Kwan 28:11 - KITAWO MALEŊ

¹¹ Kisi ka dwe manyen cako, wiripo miyo Rwoth mic awaŋa ma rwath ario, wod rombo acel, kodi wot rombo abirio ma jo oro acel ma jongoye gi ŋolo.

KITAWO MALEŊ Catholic

¹¹ Kisi ka dwe manyen cako, wiripo miyo Rwoth mic awaŋa ma rwath ario, wod rombo acel, kodi wot rombo abirio ma jo oro acel ma jongoye gi ŋolo.

Kwan 28:11 ပူးပေါင်းရင်းမြစ်များ

2 Kerin 4:23

Cwore openjo go ni, “Raŋo ikidhi bonge konon? K'obedo ndelo ma dwe manyen kosa Sabato.” Dheno odwoko ni, “Ikir'irembi.”

1 Kigana kwoŋ Kerin 23:31

kodi kisi k'imiyo Rwoth cowirok awaŋa i ndelo ma sabato, dwe manyen, kodi kalima m'oyer, cungo kwoŋ welo pajo ma ripo noknok ruwaŋ Rwoth.

2 Kigana kwoŋ Kerin 2:3

Solomon odhiro ri Hiram, kere ma Tire mikwenda ni, “Paka itimo gi baba Daudi t'idhiro rigo sida ma geto ot pere, ameno bende tim ran.

2 Kigana kwoŋ Kerin 2:4

Neni, acegin geto ot ma miyo nyingi Rwoth Were paran dwoŋ t'amiyo go, ma waŋo buban maŋwe kur ruwaŋe, kodi ma miyo cowirok ma mugat, kodi ma miyo cowirok m'odikin kodi m'othieno, i Sabato gi i dwe manyen kodi kalimin pa Rwoth Were mawan ma ripo, paka Rwoth owodho or nike wotim cil gi cil ri Isiraili.

2 Kigana kwoŋ Kerin 8:13

Go omiyo cowirok paka cik pa Musa waco ri kisi ndelo: Sabato, Kalima ma Dwe Manyen kodi Kalima adek ma oro. Kalima ma Mugat ma buthow, Kalima ma Keco kodi Kalima ma Kayindi.

Ezira 3:5

Jo bende jomiyo cowirok awaŋa ma jokikeŋ, mic ma Kalima ma Dwe Manyen kodi i kalima je m'ilam'iye Rwoth, kiri gi mic ma dhano won miyo Rwoth.

Nehemia 10:33

Walamiyo gigipiny ma mitere i Ot pa Were i lamo; mugat maleŋ, mic ma kisi ndelo ma ŋano, ogwaŋe awaŋa kisi ndelo paka cowirok, mic maleŋ ri Sabato, Kalima ma dwe manyen, kodi kalima man je, mic ma cwako reco pa Isiraili, kodi giman je ma mitere i Ot pa Were.

Zabuli 40:6

Ikimiti cowirok kosa mic, ikikway mic awaŋa, kosa mic ma cwako reco.

Zabuli 40:8

Amaro swa timo mito perin, Awi Were paran! Cik perin nitie i cunyan.”

Zabuli 81:3

Kudhi gwara i dwe manyen, i ndelo mawan ma kalima.

Zabuli 81:4

Kole me obedo cik i Isiraili, cik m'owok bongi Were pa Yakobo.

Isaya 66:23

I kisi kalima ma dwe manyen, gi kisi ndelo ma Sabato, ji ma kisi piny, jolabino lamo ruwaŋan ka i Yerusalem, Rwoth waco.

Ezekiel 46:1

Rwoth Were waco ama. Waŋkac ma diedipo ma iye ma ŋiyo yuwok ceŋ ripo doŋ m'ocegere i ndelo aucel ma tic, to i ndelo ma Sabato iripo yawo kodi i ndelo ma Dwe Manyen.

Ezekiel 46:6

I ndelo ma Dwe Manyen go lamiyo rwath m'ongoye gi ŋolo, nyithindhi rombo aucel kodi wod rombo m'ongoye gi ŋolo.

Ezekiel 46:7

Paka mic ma cemo go lamiyo efa acel gi thwon kodi efa acel gi wod rombo, aka gi nyithindhi rombo marom paka go won mito miyo, kanyacel gi lita adek ma mo ri kisi mic no.

Hoseya 2:11

Alaketho i gike yumirok pere je, kalimin pere, dwe pere manyen, sabato pere je, kodi kalimin pere m'oyik je.

Jolevi 1:13

To gigipiny ma iye kodi olenge mere go lalwoko gi pi. Jacway ri Were i wi migam lawaŋo gipi i wi migam paka cowirok awaŋa, mic m'owaŋ gi mac, maŋwe kur mamit ri Rwoth.

Jolevi 1:3

Ka mic pere obedo mic awaŋa ma dhiaŋ, ripo bedo rwath m'ongoye gi ŋolo. Go won wokel i dhiot ma Wema ma romo, ŋey wojol rigo ruwaŋ Rwoth.

Jolevi 1:9

To gigipiny ma iye kodi olengin mere iripo lwoko gi pi. Kenyo jacway ri Were i wi migam lawaŋo gipi i wi migam, paka cowirok awaŋa, mic m'owaŋ gi mac, maŋwe kur mamit ri Rwoth.

Amos 3:5

Winyo nyalo moko, ma k'ociki gi ligir? Mitego por malo wok piny, ma k'omako gimoro?

Amos 8:5

Wiwaco ama; dwe manyen orum keraŋo, ŋey watana ŋano? Sabato orum keraŋo, ŋey doko wacak kitana ŋano? Nyaka ŋey waor latir ma k'otire, aka wakithin gi telin ma kipima ma kwalo joma nyewo.

Kwan 10:10

“I ndelo mewin bende ma forok, i kalimin mewin ma Dwe Manyen gi kalimin megi manyadini, wiripo kudho gwarin ka wikelo mic mewin awaŋa kodi cowirok mewin ma mic ma siem; jobino bedo paka rapoy i nyingi win ruwaŋ Rwoth Were mewin. An abedo Rwoth Were mewin.”

Kwan 28:19

Wiripo miyo mic awaŋa paka mic ma cemo ri Rwoth. Rwath ario, wod rombo kodi wot rombo abirio ma jo oro acel. Neni win nike jongoye gi ŋolo.

Jogalasia 4:10

Wimiyo gigipiny moro dwoŋ paka: Ndelo megi, dwe, ndir, kodi oro!

Jokolosia 2:16

Am'omiyo, wikiri wiyeyi moro wokethi riwin cik kwoŋ gima wicamo, kosa wimadho, kosa gima mako kwoŋ kalima manyadini, kosa kalima ma dwe manyen, kosa ndelo ma Sabato.

Jokolosia 2:6

Paka witieko jolo Kristo Yesu paka Rwoth, doŋ win i go i kwo mewin.

1 Samwiri 20:5

Daudi odwoko ni, “Dikin obedo ndelo ma kalima ma dwe manyen, aka aripo cemo kanyacel gi kere. To weyi akadhi apondi i dudi tundo yawere othieno.

1 Samwiri 9:12

Nyir no jodwoko ni, “Ey go nitie. Go otelo yu wiwin. Ka wiredo wilamako go. Tekin widonjo i tindi won ama wilanwaŋo go. Go nyaka obino i tindi pama won me, rupiri ji konon jokidho miyo cowirok i kacowirok. Ji m'olwoŋ jok'ocak cemo cuka go tundo rupiri go ripo kutho kwayo Were womiy cowirok silwany. Ka wikidho pama, wilaneno go mafodi go k'okidho cemo i kacowirok.”