Kwan 4:15 - KITAWO MALEŊ

¹⁵ Ka Aron kodi wote jotieko umo Kabedo Maleŋ kodi kombere mere, kareno kambi ay, rumacen nyikway Kohath jolabino to jotiŋo, to jokiripi geyo gigipiny maleŋ, kosa jonyalo tho. Me gigipiny ma Wema ma romo ma nyikway Kohath joripo tiŋo.

KITAWO MALEŊ Catholic

¹⁵ Ka Aron kodi wote jotieko umo Kabedo Maleŋ kodi kombere mere, kareno kambi ay, rumacen nyikway Kohath jolabino to jotiŋo, to jokiripi geyo gigipiny maleŋ, kosa jonyalo tho. Me gigipiny ma Wema ma romo ma nyikway Kohath joripo tiŋo.

Kwan 4:15 ပူးပေါင်းရင်းမြစ်များ

2 Samwiri 15:24

Abiatha, Zadok, gi Jolevi bende oyido jokadho gi kere, aka oyido jotiŋo Kakan ma Cikirok pa Were; aka jojengo piny cuka ji je jowok i tindi madwoŋ.

2 Samwiri 6:13

Munyo cwo ma jotiŋo Kakan ma Cikirok pa Rwoth jokalo tiendi jo aucel, Daudi ojuko jo; aka omiyo Rwoth cowirok ma thwon kodi rwath dhiaŋ.

1 Kerin 8:3

Munyo jotel je jotieko cokirok, jocway ri Were i wi migam jotiŋo malo Kakan ma Cikirok

1 Kigana kwoŋ Kerin 15:15

Jolevi jotiŋo i gute i goki jo, paka Rwoth omiyo Musa or.

1 Kigana kwoŋ Kerin 15:2

Kenyo Daudi owodho or nike Jolevi kende ama jowotiŋ Kakan ma Cikirok pa Were, kole jo ama Rwoth oyido oyero tiŋo kodi tiyo rigo cil gi cil.

1 Kigana kwoŋ Kerin 23:26

Ameno Jolevi jok'otiŋ Kakan ma Cikirok kodi gigipiny m'ioro i lamo kendo.”

Kitawo mar'ario mapa Musa m'ilwoŋo ni Wok 19:12

Cer kew thoko got ma ji jokiripi kalo, aka wac rijo jokiri jowoidhi wi got kosa jowocore cegin gine. Ka nyatoro okethi tiende, iripo neko go.

Kitawo mar'ario mapa Musa m'ilwoŋo ni Wok 19:21

aka Rwoth owaco ri Musa ni, “Lori piny igwoki ji jokiri jowokal kew bino nenan rupiri madit kwoŋ jo jobino tho.

Kitawo mar'ario mapa Musa m'ilwoŋo ni Wok 27:7

To iketho i petin ma kisi thengi migam k'otiŋ.

Jolevi 16:13

Go laketho buban i mac ruwaŋ Rwoth, to yiro ma buban laumo giumo manitie i wi Kakan ma Cikirok, ka k'obedo ameno go nyalo tho.

Kwan 1:50

To kethi Jolevi bedo jokur ma tabenakulo ma cikirok, gi gigipiny ma mako kwoŋe je; joripo tiŋo tabenakulo gi gigipiny mere je, jobino kuro to jothoko tabenakulo.

Kwan 1:51

K'owodhi tabenakulo, Jolevi jobino kwanyo to joketho piny, aka k'ikidho jengo tabenakulo, Jolevi jolaŋawo malo. Japath moro je m'ocore cegin gine iripo neko.

Kwan 10:21

Kenyo to nyikway Kohath ma jotiŋo gigipiny maleŋ joay, t'ijengo tabenakulo mafodi jok'otundo.

Kwan 18:3

Jolatimo tic riwin kodi ri Wema gibe. To jokiripi corok cegin gi gigipiny ma Kabedo Maleŋ kosa gi migam; ka jotimi ameno jo kodi win wilatho.

Kwan 3:38

Jono m'oyido joripo ketho kambi pajo yuwaŋ tabenakulo yuwok ceŋ, ruwaŋ Wema ma romo yuthenge ma yuwok ceŋ oyido obedo Musa kodi Aron gi wote, ka jotimo tic ma Kabedo Maleŋ, kisi gimoro je m'oyido iripo timo ri Joisiraili; aka japath moro je m'ocore cegin iripo neko.

Kwan 4:14

Jobino ketho i wiye gigipiny ma migam je, m'ioro ma timo tic kenyo, kabangala, uma, kitiyin, kodi kalayere, gigipiny je ma migam; aka jolayaro i wiye giumo ma pien mafoth, to joketho gute mere i kare.

Kwan 4:19

Me apaka wiripo tic gi jo ŋey jowokwo ma jok'otho ka jocore cegin gi gigipiny maleŋ loyo: Aron gi wote jobino donjo to jomiyo kisi ŋat'acel tic kosa bieto.

Kwan 4:20

To Jolevi ma nono pa Kohath jokiripi donjo i iye ma mito neno gigipiny maleŋ kada nyak'adec; kosa jolatho.

Kwan 7:9

To go k'omiyo nyikway Kohath gimoro, rupiri oyido omiyo jo tic ma kikwonga gigipiny maleŋ m'oyido jotiŋo i goki jo.

Kitawo mar'abic mapa Musa m'ilwoŋo ni Cik 31:9

Musa ondiko cik me piny, to miyo jocway ri Were i wi migam, wot Jolevi, ma jotiŋo Kakan ma Cikirok pa Rwoth kodi jodongo je ma Isiraili.

Yosuwa 4:10

Jocway ri Were i wi migam ma jotiŋo Kakan ma Cikirok jodoŋ ma jocungo i dier Yordan, cuka kisi gimoro ma Rwoth ooro Yosuwa ni wowaci ri ji orumo, paka i gimoro je ma Musa ooro Yosuwa. Ji joŋado gi kwakirok.

1 Samwiri 6:19

Rwoth oneko cwo piero abirio Bethsemes rupiri joleŋo waŋ gin i Kakan ma Cikirok pa Rwoth. To ji joywak swa rupiri Rwoth oneko ji kweth i dier jo.