Luka 17:24 - KITAWO MALEŊ

²⁴ Kole paka lithkoth pilin i pondeponde aka menyo thenge gi thenge, apaka Wod Dhano bende obedi i ndelo pere.

KITAWO MALEŊ Catholic

²⁴ Kole paka lithkoth pilin i pondeponde aka menyo thenge gi thenge, apaka Wod Dhano bende obedi i ndelo pere.

Luka 17:24 ပူးပေါင်းရင်းမြစ်များ

Ezekiel 1:14

Cwec makwo oyido joidho malo aka joloro piny paka lithkoth.

Zekaria 9:14

Rwoth laneno i wi jo, aka asere pere ladwire paka lithkoth, Rwoth Were lakudho gwara, aka laŋanjo iy'asur ma yupiny.

Matayo 24:27

Kole paka lithkoth wok yuwok ceŋ aka menyo piny kiri yupodho ceŋ, apaka bino pa Wod Dhano bende labedo.

Matayo 24:30

I hongo no, nyaka ranyuth pa Wod Dhano bino nenere i polo, aka nonin je ma piny jobino ywak, aka jobino neno Wod Dhano ka dwoko i pondeponde ma polo gi meni kodi dwoŋ m'oasere;

Matayo 25:31

“Ka Wod Dhano dwoko gi dwoŋ pere, kodi jomalaika pere je, go bino bedo wi kom pere ma dhum.

Matayo 26:64

Yesu odwoko go ni, “Ato eno iwaco. To awaco riwin ni rumacen wibino neno Wod Dhano munyo obedo yu cingi Jameni je maracuc, odoko wibino neno ka bino i pondeponde ma polo.”

Matayo 5:15

Ongoye ŋata cwinyo tala to riewo i agono; kucel go ripo ŋawo tala no malo kama nyalo miyo lero ri ji je ma ot.

1 Jokorintho 1:8

Go bino miyo win cungo matek tundo i gike, aka nyaka ibino nwaŋo win ma bu raco i Ndelo pa Rwodhiwan Yesu Kristo.

1 Jothesalonika 5:2

Kole wiwegi wiŋeyo maber nike Ndelo pa Rwoth labino paka jakwo ma bino wor.

2 Jothesalonika 2:2

wikiri wikwaki bedo gi kiganagana i paro mewin, kosa limo bwok ro wac pa joma ŋoyo ni Ndelo pa Rwoth otieko tundo. Ato moro nyalo bino pa jatuci wac, kosa jafonji, kosa ma waco ni wandiko gino i balwa.

2 Jothesalonika 2:8

Gikenyo nyaka Jal ma kilwor cik bino nenere, ma Rwoth Yesu bino neko woko gi luya ma dhoke, to reyo go woko gi menyirok madwoŋ pere munyo dwoko.

Yakobo 5:8

Aka wibende wiripo diyo cuny win. Cuny win matek rupiri ndelo ma dwoko pa Rwoth orikere nicegin.

2 Petero 3:10

To Ndelo pa Rwoth bino tundo paka jakwo. I Ndelo no polo bino leny woko gi derino madwoŋ; gigipiny ma polo bino waŋ, to regere woko, aka piny gi gima nitie iye je bino lokere m'oywere pa mbolera.