Luka 1:33 - KITAWO MALEŊ

³³ Go bino dhumo nyikway Yakobo cil gi cil aka Ker pere bino ngoye gike.”

KITAWO MALEŊ Catholic

³³ Go bino dhumo nyikway Yakobo cil gi cil aka Ker pere bino ngoye gike.”

Luka 1:33 ပူးပေါင်းရင်းမြစ်များ

2 Samwiri 7:13

Go ama bino geto ran ot, aka alaneno nike dhum pere medere cil gi cil.

2 Samwiri 7:16

Aka noknok ibino bedo gi nyikwayin, aka abino miyo ker perin kiyindira cil gi cil. Dhum perin kilabedo gi gike.’ ”

Zabuli 45:6

Ker ma Were omiyin, yindira cil gi cil, luth perin ma dhum obedo luth ma tiro;

Zabuli 89:4

Nyikwayin jobino bedo kere noknok, abino geto keri perin ri luse je.”

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 23:5

Hongo bino adieri, Rwoth waco, m'abino yer'iye kere ma jatiro nyakwar Daudi. Go bino dhumo gi rieko to timo gir'adieri kodi tiro i piny gipi.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Daniel 6:26

Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.

Daniel 7:18

To jomaleŋ pa Were ma Jamalo Swa jolatero ker, to jodhumo cil gi cil, makicutho.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Obadia 1:21

Cwo ma jotieko loyo i Yerusalem, jobino monjo Edom to jodhumo. Aka Rwoth won bino bedo kere.

Mika 4:7

Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Matayo 1:1

Me a bol ma nywolirok pa Yesu Kristo, nyakwar Daudi aka nyakwar Abraham:

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Luka 1:34

To Maria openjo malaika ni, “Gime obedi nedi ma to an abedo nyako mambula?”

Joroma 9:6

Akiwaci ni cikirok pa Were othogaya ongoye kony; rupiri k'obedo ni Joisiraili je ji pa Were;

Jogalasia 3:29

Ka wibedo apa Kristo, kole meno wibedo nyikway Abraham, aka wibedo musikin ma jobino lunjo lim ma Were ociko.

Jogalasia 6:16

Siem gi ŋono wobedi ri joma jobino mako tiendi wac me i kwo pajo, kodi ri ji pa Were je!

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Joebulaniya 1:8

To kwoŋ Wode, Were owaco ni, “Kom perin ma dhum, a Were, bino kiyindira cil gi cil, aka tiro am'ibino dhumo gine i Ker perin.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”