Luka 16:24 - KITAWO MALEŊ

²⁴ Gikenyo olwoŋo go ni, ‘Baba Abraham! Maki ye kodan wor idhiri ran Lazaro wobili lwet cinge i pi wokwey ran gine lewan, rupiri an litho madwoŋ i mac me!’

KITAWO MALEŊ Catholic

²⁴ Gikenyo olwoŋo go ni, ‘Baba Abraham! Maki ye kodan wor idhiri ran Lazaro wobili lwet cinge i pi wokwey ran gine lewan, rupiri an litho madwoŋ i mac me!’

Luka 16:24 ပူးပေါင်းရင်းမြစ်များ

Yobu 20:21

Ka jocemo, ongoye gima doŋ, riameno lim pajo rumo woko.

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 66:24

Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Zekaria 14:12

Me labedo two nundu ma Rwoth lagoyo gine ji ma jolwenyo gi Yerusalem; delkwoŋ jo latop kareno jocungo gi tiendi jo, waŋ jo latop i kombe waŋ jo, aka lew jo latop i dhok jo.

Matayo 25:41

Gikenyo go bino waco ri joma nitie yuracam pere ni, ‘Eye win bothan jom'olam, kendo donji win i mac makitho m'oyik, ri jwogi kodi jomalaika pere.

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

Matayo 5:22

To pama onyo awaco riwin ama: Ŋat'omaki nge g'omin bino bedo jabanja kapido. Ŋat'otim roro kwoŋ omin ibino tero go ruwaŋ jothumi banja, aka ŋat'oyeti omin ni, mamiŋ ma bukony, ibino bolo go i mac makitho.

Luka 16:30

Jaŋaŋo owaco ni, ‘Be, baba Abraham, to ka nyatoro m'owok bothi jom'otho okidho bongi jo aka jobino ŋuto reco pajo.’

Luka 19:9

Aka Yesu owaco rigo ni, “Konon both otieko bino i ot me, paka jame bende obedo nyakwar Abraham;

Luka 3:8

Tim win gigipiny ma nyutho nike wiŋuto reco mewin. To wikiri wicaki waco wiwegi kendi win ni, ‘Abraham meno kwari wan!’ Kendo awaco riwin, kole Were nyalo kwanyo telin me to loko nyikway Abraham.

Yohana 4:10

Yesu odwoko ni, “Bedi iŋey mic pa Were kodi ŋata kwayin pi amadha, d'ikwayo go aka d'omiyin pi ma kwo.”

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 7:37

Ndelo macowe ma kalima am'obedo ndelo m'oloyo dwoŋ. I ndelo no, Yesu ocungo to luwo gi dwonde ma malo ni, “Ka nitie moro je ma riyo neko wobin bongan womadhi pi,

Joroma 4:12

Go obedo ba jom'othumere bende, ki ni rupiri othum jo, to rupiri jonitie i kiti kwo ma yeyo ma Abraham cango obed'iye munyo fodi k'othumi go.

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Yakobo 3:6

Lew jo bende cale mac. Obedo dak reco manitie gi kabedo i delkwoŋ wan aka nyayo reco i kwo mawan gipi; go moko mac i kwo mawan gipi, aka go won bino waŋ i mac makitho.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 20:15

aka nyatoro je ma k'onwaŋ nyinge i kitawo ma kwo, bende obol i wakawaka ma mac no.

Menyirok ri Yohana 22:1

Malaika onyuthan bende jwom ma pi ma kelo kwo, maler pa ndewiro, ma mol kareno wok i kom ma dhum pa Were kodi apa Nyathi rombo,

1 Samwiri 28:16

Samwiri owaco ri Saulo ni, “Raŋo i penjan k'inen Rwoth ojwangin, aka olokere jakwor perin?