Kwan 25:6 - KITAWO MALEŊ

⁶ Gikenyo won, Jaisiraili moro otero dhako Jamidian i wema pere munyo Musa kodi lwak pa Isiraili je joneno, kareno joywak ruwaŋ Wema ma Romo.

KITAWO MALEŊ Catholic

⁶ Gikenyo won, Jaisiraili moro otero dhako Jamidian i wema pere munyo Musa kodi lwak pa Isiraili je joneno, kareno joywak ruwaŋ Wema ma Romo.

Kwan 25:6 ပူးပေါင်းရင်းမြစ်များ

Cakirok 37:28

Aka munyo Jomidian moro ma jomitan joluwo kenyo, jofudho Yozefu wok i bur, aka jotana go gi jono ma feza piero ario aka jono jotero go Misir.

1 Kerin 11:18

Joeye Midian to jokidho i Paran, kama cwo moro man joriwere gi jo. Kenyo jokidho i Misir bongi Farawo, m'omiyo Hadad lowo kodi ot aka omiyo go cemo.

Zabuli 94:16

Ŋa m'omonji ran jokidakana? Ŋa manitie i thenge paran kwoŋ joreco?

Isaya 22:12

I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

Yeremia 3:3

Riameno ogeŋo koth k'ocwe, aka koth ma cwir fodi k'obino. Kucel icale malaya, ingoye giwickwot.

Yeremia 36:23

Paka Yehud osoma sirin adek kosa aŋwen, kere oyido yeco g'athero aka bolo i mac maliel, cuka papila je owaŋ i mac.

Yeremia 8:12

Jotimo giwickwot, jotimo amien; kucel wiy jo k'okwoti kada, jok'oŋeyo nger ma bedo giwickwot. Riameno jolapodho i dier jono ma jopodho. I hongo m'abino miy'iye jo gir'acula, jolakitangatanga, Rwoth waco.

Yowel 2:17

I dier karukirok kodi migam, weyi jocway ri Were i wi migam, jotic pa Rwoth, jowobiy pigi waŋ jo. Weyi jowowaci ni, “Tim ŋono gi ji perin, awi Rwoth, aka ikir'iloki alunja perin giwickwot, gir'awaca i dier nonin. Raŋo wowacere i dier ji ni, Nikune Were pajo?”

Kwan 16:47

Ameno to Aron timo paka Musa oyido otieko waco, to ŋweco i dier cokirok kama thoyamo oyido otieko cak'iye i dier ji. Oketho buban, to timo kwer ma ŋuto kwoŋ ji.

Kwan 22:4

Jomowab jowaco ri jodongo ma Midian ni, “Jome jolanaŋo woko kisi gim'othoko wan, paka dhiaŋ naŋo woko lum i samba.” Onyo Balak wod pa Zipor am'oyido obedo kere ma Mowab i hongo no.

Kwan 31:2

Cul kwor ri Joisiraili kwoŋ Jomidian, aka rumacen icoki ji kanyacel.

Yuda 1:13

Jocale kitula pa pi i nam, aka tim pajo ma wickwot yenyo malo pa bwoyo. Jocale micalin m'ocot, ma Were otieko yiko rijo kabedo ma cil gi cil i mudho.

Jothum Banja 2:4

Munyo malaika pa Rwoth otieko luwo wac me ri Joisiraili, ji jotiŋo dwondi gin malo to joywak.