Kwan 22:9 - KITAWO MALEŊ

⁹ Were obino bongi Balam, aka openjo go ni, “Me cwo mene ma jonitie bongin?”

KITAWO MALEŊ Catholic

⁹ Were obino bongi Balam, aka openjo go ni, “Me cwo mene ma jonitie bongin?”

Kwan 22:9 ပူးပေါင်းရင်းမြစ်များ

Cakirok 16:8

Aka owaco ni, “Hagar ŋeca pa Saray, iwok yukune aka ikidho kune?” Hagar odwoko ni, “Aringo kwoŋ dhakodwoŋ paran.”

Cakirok 20:3

Wor acel Were onenere ri Abimelek i lek, aka owaco rigo ni, “Neni itieko tho rupiri dhako m'ibedo gine otieko nywomere.”

Cakirok 31:24

To Were bino ri Laban Jaramean i lek wor, aka owaco rigo ni, “Gwokere m'ikiwaco ri Yakobo wac moro, maber kosa marac.”

Cakirok 4:9

Kenyo Rwoth openjo Kayin ni, “Nikune Abel omin in?” Kayin odwoko ni, “An akuya; abedo jakur p'omin an?”

Cakirok 41:25

Yozefu owaco ri Farawo ni, “Lek ario jonyutho gimoro acel. Were omenyo rin gima go cegin timo.

Kitawo mar'ario mapa Musa m'ilwoŋo ni Wok 4:2

Ameno Rwoth openjo Musa ni, “Meno aŋo manitie i cingin?” Musa odwoko ni, “Luth.”

Daniel 2:45

pak'ineno tele ma k'omukere gi cingi dhano oŋinyo nyweny, ywel, lowo nyamasiga, feza, kodi zahabu. Were madwoŋ otieko miyo kere ŋeyo gima latimere i hongo ma bino. Lek no obedo ameno, aka dwoŋ mere otire.”

Kwan 22:10

Balam odwoko Were ni, “Balak wod pa Zipor kere ma Mowab ooro jo bongan ka waco ni,

Kwan 22:20

Wor no Were obino bongi Balam to waco rigo ni, “K'inen cwo me jobino lwoŋin, ay ikadhi gi jo, to nyaka wac m'anowaci rin, meno am'inotim.”

Kwan 22:8

Balam odwoko jo ni, “Nindi win ka wor me, aka dikin, alamiyo win radwok paka Rwoth owaci ran.” Ameno jodongo ma Mowab jodoŋ bongi Balam.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 7:22

I ndelo no, jomathoth jobino waco ni, “Rwoth, Rwoth, kole watuco mikwenda pa Were i nyingin, wariemo woko jwogi i nyingin aka watimo gir'aura madongo m'omore i nyingin!”

Yohana 11:51

Iy'adieri, go k'owaco gime i paro pere won; kwanyo woko paka go oyido jadwoŋ pa jocway ri Were i wi migam i oro no, go otuco mikwenda ma wok bongi Were nike Yesu cegin tho ri Joyuda je.