Luka 1:51 - KITAWO MALEŊ

⁵¹ Go orieyo cinge ma nyutho meni pere, aka otieko kedho woko joma pakere i paro ma cuny jo.

KITAWO MALEŊ Catholic

⁵¹ Go orieyo cinge ma nyutho meni pere, aka otieko kedho woko joma pakere i paro ma cuny jo.

Luka 1:51 ပူးပေါင်းရင်းမြစ်များ

Cakirok 11:8

Ameno Rwoth okedho jo i piny gibe aka joweyo geto tindi madwoŋ.

Cakirok 6:5

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

Cakirok 8:21

Kur ma cowirok osangala Rwoth to waco i cunye ni, “Doko akibino kwoŋo piny kwoŋbedo ji, rupiri wok i thino pajo paro pajo reco. Doko akibino reyo kisi cwec makwo paka atimo.

Zabuli 118:15

Winji wer ma loyo, i wema pa ji pa Were: “Cingi Rwoth maracuc otimo!”

Zabuli 33:10

Rwoth geŋo woko atoŋa pa nonin, go geŋo jo timo can pajo.

Zabuli 52:9

Abino foyin noknok, ro gim'itieko timo; alapako nyingin kwoŋbedo ber, ruwaŋ ji perin.

Zabuli 63:5

Adundo paran lacemo to yeŋ, aka dhokan lapakin gi wer mamit.

Zabuli 89:10

Iŋinyo woko thwol Rahab t'ineko, ikengila jokwor perin gi cingin ma dimeni.

Zabuli 89:13

Cingin dimeni, meni perin dwoŋ!

Zabuli 98:1

Wer ri Rwoth wer manyen, kole otimo gir'aura! Cinge maracuc gi cinge maleŋ, omiyo go loyo.

Kitawo mar'ario mapa Musa m'ilwoŋo ni Wok 18:11

Onyo pama aŋeyo nike Rwoth dwoŋ loyo werin je, kwoŋbedo obotho ji pere wok i cingi Jomisir munyo oyido jotero jo gi cay.”

Isaya 40:10

Neni, Rwoth Were bino gi meni, go bino dhumo gi meni; kemba pere nigi go, aka cul pere nitie ruwaŋe.

Isaya 51:9

Cew, cew, ruk meni, Awi cingi Rwoth, cew paka ndelo macene, ri luse ji ma cango con! Iŋati cango ikitoŋo Rahab mathindho thindho, iŋat'ikicwowo bulir?

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 63:12

Nikune Rwoth m'omiyo meni pere madwoŋ, kidho i cingi Musa maracuc, poko pi i diere ruwaŋ jo, ma timo rigo nyinge ma cil gi cil?

Yeremia 49:15

Alalokin masisiri i dier nonin, aka ji jolacayin.

Daniel 4:37

Onyo an, Nebukadineza, apako aka atiŋo malo Kere ma i polo, Kole tim pere obedo adieri, yo pere obedo tiro, aka jono ma jowotho i noro, go nyalo dwoko jo piny.

Joroma 1:21

Ji joŋeyo Were, to jokimiy go dwoŋ pere, kendo kada temo foyo go ni walwa. Kucel, paro pajo olokere masisiri aka paro pajo ma kitiy m'odoŋ mudho otieko poŋ'iye.

2 Jokorintho 10:5

gi kedho woko rageŋ je ma piem, kodi gimoro je ma tiŋere malo aka temo juko rieko pa Were, to mako paro manyadhanodhano je wogiki winjo Kristo.

Kitawo mar'abic mapa Musa m'ilwoŋo ni Cik 4:34

Kosa nitie were m'otieko temo kadho kwanyo nono wok i piny man rigo won, gi tem, gi ranyuth kodi gir'aura, gi lweny, gi cinge ma meni, gi thoyamo, paka Rwoth Were mewin otimo i Misir ka wineno gi waŋ win.

1 Petero 5:5

Ameno bende, wijoma fodi soye wiripo winjo jotel mewin gi mwolo. Aka wijoje ruki win mwolo ma tiyo ri jowoti win pa nanga; kole ndiko waco ni, “Were lwenyo gi jopakirok, to miyo joma wegi jobwonere nema.”

Menyirok ri Yohana 18:8

Am'omiyo thoyamo je ma latundo rigo, jobino umo go kiromo i ndelo acel. Two nundu, rem, kodi kec, aka ibino waŋo go gi mac, rupiri Rwoth Were ma thumo rigo banja jameni swa.”