Luka 12:17 - KITAWO MALEŊ

¹⁷ Ameno go oparo g'icunye ni, ‘Anotim aŋo, kole angoye gi kaketho kweth cemo paran me?’

KITAWO MALEŊ Catholic

¹⁷ Ameno go oparo g'icunye ni, ‘Anotim aŋo, kole angoye gi kaketho kweth cemo paran me?’

Luka 12:17 ပူးပေါင်းရင်းမြစ်များ

Jafonji 11:2

Pok lim perin i migew ario, kosa kada di boro, rupiri ikuya teko manyalo timere i piny.

Isaya 58:7

K'obedo camo cemo mewin kanyacel gi joma kec neko, gi rwako jacandi ma bu peco i ot mewin; ka wineno jokinyoro, wiruk jo, aka wikiri wikwer konyo wade mewin won?

Matayo 16:7

Jocako luwirok wegi kendi gin ni, “Go waco ama kwoŋbedo wakitiŋo mugat moro.”

Matayo 5:42

Ka dhano okwayin gimoro, miy go, aka ka nyatoro mito gimoro m'ociko culo, miy go.

Luka 10:25

Gikenyo jafonji ma Cik moro omito temo Yesu; oay to penjo ni, “Jafonji, mitere atim aŋo ŋey adonji i kwo makirum?”

Luka 11:41

To miy jocandi gima ni iy kikopo kodi atewe aka gigipiny no je bino bedo m'olony riwin.”

Luka 12:16

Gikenyo Yesu oluwo iy'ageca ama: “Jaŋaŋo moro cango obedo gi ndelo cemo m'onyak rigo mathoth swa.

Luka 12:18

To waco ni, me a gim'onyo alatimo: Abino kedho woko dere paran je t'acweyo madongo loyo, t'akonjo kal paran kodi gigipiny man je i iye.

Luka 12:22

Gikenyo Yesu owaco ri jofonjirok pere ni, “Am'omiyo awaco riwin ni wikiri wirembi kwoŋ kwo mewin, gima winocam, kosa kwoŋ delkwoŋ win, gima winoruki.

Luka 12:29

Am'omiyo wikiri wirembi kwoŋ gima winocam kodi gima winomadhi, odoko wikiri wiasa paro.

Luka 12:33

Tana win lim mewin je aka pesa mere wipoki jocandi. Bedi win gi migowe ma kiyec, aka wikan ŋaŋo mewin i polo kama k'omojer'iye, kendo ongoye jakwo manyalo gey'iye, kosa masirigi moro nyek'iye.

Luka 16:3

Gikenyo jakur no won owaco kende ni, ‘Paka rwoth paran onyo kwanyo woko kwoŋan tic ma kur, anotim aŋo? Angoye gi meni ma fur, aka wiyan kwot kiri kidho kwayirok. Bedo ran wickwot madwoŋ.

Luka 16:9

Yesu omedo waco ni, “Awaco riwin, maki win mere ka wioro ŋaŋo ma piny, aka k'orumo, ibino jolo win i kabedo ma cil gi cil.

Luka 18:22

Munyo Yesu owinjo gim'owaco me, owaco rigo ni, “To fodi mitere rin timo gimoro acel. Tana woko lim perin je, ipoki jocandi pesa mere, aka ibino limo ŋaŋo i polo, ŋey nyaka ibin iluwan.”

Luka 19:17

Go owaco ni, ‘Itimo maber, ijatic maber! Paka inyutho genirok i gimathin, onyo abino kethin kuro tindi apar.’

Luka 3:11

Go odwoko ni, “Ka nyatoro nigi satere ario, go ripo poko gi ŋat'ongoye gine. Kendo ŋata nigi gimoro acama bende wotim ameno.”

Tim pa Jomoor 16:30

Gikenyo otero jo woko to penjo jo ni, “Jodongo, aripo timo aŋo ŋey alimi both?”

Tim pa Jomoor 2:37

Munyo jowinjo gime, cuny jo oramo jo swa, to jopenjo Petero kodi jomoor man ni, “Wutmin wan wanotim aŋo?”

Joroma 12:13

Pok win ye lim mewin gi wutmin win ma jocando, odoko weyi win pecin mewin thwolo ri wendo.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

1 Yohana 3:16

Me apaka waŋeyo gim'obedo mar: Kristo omiyo kwo pere riwan; aka wabende waripo miyo kwo mawan ri wutmin wan.