Kwan 21:7 - KITAWO MALEŊ

⁷ Joisiraili jobino bongi Musa to jowaco rigo ni, “Watieko timo reco gi luwirok kwoŋ Rwoth kodin. Onyo kway Rwoth wokwany woko thwole kwoŋ wan.” Ameno Musa okwayo ri ji.

KITAWO MALEŊ Catholic

⁷ Joisiraili jobino bongi Musa to jowaco rigo ni, “Watieko timo reco gi luwirok kwoŋ Rwoth kodin. Onyo kway Rwoth wokwany woko thwole kwoŋ wan.” Ameno Musa okwayo ri ji.

Kwan 21:7 ပူးပေါင်းရင်းမြစ်များ

Cakirok 20:17

Kenyo Abraham okwayo Were, aka Were obotho Abimelek, cege, kodi ŋecin pere ma mon ŋey jowonywol nyithindho

Cakirok 20:7

Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”

1 Kerin 13:6

Kere Yerobowam owaco ri jatuci wac Were ni, “Mondo kway ran Rwoth, Were perin, aka ikway go wobothi cingan!” Jatuci wac Were okwayo aka cingi kere obothi.

2 Kerin 13:4

Kenyo kere Yehoahaz okwayo Rwoth, aka munyo Rwoth oneno nger ma kere ma Siria oyido diyo Joisiraili, odwoko kwayo pere.

Yobu 42:10

Rumacen Rwoth odwoko lim pa Yobu munyo go otieko kwayo ri merin pere. Rwoth omiyo go gigipiny mirundi ario loyo m'oyido go nitie gine con.

Yobu 42:8

Onyo riameno ter win thwondhe abirio gi wot rombo abirio, wikidhi bongi ŋeca paran Yobu, to wimiyo mic awaŋa. Ŋeca paran Yobu lakwayo riwin, kwoŋbedo alayeyo kwayo pere ŋey akir'atiy gi win cungo kwoŋ miŋo mewin. Wikiluwo kwoŋan m'otire paka ŋeca paran Yobu.”

Zabuli 106:23

Riameno owaco ni lareyo ji pere, ma bedi Musa, ŋeca pere m'oyero k'ocungo i dier Were gi ji pere ma geŋo nge pa Were kwoŋ reyo jo.

Zabuli 78:34

Munyo oneko jomegi kwoŋ jo, jom'odoŋ jorango go; joŋuto reco to jorango Were gi cuny jo je.

Kitawo mar'ario mapa Musa m'ilwoŋo ni Wok 10:17

Onyo riameno, cwaki ran win rume kende, aka wikway Rwoth Were mewin wokwany woko gir'acula ma tho me kwoŋan.”

Kitawo mar'ario mapa Musa m'ilwoŋo ni Wok 32:11

To Musa oywaki gi Rwoth Were pere to waco ni, “Rwoth, raŋo keme perin oliel kwoŋ ji perin, m'iwodho jo wok i piny Misir gi meni madwoŋ kodi cingin ma dimeni?

Kitawo mar'ario mapa Musa m'ilwoŋo ni Wok 32:30

Yawere Musa owaco ri ji ni, “Witimo reco ma kiwacere. T'abino kidho malo bongi Rwoth kendo akway go wocwaki reco mewin.”

Kitawo mar'ario mapa Musa m'ilwoŋo ni Wok 8:28

Ameno Farawo owaco ni, “Abino weyo win kadho miyo Rwoth Were mewin cowirok i thim, ka wikilakadho bor. Kway ran.”

Kitawo mar'ario mapa Musa m'ilwoŋo ni Wok 8:4

Jobino por kwoŋin, ji perin, kodi kwoŋ jodhum perin.’ ”

Kitawo mar'ario mapa Musa m'ilwoŋo ni Wok 8:8

Kenyo Farawo olwoŋo Musa gi Aron to waco ni, “Kway win Rwoth wokwany woko ogwale me, aka abino weyo ji mewin jokadhi ŋey jowonyal miyo Rwoth cowirok.”

Isaya 26:16

Awi Rwoth, i teko ji jorangin, jokwayo, munyo imiyo jo gir'acula.

Yeremia 15:1

Kenyo to Rwoth waco ran ama: Kada Musa kodi Samwiri jocungi ruwaŋan, kucel ak'onyuthi ji me ŋono. Alariemo jo woko ruwaŋan, t'aweyo jokadho.

Yeremia 37:3

Kere Zedekia ooro Yehukal wod pa Selemia kodi Zefania jacway ri Were i wi migam wod pa Maseya bongi Yeremia ka waco ni, “Mondo kway riwan Rwoth Were mawan.”

Hoseya 5:15

Alagik kendo i kabedo paran, cuka joyey banja pajo to jodwaran. I rembo pajo jolakwayo nema paran.

Kwan 11:2

To ji joywak ri Musa; Musa okwayo Rwoth, to mac tho.

Matayo 27:4

“Atieko timo gimarac icamo sereko ri dhano m'ongoye gi raco ni woneki.” To jono jowaco ni, “Wan wadewo ri waye kwoŋ gino? Meno makin.”

Tim pa Jomoor 8:24

Simon owaco ri Petero kodi Yohana ni, “Mondo kway win ran Rwoth, ŋey wongoye kada gimoro acel ma wiluwo kwoŋe me ma wotiman.”

Joroma 10:1

Wutmera, ayenyo gi cunyan je ni ji paran je jowobothi! Neni paka akwayo Were rijo!

Kitawo mar'abic mapa Musa m'ilwoŋo ni Cik 9:20

Rwoth omako nge swa gi Aron m'oyido oyikere reyo woko go, t'akwayo ri Aron i hongo acel no bende.

Yakobo 5:16

Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

1 Samwiri 15:24

Saulo odwoko Samwiri ni, “Ey, atimo reco; akiwinjo or pa Rwoth kodi wac perin. To oyido alworo jolweny paran, t'atimo gim'oyido jomito.

1 Samwiri 15:30

Saulo odwoko ni, “Atimo reco! To kad'ameno nyuthan wor ruwaŋ jotel pa ji paran kodi Isiraili je. Dok kodan ŋey anyal lamo Rwoth Were perin.”