Luka 13:17 - KITAWO MALEŊ

¹⁷ Munyo owaco ameno, jokwor pere je wickwot omako jo, kareno ji je oyido josangala ro gir'aura ma Yesu otimo.

KITAWO MALEŊ Catholic

¹⁷ Munyo owaco ameno, jokwor pere je wickwot omako jo, kareno ji je oyido josangala ro gir'aura ma Yesu otimo.

Luka 13:17 ပူးပေါင်းရင်းမြစ်များ

Zabuli 109:29

Weyi wi jokwor paran wokwoti, weyi joworuki wickwot pajo paka kanzu.

Zabuli 111:3

Tic pere opoŋ dwoŋ gi meni, aka go timo gim'otire cil gi cil.

Zabuli 132:18

Alaruko jokwor pere gi wickwot, to go labedo kere m'opoŋ gi dwoŋ.

Zabuli 40:14

Weyi jono ma jodwaro nekan, jowobedi i nyawin aka wokengila jo kicutho. Weyi jono ma josangala ro teko paran woriem jo i wickwot.

Kitawo mar'ario mapa Musa m'ilwoŋo ni Wok 15:11

“Rwoth, ŋa ma calin, kwoŋ werin je? Ŋa ma calin, itek loyo joje? Ŋa manyalo timo gir'aura gi tim madongo paka aperin?

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 45:24

Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Luka 14:6

To jok'onyalo dwoko go wac no.

Luka 18:43

Gikenyo won to ŋato cako neno, to luwo Yesu, munyo foyo Were. Munyo ji je joneno gime, jopako Were.

Luka 19:48

to jok'onwaŋo yo ma timo ameno, rupiri ji je oyido jociko ithi gin winjo go gi maro madit.

Luka 20:40

Ato odoko jok'otemo penjo Yesu penji moro kendo.

Tim pa Jomoor 4:21

Jopido jomedo bwoko jo gi meni swa, to joweyo jo jokadho. Jok'oneno yo ma di jomiyo gine jario no gir'acula, rupiri ji je oyido jopako Were kwoŋ gim'otimere.

2 Timothe 3:9

To jok'okadhi bor, rupiri dhano je bino neno miŋo pajo, paka joneno apa cwo ario no.

Tito 2:8

Or wac m'otire ma moro kinyal kipusa, aka ŋey wickwot womaki jokwor perin, rupiri jok'onwaŋ gimarac awaca kwoŋ wan.

1 Petero 3:16

To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.