Luka 10:42 - KITAWO MALEŊ

⁴² ma to nyaka gimoro acel won ama mitere. Maria ayino am'oyero gimaber mere, ma k'okwany kwoŋe.”

KITAWO MALEŊ Catholic

⁴² ma to nyaka gimoro acel won ama mitere. Maria ayino am'oyero gimaber mere, ma k'okwany kwoŋe.”

Luka 10:42 ပူးပေါင်းရင်းမြစ်များ

Zabuli 119:111

Or perin obedo lim paran ma cil gi cil, jobedo kisangala ma cunyan.

Zabuli 119:173

Weyi cingin woyikere konyan, kole atieko yero or perin.

Zabuli 119:30

Atieko yero yo mar'adieri, atieko winjo thumo banja perin.

Zabuli 142:5

Aywak rin, Awi Rwoth, awaco ni iŋat'ibedo kapondo paran, adec paran i piny pa ji makwo.

Zabuli 17:15

To paka ri an, kwoŋbedo angoye gi komo, abino nenin, aka k'acew, bedo perin bino miyan kisangala.

Zabuli 27:4

Gimoro acel m'atieko kwayo Rwoth, aka gino abino dwaro, ni anyal bedo i Ot pa Rwoth i kwo paran je, neno bero pere, gi kwayo go wotelan.

Zabuli 73:25

Ŋa ma nitie gine i polo kwanyo woko in? Aka ongoye gim'agomba i piny kwanyo woko in.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Mariko 8:36

Aŋo ma dhano olim ka oloki piny gipi apere, to rwenyo woko kwo pere won?

Luka 10:39

Dheno oyido nitie gi nyamin m'ilwoŋo ni Maria, m'obino to bedo piny dho ka tiendi Yesu to winjo fonji pere.

Luka 11:1

Ndelo moro Yesu oyido nitie kamoro kwayo, aka munyo ocowo, acel kwoŋ jofonjirok pere owaco ni, “Rwoth, fonji wan kwayo, paka Yohana ofonjo jofonjirok pere.”

Luka 12:20

To Were owaco rigo ni, ‘Ma miŋ me! Kole wor ma konon won me ibino omo cunyin. Onyo kweth gigipiny m'odhure me je obedi apa ŋa?’ ”

Luka 12:33

Tana win lim mewin je aka pesa mere wipoki jocandi. Bedi win gi migowe ma kiyec, aka wikan ŋaŋo mewin i polo kama k'omojer'iye, kendo ongoye jakwo manyalo gey'iye, kosa masirigi moro nyek'iye.

Luka 16:2

Go olwoŋo ŋato to penjo go ni, ‘Awinjo aŋo me kwoŋin? Titi ran kwan kwoŋ tic perin ma kur, rupiri ikilabedo jakur kendo.’

Luka 16:25

To Abraham odwoko ni, ‘Wodan, poyi ni i kwo perin ma piny ilimo gigipiny perin mabeyo, to Lazaro olimo gigipiny mareco kendekende; am'omiyo pama onyo ikweyo cunye ka, aka in onyo iŋat'initie i litho.

Luka 18:22

Munyo Yesu owinjo gim'owaco me, owaco rigo ni, “To fodi mitere rin timo gimoro acel. Tana woko lim perin je, ipoki jocandi pesa mere, aka ibino limo ŋaŋo i polo, ŋey nyaka ibin iluwan.”

Luka 8:18

“Ciki win ithi win maber, ato ŋata nitie gi gimoro am'ibino medo go man, to ŋat'ongoye gi gimoro, kada ma go paro nike nitie gine no, ibino mayo go woko.”

Yohana 11:1

Dhano m'ilwoŋo ni Lazaro, ma Bethania oyido two. Me obedo tindi ma Maria kodi Marita, nyamin go, oyido jobed'iye.

Yohana 11:19

aka Joyuda mathoth onwaŋo jobino limo Marita kodi Maria gi kweyo cuny jo i teko pajo ma tho p'omin jo.

Yohana 12:3

Gikenyo Maria okwanyo cupa mo maŋwe kur swa ma romo adec kilo gipi, ma nyingi yath moro aka ma welo, to olo i tiendi Yesu, to yweyo gi ye wiye. Kur pa mo no mamit otweyo ot gipi.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

1 Jokorintho 13:3

Kad'anyal poko gimoro je man gine; kad'ayey delkwoŋan wowaŋ, k'angoye gi mar, meno kikonyan kada mathin.

Jogalasia 5:6

Kole i Kristo Yesu, thumirok kosa weyo ma k'othumere kikel pokirok moro; gimadwoŋ obedo yeyo ayino ma nyuthere i mar.

Kitawo mar'abic mapa Musa m'ilwoŋo ni Cik 30:19

Alwoŋo polo kodi piny bedo paka jokony kwoŋ win konon me, nike atieko ketho ruwaŋ win kwo kodi tho, silwany kodi lam. Yer win kwo ŋey winyal kwo, win kodi nyikway win,

Yosuwa 24:15

Onyo ka wikiyere tic ri Rwoth, yer win konon ŋata wilatiyo rigo, kosa werin ma kwarere mewin jotiyo rijo yur'adec ma yombo Malawa kosa werin pa Joamor, ma wibedo i lowo pajo; to paka ri peco paran kodi an, walatiyo ri Rwoth.”

Yosuwa 24:22

Kenyo to Yosuwa waco ri ji ni, “Wiwegi wibedo jokony kwoŋ wiwegi ni witieko yero Rwoth, tiyo rigo.” To jodwoko ni, “Wabedo jokony.”