Luka 13:34 - KITAWO MALEŊ

³⁴ “A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

KITAWO MALEŊ Catholic

³⁴ “A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Luka 13:34 ပူးပေါင်းရင်းမြစ်များ

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Nehemia 9:30

Ma oro kweth, ibedo moth gi jo, aka igwoko jo gi cuny perin luwo kwoŋ jotuci wac Were perin, to jok'onyalo winjo. Riameno iweyo nonin man kikengila jo.

Zabuli 149:2

Weyi Isiraili wosangala i jacwec pere, weyi wot Zayon jowofore i kere pajo!

Zabuli 17:8

Kwonga an paka nyangil waŋin, kanan i tipo ma bwombin,

Zabuli 36:7

Mar perin makiwire dicwe, Awi Were! Nyithindhi ji jonwaŋo kabwok i bwombin.

Zabuli 57:1

Tim ran ŋono, Awi Were, tim ran ŋono, kwoŋbedo i in cunyan nwaŋo kapondo; alapondo i tipo ma bwombin, cuka asur ma rerok orum.

Zabuli 81:13

Kabedi nende ji paran oyido jowinjan, ka bedi nende oyido joluw cik paran!

Zabuli 91:4

Go bino umin gi bwombe, aka ibino nwaŋo bonge kapondo, Were timo adieri go bino kikwonga in to gwokin.

Isaya 30:15

Kole Rwoth Were, Were Maleŋ pa Isiraili otieko waco ama: I dwoko bongan wilalimo ywomirok gi both, liŋ gi geno labedo meni mewin, to wikiyeyo.

Isaya 50:2

Raŋo munyo abino akinwaŋo dhano? Raŋo munyo alwoŋo, ongoye ŋat'odwoko? Cingan cek ma kinyal botho? Kosa angoye gi meni ma botho? Gi or paran athwo woko nam, aloko malawin opalipat; rec pajo joŋwe ro ngoye pa pi, aka jotho ro riyo.

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 26:23

Jokelo Uriya bongi Kere Yehoyakim wok Misir, m'oneko go g'abor to bolo delkwoŋe kam'iyik'iye ji ma kisi ndelo.

Yeremia 35:14

Yonadab owodho or ri nyikway Rekab nike jokiri jowomadhi vini, aka jokimedhi kiri konon me, kwoŋbedo jowinjo or pa kwari jo. To an won atieko luwo gi win mar'amen aka wikiwinjan.

Yeremia 35:17

Riameno, me apaka Rwoth pa lwak jolweny, Were pa Isiraili waco ama: Alakelo ri Yuda kodi ji ma jobedo i Yerusalem je kisi teko m'alwoŋo kwoŋ jo, kwoŋbedo atieko luwo gi jo to jok'owinjan. Atieko lwoŋo jo, to jokiye ran.

Yeremia 6:16

Rwoth waco ama: “Cungi win i dhoyin, aka winen, penji win yo macene, kama royo maber nitie i iye; wiwoth'iye, aka winwaŋ ywomirok ri cuny win.” To jowaco ni, “Wak'owoth'iye.”

Ywakirok 1:16

Ro gigipiny me aywak, aka pigi waŋan cwer, kole ongoye ŋat'okwey cunyan, ŋat'odwoki ran meni, nyithindho paran jodoŋ nono, jakwor otieko kikengila an.

Ywakirok 4:13

Obedo ro reco pa jotuci wac Were pere, kodi jocway ri Were i wi migam pere, ma ooy remo pa joma timo gim'otire, i dier go.

Hoseya 11:2

Paka amedo lwoŋo jo, apaka bende jomedo weyan; jomedere miyo cowirok ri Bal, kodi waŋo buban ri cal.

Hoseya 11:7

Ji paran jomiyere wirok kwoŋan. Jolwoŋo Jamalo Swa, to go kitiŋi jo malo kada mathi.

Yowel 2:23

Awi ji ma Zayon, sangala win, aka fore win i Rwoth Were mewin; kole go otieko miyo koth marapena ma botho win, go otieko konjo piny riwin koth, koth marapena gi macowe, i dwe marapena.

Zekaria 1:4

Wikiri wibedi paka kwarere mewin ma jotuci wac Were ma cango joywak rijo ka jowaco ama: Me apaka Rwoth pa lwak jolweny waco, mondo wire win wok i yo mewin marac, kodi tim mewin marac, to jok'owinjo, aka jok'odewo, Rwoth waco.

Matayo 22:3

Ooro jotic pere waco ri wendo m'olwoŋ ni jowobin i kalima; to jok'omito bino.

Matayo 22:6

aka joman jomako jotic no, jogoyo jo, to joneko jo.

Luka 15:28

Omin madwoŋ nge omako to kwero kiri donjo i ot; gikenyo bamere owok woko to temo naŋo go ni wodonji.

Luka 19:44

Jobino reyin woko kicutho gi ji manitie i cel perin; ongoye tele kad'acel ma jowey i wiy nyawote, rupiri ikinyalo ŋeyo ndir ma Were owend'iye rin.”

Luka 23:28

Yesu owire oŋiyo jo to waco ni, “Mon ma Yerusalem! Wikiri wiywakan, to wiwegi ywakere win kodi nyithindho mewin.

Tim pa Jomoor 7:52

Nitie jatuci wac Were kad'acel ma kwarere pajo k'olwenyo gine? Joneko kiri jomikwenda pa Were, ma cango con jotuco bino pa Ŋat'otire, ma witieko kiri camo rigo sereko to wineko go.

Tim pa Jomoor 7:59

Munyo jogoyo go, Stefano owaco ikwayo ni, “Rwoth Yesu, joli cunyan.”

Tim pa Jomoor 8:1

Aka Saulo oyeyere gi neki me. Gi i ndelo no won, kitipa pa jom'oyeyo ma Yerusalem ocako nwaŋo acanda malith. Jom'oyeyo je, kwanyo woko jomoor, jotiakere iy'adec ma Yuda kodi Samaria parom.

Kitawo mar'abic mapa Musa m'ilwoŋo ni Cik 32:29

Kabedi oyido joriek, dinyo joniaŋ gime, di joparo kwoŋ nger ma gike pajo labedo.

Kitawo mar'abic mapa Musa m'ilwoŋo ni Cik 5:29

Kabedi oyido jonitie gi paro paka me, lworan kodi kuro or paran noknok, ŋey jowonwaŋ bero kodi nyikway jo cil gi cil,

Menyirok ri Yohana 11:8

Aka delkwoŋ jo bino m'oyerere i royo ma tindi madwoŋ, kama Rwoth pajo ogur'iye kwoŋ musalaba, ma nyinge iy'ageca ilwoŋo ni Sodom kosa Misir.

Ruth 2:12

Rwoth womiyin kemba ro gim'itimo, aka kemba pere wobedi m'opoŋ; Rwoth Were pa Joisiraili m'ibino nwaŋo kapondo i bwombe”.