Kwan 19:13 - KITAWO MALEŊ

¹³ Nyatoro m'ogey delkwoŋ jatho, delkwoŋ dhano moro je m'otho, to bedo ma k'olwokere, go loko tabenakulo pa Rwoth makoc; aka nger ŋato ibino poko go kwoŋ ji ma Isiraili. Paka pi ma cwako reco k'okir kwoŋ jo, jodoŋ ma jokoc; koco pajo fodi nitie kwoŋ jo.

KITAWO MALEŊ Catholic

¹³ Nyatoro m'ogey delkwoŋ jatho, delkwoŋ dhano moro je m'otho, to bedo ma k'olwokere, go loko tabenakulo pa Rwoth makoc; aka nger ŋato ibino poko go kwoŋ ji ma Isiraili. Paka pi ma cwako reco k'okir kwoŋ jo, jodoŋ ma jokoc; koco pajo fodi nitie kwoŋ jo.

Kwan 19:13 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 30:33

Ŋat'otim mo ma cale gine kosa oor kwoŋ ŋata k'obedo jacway ri Were i wi migam k'okwanere paka acel kwoŋ ji paran kendo.’ ”

Agecin 14:32

Jokidakana ikengila jo gi tim pajo marac, to jom'otire jonwaŋo kapondo i tiro pajo.

Ezekiel 44:26

Rumacen ma bedo m'olony kendo, iripo kwano rigo ndelo abirio.

Jolevi 15:31

“Ameno apaka wilapoko Joisiraili kwoŋ koco pajo, ŋey jokiri jowotho i koco pajo, ka jokoco kabedo paran manitie i dier jo.”

Jolevi 20:3

An won gipi alacomo waŋan kwoŋ ŋato, t'apoko go woko kwoŋ ji pere, kwoŋbedo go omiyo acel kwoŋ nyithindho pere ri were Molek, koco kabedo paran kodi nyingan maleŋ.

Jolevi 22:3

Waci rijo ni, “I luse pajo je jacwo m'ocore cegin gi gigipiny maleŋ, ma Joisiraili jomiyo Rwoth, kareno go koc, ŋato ilakwanyo woko ruwaŋan: An abedo Rwoth.”

Jolevi 22:4

“Wongoye jacwo m'obedo nyakwar Aron ma two dhowo kosa ma cwero tuti ma wocam gigipiny maleŋ cuka go lony. Ŋat'ogey gimoro je makoc m'otho kosa jacwo m'ojayo kwoŋe;

Jolevi 5:17

Ka nyatoro otimo reco ma go k'oŋeyo, to timo gigipiny ma or pa Rwoth kwero, meno itimo banja, aka iripo miyin gir'acula.

Jolevi 5:3

Kosa k'igeyo koco pa dhano, gimoro je ma loko dhano makoc, aka ikiŋeyo, tekin iŋeyo, ilabedo gi banja.

Jolevi 5:6

Ilakelo ri Rwoth, paka cul ma reco m'itimo, min rombo kosa min diel, paka mic ma cwako reco. Jacway ri Were i wi migam latimo rin cowirok ma cwako reco perin.

Jolevi 7:20

To ŋat'ocam riŋo wok i cowirok ma mic ma siem ri Rwoth munyo jokoc, lapokere kwoŋ ji pere.

Jolevi 7:21

Aka ŋat'ogey koco pa dhano kosa ogwaŋ makoc, kosa gimakoc moro je ma kelo amien, to camo riŋo wok i cowirok ma mic ma siem ri Rwoth, lapokere kwoŋ ji pere.

Kwan 15:30

To ka dhano otim gimikanyo, obedi Jaisiraili kosa japath, meno obwono Rwoth, ibino riemo go woko i dier ji.

Kwan 19:14

Me a or ka dhano otho i Wema: Kisi dhano m'obin i Wema, kodi kisi dhano manitie i Wema, bino bedo makoc ma ndelo abirio.

Kwan 19:18

Kenyo ŋat'olony bino kwanyo cangwe, to lutho i pi, to kiro i wi Wema kwoŋ gigipiny ma ot, kwoŋ ji m'oyido jonitie kenyo, kodi kwoŋ ŋatimoro je m'ogeyo coko, ŋat'oneko, delkwoŋ ŋat'otho, kosa kaliel.

Kwan 19:19

Ŋat'olony bino kiro pi kwoŋ jomakoc i ndelo mar'adek kodi i ndelo mar'abirio, ameno go cwako reco pajo i ndelo mar'abirio. Kenyo jo bende jobino lwoko nangin pajo to jolwokere, aka othieno jobino bedo m'olony.

Kwan 19:20

Ŋatimoro makoc to kwero lokirok m'olony, nger jono ibino poko jo woko kwoŋ cokirok, rupiri jotieko koco Kabedo Maleŋ pa Rwoth. Paka pi ma cwako reco fodi k'okir kwoŋ jo, jokoc.

Kwan 19:9

Kenyo nyatoro m'olony bino coko buru ma roya, to konjo woko ma kambi kam'olony; aka ibino kano jo ri kweth pa Joisiraili paka pi ma lonyirok. Obedo mic ma cwako reco.

Kwan 8:7

Ama apaka ibino timo rijo, ma lonyo jo: Ikiri pi maleŋ kwoŋ jo, imiy jo lielo delkwoŋ jo gi kamweso to jolwoko nangin pajo, ameno jolalony.

Kwan 9:13

To nyatoro m'olony aka ongoye i woth, aka weyo kuro Kalima ma Kadho, ibino kwedo go kwoŋ ji rupiri k'okelo mic pa Rwoth i hongo mere ma ripo; nger ŋato labielo banja ma reco.

Yohana 8:24

Am'omiyo awaco riwin nike wibino tho i reco mewin. Aka wibino tho i reco mewin rupiri wikiyey nike, ‘An ago ma atuco riwin.’ ”

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

Joebulaniya 9:10

Jobedo nyaka cemo, gir'amadha, kodi tim m'omore ma lonyo del. Gino je oyido obedo nyaka cik ma woko, m'onwaŋo tiyo nyaka tundo ndir ma cikirok manyen oyido kidho caker'iye.

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”

Menyirok ri Yohana 22:11

Weyi jatim reco womedere gi timo reco, aka ŋata koc womedere gi koco pere, ŋataber womedere gi timo bero, ŋataleŋ womedere gi leŋo.”

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo