Kwan 21:9 - KITAWO MALEŊ

⁹ Ameno Musa otimo thwol ma ywel, to ketho wi yath, aka kisi ka thwol okayo dhano, ŋato ŋiyo thwol ma ywel to kwo.

KITAWO MALEŊ Catholic

⁹ Ameno Musa otimo thwol ma ywel, to ketho wi yath, aka kisi ka thwol okayo dhano, ŋato ŋiyo thwol ma ywel to kwo.

Kwan 21:9 ပူးပေါင်းရင်းမြစ်များ

2 Kerin 18:4

Onyeko woko kalamo manyakafir, oturo woko sirin ma telin, to toŋo woko cal pa were madhako Asera. Go bende oturo woko thwol ma ywel ma Musa oyido otimo m'ilwoŋo ni Nehusitan, kole cuka ndelo no Joisiraili oyido fodi jowaŋo rigo buban ma miyo go dwoŋ.

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 12:32

K'otiek tiŋan malo wok piny abino ywayo ji je bongan.” [

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Joroma 1:17

Kole Wac Manyen Maber nyutho paka Were ketho ji i tiro gine luwo kwoŋ yeyo, wok i cakirok tundo i gike. Ato randik waco ni, “Ŋat'okethi i tiro gi Were bino kwo gi yeyo.”

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

1 Yohana 3:8

Ŋata medere gi timo reco meno dhano pa jwogi, rupiri jwogi ocako gi reco pere wok con. Wod Were obino ro wac me: Reyo woko tic ma jwogi oyido otieko timo.