ma dhok gin koc, kucel waŋan otieko neno Kere, Rwoth pa lwak jolweny!”

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Ezekiel 16:63

Kenyo nyaka ilapoyo to wiyin kwot, aka ikilayawo dhokin kendo, ro wickwot, k'atieko cwako rin tim perin marac je, Rwoth Were waco.

Daniel 9:5

“Watieko timo reco, watimo gi komo, watimo gikidakana to wagwenyere, kiri gi wirok kwoŋ or perin kodi cik perin.

Matayo 10:3

Filipo kodi Batholomayo; Toma kodi Matayo, jacoki misolo; Yakobo wod pa Alfayo kodi Tadeyo;

Matayo 6:5

K'ikwayo, ikir'ibedi paka joma rendere! Jomaro cungo ka jokwayo i kalamo pa Joyuda kodi i thengi royo m'okare ma tindi ŋey dhano je wonen jo. Adieri awaco riwin, ameno jotieko limo kemba pajo kicutho.

Matayo 9:13

Kidhi win winiaŋ atoŋa m'omiyo ondiki ni, ‘Ayenyo wor ayino, makiweno cowirok ma le.’ Kole akibino lwoŋo ji m'otire, to joreco ayino.”

Mariko 11:25

Aka ka wicungo wikwayo, cwaki win reco je ma nyatoro otimo riwin, aka nyaka Bawin manitie i polo bende bino cwako reco mewin.

Luka 17:12

Aka munyo go oyido nyaka donjo loka moro, jodhowo moro japar joromo gine. Jocungo gi bor bor

Luka 22:41

Aka oeye bongi jo to core kama romo boro ma lowo abola, to guro conge piny to kwayo.

Luka 23:48

Munyo ji m'oyido jocokere kenyo neno gim'obedi joneno gim'otimere, joje jodok peco munyo jogoyo pal cuny jo gi rem.

Luka 5:8

Munyo Simon Petero oneno ameno, opodho ka tiendi Yesu munyo waco ni, “Eye bongan, Rwoth, rupiri ajareco.”

Tim pa Jomoor 2:37

Munyo jowinjo gime, cuny jo oramo jo swa, to jopenjo Petero kodi jomoor man ni, “Wutmin wan wanotim aŋo?”

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

1 Timothe 1:15

Me obedo wac mar'adieri, ma mitere ajola gi yeyo: Ni Kristo Yesu obino i piny botho joreco. Aka aŋat'aloyo i raco;

Joebulaniya 4:16

Am'omiyo, weyi wabedi miseni, aka wakidhi ro nyim kom pa Were ma dhum, kama nema nitie i iye. Kenyo wabino lim'iye wor to wanwaŋo ŋono manyalo konyo wan i hongo ma wayeny'iye.

Joebulaniya 8:12

Abino cwako reco pajo, akibino poyo reco pajo kendo.